مشكلتين محتاجين حل!!!

**beshomilan** · 20-06-2011 02:21 AM

بعد اذنكم عندى مشكلة فى الاكسيل

الزيت كان بينقط تحت العربية باستمرار ولما رحت للميكانيكى وقاللى انا ظبطلك الطبة وقفلتهالك كويس وبرضه مازالت العملية مستمرة وتحت العربية بلاقى بقعة زيت كبيرة لو راكن كتير ولو راكن قليل بلاقى نقط قليلة..
مش عارف اعمل ايه..علما انى لسة مغير الزيت من شهر ومغير الفلتر معاه..ياترى الحل ايه

مشكلة اخرى..

المية عندى مكنتش بتنقص غير كل اسبوع حوالى 2 سم كده وكنت بزودها عادى

بعد مافكيت الريداتير وسلكته من شهر كده المية بقيت بتنقص كل يومين ولازم ازودها مع ان دورة التبريد كويسة وتمام ومفيهاش تسريب والعربية مبتسخنش نهائى والترموستات متشالة..علما انى حاطط مية خضرا موبيل وبزود العربية مياه مقطره فقط وكمان بشغل التكييف فى كل خروجة..فمش عارف التكييف ده ينقص المية ولا فى مشكلة تانى؟؟

**beshomilan** · 20-06-2011 02:51 AM

ملاحظة:
انا كنت غيرت غطا الريداتير اللى كان عندى وكان مكتوب عليه 15 psi بواحد تانى يابانى 0.9 psi فهل ده السبب..ولا ملوش علاقة؟؟؟

**mrastra** · 20-06-2011 09:10 AM

المشكلة الاولى لازم تغسل الموتور كويس اوى وبعدها تشوف الزيت خارج من انهى مكان
وكمان عاوزين نحكم الزيت دة منين هل من الفتيس ولا من الموتور ودة هايحصل اما تقيس زيت الموتور والفتيس
تانى مشكلة اكيد بعد فك وتركيب الردياتير وفك الخراطيم والذى منة فى خرطوم بينقط ومع سخونة المكنة المية بتتبخر فانت بتحس ان ما فيش تنقيط
ح-اول تحرق على كل الكاوتشات
تحياتى

**beshomilan** · 20-06-2011 01:31 PM

اشكرك استاذى العزيز للرد

بس الميكانيكى قاللى ده من طبة الزيت وكل مره يقولى قفلتلك كويس عليها وبرضه نفس المشكلة

ح-اول تحرق على كل الكاوتشات

يعنى ايه احرق عليهم؟؟؟

بس حضرتك مقولتليش ممكن يكون ده سبب للمشكلة؟؟؟

ملاحظة:
انا كنت غيرت غطا الريداتير اللى كان عندى وكان مكتوب عليه 15 psi بواحد تانى يابانى 0.9 psi فهل ده السبب..ولا ملوش علاقة؟؟؟

**windofchange** · 20-06-2011 05:45 PM

الطبة بتاعت زيت الموتور لازم تتأكد ان الزيت زيت موتور مش فتيس بانك تحط طبق بعد ماتركن تحت طبة زيت الموتور وتشوف قبل ماتمشي الزيت وقع فيها ولا لأ........اعتقد مراسترا قصده تحرق عالكاوتشات بانك تربط الافايز كويس او تغيرهم بجديد لو ضعفوا والله اعلم وممكن تجرب تجيب غطا زي الاصلي للردياتير وشوف كده