معدل إستهلاك الوقود فى اللوجان

**Tiger77** · 19-06-2011 08:23 PM

أخوتى اللوجانوية
تحية طيبة وبعد
افيدونى فى هذا الموضوع - انا لاحظت موخرا ان معدل إستهلاك البنزين بالعربية زاد جدا ووصل لحد 11,9 لتر / 100 كم وده طبعا معدل مش طبيعى خاصة ان العربية ليها معايا حوالى سنة وهيه بسم الله ما شاء الله زى الفل بس الموضوع ده غريب عليا شوية - هل فيه اى حد واجه الموضوع ده قبل كده وهل هناك داعى أن الروح الصيانة والا لأ 0
شكرا لكم جميعا 0

**Xlance2010** · 19-06-2011 08:47 PM

انا شايف ان ده معدل طبيعى يعنى تقريبا 240 فى الصفيحة معدل كويس مش وحش ابدا ، وياريت حضرتك توضح لنا هى كان استهلاكها كام كيلو فى الصفيحة قبل حساب هذا المعدل لان معدل الاستهلاك عندى 260 كيلو فى الصفيحة وبانتظار رد حضرتك مع ارق امنياتى - المدون طارق الجيزاوى

**AIMANFOUADGAD** · 19-06-2011 09:30 PM

المشاركة الأصلية كتبت بواسطة xlance2010

انا شايف ان ده معدل طبيعى يعنى تقريبا 240 فى الصفيحة معدل كويس مش وحش ابدا ، وياريت حضرتك توضح لنا هى كان استهلاكها كام كيلو فى الصفيحة قبل حساب هذا المعدل لان معدل الاستهلاك عندى 260 كيلو فى الصفيحة وبانتظار رد حضرتك مع ارق امنياتى - المدون طارق الجيزاوى

حساب حضرتك غلط للاسف لان ده معناه حوالى 170 لتر فى الصفيحه......ده معدل عالي....شوف الموضوع ده فى التوكيل........

**ABOHAZEM_NEW** · 19-06-2011 11:52 PM

لو عندك صيانه قريب بقى قولهم مجرد هينضفوا الحساسات لأن ساعات البنزين بيكون مش نظيف أو تشوف ميكانيكى كويس
إن شاء الله الموضوع هيكون بسيط
حاول تتمون من بنزينه كويسه زى الوطنيه أو الإمارات أو بنزينه كبيرة محترمه

**ahmedbakr50** · 20-06-2011 01:03 AM

حضرتك طبيعة مشاويرك فين
يعنى إذا على طول فى وسط البد - ولا طريق سفر؟

**best2010** · 20-06-2011 04:16 AM

متوسط الأستهلاك (طريق سريع + وسط البلد) عندى 8.5 لتر/100كيلو

**mohamed1979** · 20-06-2011 08:23 AM

لو الطرق زحمه اوى و مشغل التكييف فعلا المعدل ده بيتحقق معايا

**Tiger77** · 20-06-2011 10:20 AM

شكرا أصدقائى الأعزاء على الإهتمام
على فكرة انا بمون بنزين 92 من بنزينة وطنية (يعنى مش مسألة نوع البنزينة أو البنزين ) , بس أنا النهاردة جربت حاجة جديدة , أنا قرأت على الموقع من بعض الزملاء أن كومبيوتر الرحلات لازم يتصفر علشان يدى حساب صحيح لأنه بيحسب معدل الإستهلاك على كل الرحلة ومع أنى مش مقتنع بالكلام ده بشكل كامل مع إحترامى لرأى الزملاء إلا ـنى جربته ومشيت بالعربية مشوار حوالى 50 كم لقيت المعدل نزل لحوالى 7,2 لتر / 100 كم وده مخالف للوضع إللى كان قبل كده وكان حوالى 11,4 لتر / 100 كم , المهم أنى لقيت الموضوع شيق وأنا لسه بجرب 0 يا ترى حد جرب الموضوع ده قبل كده ؟

**akerima** · 20-06-2011 10:30 AM

الطبيعي انك تعمل من 8 الي 8.1 لو انت ماشي جوا البلد وعلي الطريق الصحراوي مثلا بسرعة ثابتة اقل من 120ك في الساعة حتلاقيك بتعمل حوالي 6.5 الي 7 دا طبعا بدون تكييف ما تقلقش من اللي بيقراه العداد لانة في الاخر لو فضلت مده طويلة وماصفرتوش بيديلك متوسط قراءه مش قراءه حقيقية

**zkralla** · 21-06-2011 03:39 PM

حساب معدل استهلاك البنزين بيكون على الطوالى
حضرتك لو لو وقفت فى اشاره لمده نصف ساعه مثلا هتلاقى العربية بتحرق بنزين فى حين عداد الكيلو متر عمل صفر كيلو متر
كمان المشى على الاول والثانى بيستهلك بنزين كتير من غير ما تكون مشيت مسافة طويلة
فجرب فى طريق طوالى على متوسط سرعه 100 كيلو / ساعة

الموضوع: معدل إستهلاك الوقود فى اللوجان

LinkBack

أدوات الموضوع

عرض

-

-

-

-

-

المواضيع المتشابهه

" حساب معدل إستهلاك الوقود " هديه لأعضاء منتدى نايل موتورز

هديه لأعضاء منتدى نايل موتورز " حساب معدل إستهلاك الوقود "

معدل إستهلاك ال 305 للبنزين

معدل إستهلاك البنزين

معدل إستهلاك الوقود فى دايو لانوس 2008

الكلمات الدلالية لهذا الموضوع

المفضلات

المفضلات

ضوابط المشاركة