اكيد قصدك 3,5 بالفلتر و3 من غير فلتر
عرض للطباعة
بس يا باشا لازم لازم تغيير الفلتر زي ما المهندس / ايهاب قال لحضرتك
وبعدين بخصوص زيت كاسترول موجود عند واحد اسمه فاخورى بشارع الاربعين لو تحب اجيبلك تليفونه وتعرف هو فين بالضبط والراجل ده موزع للزيت ده وهتلاقى كل الانواع عنده وكمان وانت هناك هتجيب منه فلتر للزيت وعلى فكرة حاجة الراجل ده اغلبها اصلى .
ولو امكن فى كل غيار زيت تغير الفلتر يكون احسن انا عارف ان الناس هتقولك مرة ومرة تغير الفلتر بس الافضل طبعا كل مرة تغير الفلتر .
طبعاً معلومات جميلة جداً و قيمة
جزاك الله خيراً
و سؤالي انا معايا سينا2002 - 1600
يا تري ايه افضل زيت ليها ؟؟؟
و يا تري ايه افضل كل 3000 ولا 5000 ولا كل 10000 ك
و لكم جزيل الشكر
حضرتك كانوا بيتكلموا عن السينا في موضوع المهندس كريم منير "زيت كاسترول ايدج يستحق التجربة" علي المنتدي العام
حضرتك ممكن تراجع الموضوع دة
وممكن تسأل في قسم الفيات المنسق yoko هناك ماشاء الله عليه بيفهم جامد جدا
http://www.nilemotors.net/Nile/22004...post3873504502
وبعدين حضرتك راجع كتالوج عربيتك واعرف اللزوجة المطلوبة عن طريق الرمز وهيكون حاجة شبه كدة 10w/40 or 20w/40 وهكذا
وادخل علي موقع كاسترول ارابيا واعرف انسب حاجة لعربيتك Castrol Arabia : Egypt
والله المستعان
،
،
لا انا قصدي زي ماكتبت يا هندسة بس الصراحة انا عملت كدة من اكتر من سنة اجتهادي من غير ماارجع لحد بس انا لقيت ان 2 لتر من غير فلتر بيوصل الزيت ل بين علامة min & max و اعتقد ان دة المطلوب المهم ان مايقلش عن min و لا في ضرر ارجو الافادة مع الشرح مع مراعاة ان انا مبستناش على الزيت اول بالول بتابعه و بغيره فى ميعاده بالضبط
علي فكرة كله شغال اهم شيء في القصة دي كلها هو ان الزيت لا يقل عن علامة ال min ولا يزيد عن علامة الmax واهم شيء المتابعة طالما بتتابع كويس ومش بينقص يبقي مافيش مشكلة لأني عملت زيك كده من قبل وغيرت الزيت علي 3 لتر و أقل بس كان بيكون عند الماكس او أقل قليلا
وفعلا لو حطيت 2 لتر هتلاقيه تقريبا في الوسط بين العلامتين او أقل قليلا ولكن الأفضل انه يكون في الأعلي تحسباً لأي ظروف او تسريب يبقي ممكن تلحق نفسك لكن لو قليل وحصل اي طاريء هتبقي مشكلة وربنا يستر طريقنا جميعا
ايهاب (windofchange) باشا ده تعديل جديد و اضافة للمعلومات الجديدة اللي عرفتها من كاتالوج المستخدم اللي جالي في عربيتي الجديدة كوردوبا 2002