شكرا يا باشمهندس ععلي الاضافة والمعلومات الجامدة
بارك الله فيك
والله المستعان
،
،
عرض للطباعة
أمبارح غيرت الزيت التعاون وأشتريت زيت شل العبوة الحمرا hx3
حطيت 3 لتر بس مش 3,25 والعلامة كانت مظبوطة ومن غير تغيير فلتر
للوهلة الأولي حسيت ان صوت الموتور وطي شوية
ركنت العربية وبعد حوالي ساعتين بدور لقيت بردو صوت التاكيهات والموتور رجع لسابق عهده وصوته زي ماهوا
تقريبا لازم فعلا الواحد يجرب كاسترول ماجنتيك
لأن يبدو ان معظم الزيوت زي بعض
كمان الراجل لما نزًل الزيت قالي الزيت نازل كويس وكميته كويسة
هجرب واقولكم علي اخر التطورات
والله المستعان
،
،
دي صورة الزيت الي انا جبيته
هو زيت متعدد الدرجات 20w/50
http://www8.0zz0.com/2011/06/22/06/109831239.jpg
وفي جدول ظريف اوي نزلته من علي النت بيحدد نوع الزيت المناسب لسيارتك عملاه شل
بس للأسف مش عارف احط الرابط بتاعه
بس حضرتك ممكن تكتب في جوجل العبارة التالية وابدأ البحث
هتلاقي نتيجة البحث وجمبها كلمة pdf بين الاقواس المربعة Square brackets
والله المستعان
،
،
معلش نسيت احط العبارة
s h e l l h x 3
يا جماعه موضوع الزيت ده يجهله معظم المصريين و الكلام اللي هاقوله ده أنا عارف أنه هيكون صادم لمعظمكم لكن بصفتي أحد العاملين بقطاع البترول الكلام ده كلام لا يحتمل الجدل و ممكن أي حد يدور و يسأل و هيتأكد بنفسه :
أولا:الزيت التخليقي
موبيل 1 هوه هوه التعاون 1 و مصر للبترول 1 و الفرق في العبوه فقط بل أن زيت التعاون و مصر أكثر أمانا من موبيل 1 لأن نظرا للأقبال على موبيل 1 في منه مضروب و لذلك يجب شرائه من أماكن معتمده أما التعاون و مصر فالناس فاكراهم زيت أي كلام و الأقبال عليهم قليل فامفيش داعي لضربه
معلومه هامه: الزيت التخليقي لا ينتج في مصر من أصله يعني حتي الشركات المصريه بتستورده من موبيل و هما خمس مصانع في العالم كله اللي بيعملوه في أمريكا و فرنسا و سنغفوره ، يعني الفرق في العبوه و السعر فقط
معلومه هامه 2 : موبيل سحبت نشاطها من أفريقيا بالكامل بسبب عدم اهتمام الدول الأفريقيا بتطبيق السيفتي ماعدا مصر بسبب الربحيه الخياليه التي تحققها من بيع الزيت
ثانيا:الزيت المعدني
1- مصدره في جمهورية مصر العربيه لكل الشركات هو الهيئه المصريه العامه للبترول
2- هو عباره زيت أساسي Basic oil و يضاف عليه بعض الأضافات اللي كل الشركات بتستورد بعضها و بتصنع البعض الأخر مثل:
Anti foam - Anti oxidant -على سبيل المثال و ليس الحصر
معلومه هامه: مستودعات التعاون و مصر للبترول هما اللي بيخلطوا الزيوت المعدنيه لشل و موبيل و أمارات مصر و توتال و كله و الشركات تعبي و بس
معلومه هامه2: سواد الزيت ده مش معناه أبدا أن الزيت وحش أو أضافاته بتنهار سواد الزيت معناه كفائه أداء الزيت لأن الزيت لما يسود معناه أنه بيلم الرواسب داخل غرفة الأحتراق و المركبات المعقده التى لا تحترق مع الوقود و دي أحدى وظائف الزيت
معلومه هامه 3: أي ميكانيكي يمسك الزيت بأيده و يقول لزوجته راحت دي مبيهمش حاجه و هوه معذور في النقطه دي لأنه مش متعلم و الموضوع أن الزيت المتعدد الدرجات يضاف عليه أضافه اسمها Polymers و هي ماده شبه الجيلى بتخلي الزيت لما يسخن يكون ليه درجة لزوجه و لما يبرد يكون ليه درجة لزوجه أخري و إلا يبقى يعني أيه متعدد الدرجات
الدليل:
1- الجيش بيستخدم زيت التعاون لدباباته و طائراته المروحيه و النفاثه و أكيد دول أغلى و أهم من الأبيزا و أي حد يعرف ظابط جيش يسأله و يا ريت يكتب الرد !!
2- السفن العابره قناة السويس بتشتري زيت التعاون و مصر للبترول و المحرك البحري ده تمنه عشرات الملايين
3- شركات الطيران الوطنيه الي فتره قريبه كانت بتستخدم زيت مصر للبترول
4- السكك الحديد و الكهرباء و محركات و مولدات كتير أغلى بكتير من سيارات الركوب بتستخدم الزيوت المصريه
و الفرق بس في الدعايه اللي الشركات الأجنبيه بتعملها مع أنها بتشتري زيوتها المعدنيه من الشركات الوطنيه و يا ريت أي حد يسأل عن ال API اللي كل الشركات بتكتبوا على عبوات الزيت و انتوا هتتأكدوا من الكلام ده
أخي الفاضل انا أحترم كلام حضرتك جدا ولا أشكك فيه لحظة واحدة ولكن ....
انا استخدمت زيت امارات مصر وقبله كنت بستخدم شيل و أخيرا بستخدم فيسكو
حضرتك لما غيرت من نوع زيت لأخر ومع استخدامه لنفس عدد الكيلومترات فعلا فيه زيت بيعطي نعومة أكثر للمحرك من نوع أخر بغض النظر عن ايهم أفضل وانا برتحاله وفعلا أداء وصوت المحرك بيختلف معاه بس في النهاية فيه فرق كبييييييير بين أنواع و أنواع أخري
انا عمري مستخدمت زيت التعاون ولا مصر للبترول ومقدرش أقلك هو كويس ولا لأ ولكن ثق أن هناك فرق وليس مجرد احساس او وهم كما يقول البعض
النقطة الأخري هي ان لكل شركة اضافات خاصة بها بتضعها علي الزيت وهذه الاضافات هي اللي تميز زيت عن الأخر وانا مع كلامك ان ال base واحده لكل الزيت ولكن الفرق في الاضافات كما ذكرت حضرتك
منتظر تعليقك علي كلامي
والله ياباشمهندس ايهاب انا فضلت استعمل زيت مصر 10,000 العلبة الذهبي لعربيتي اللادا حوالي 5 سنوات لا حسيت بفرق بينه وبين شل الاصفر ولا اي كلام من دة وماكنتش داوش دماغي والدوشة جاتلي لما جيبت الابيزا وزي مابيقولوا الي عايز تحيره خيره
كمان كنت بمشي عليه نظام افتري
الزيت الي بيمشي 5 بمشيه 10 والي بيمشي 7.5 كنت بمشيه 10 والألف بمشيه 1500
وبصراحة اللادا عمرها ماقالت ااه
كمان مرة محطة شل كانت عاملة عرض انها تكشفلك علي الزيت وتقيس جودته
دخلت عليهم بزيت مصر وكنت ماشي عليه اكتر من حقه وكشفت والراجل خد عينة من المقياس وحللها وقالي الزيت زي الفل
والله المستعان
،
،
إيهاب باشا
1- الأضافات دي بتتحط بنسب محدده زي جرعه الدواء بالظبط و محدش ينفع يزود و لا ينقص فيها ده بخصوص موضوع النسب أما الأضافات نفسها كلها زي بعض بدليل ان موبيل و شل و كالتكس و توتال بتخلي الشركات المصريه تخلطلها و لو في أي فرق شركه بحجم موبيل أو شل هتخاف على سمعتها
2- الشركات كلها عشان تنتج زيت متقدرش تنزله السوق بدون حصولها على Approval من ال API american petroluem institute و الكلام ده هتلاقيه على كل عبوات الزيت اي كان نوعها
3- موضوع النعومه ده فلو حضرتك حطيت زيت مكافىء للزيت اللي بتستخدمه مش هاتشعر بأي فرق مثلا زيت SF بتاع ال2500 هوه هوه نفس الأداء في كل الأنواع
شكرا علي المجهود
بس انا ليا سؤال لحضرتك
هو حضرتك بتستعمل للأبيزا زيت ايه ؟؟؟