العربية بتكركر بعد rpm 3000

**beshomilan** · 20-06-2011 03:45 AM

العربية اكسيل وبتكركر بعد rpm 3000 على كل الغيارات علما انى بستخدم بنزين 80 ومظبط الكهربا ومبقدرش احرق على اى غيار اكتر من كده لان الكركرة بتعلى..ياترى المشكلة فين؟؟؟

**ahmedhawas** · 20-06-2011 05:12 AM

غالبا البنزين هو السبب.... مغشوش
انا بقالي ييجي 10 سنين محطتش بنزين 80 .... ثم أساسا بنزين 90 ده احنا شاكين في أمره - تقوم تحط 80
على فكرة في مصر الجديدة تقريبا معدش في بنزين 80 في المحطات والكلام ده من زمن

**beshomilan** · 20-06-2011 05:30 AM

غالبا البنزين هو السبب.... مغشوش
انا بقالي ييجي 10 سنين محطتش بنزين 80 .... ثم أساسا بنزين 90 ده احنا شاكين في أمره - تقوم تحط 80
على فكرة في مصر الجديدة تقريبا معدش في بنزين 80 في المحطات والكلام ده من زمن

بس انا بغير البنزينات وفكل التفويلات بيحصل كده
وانا عارف ان ال 80 محدود مش فكل البنزينات يعنى مش موجود مثلا فمصر الجديده او المهندسين

بس انا اقصد ان الفكرة فى البنزين ال 80 ..هو اللى بيعمل كده؟؟؟؟؟

**ahmedhawas** · 20-06-2011 05:52 AM

يعني إيه مظبط الكهربا ؟؟؟
تفاصيل التفاصيل لوسمحت

**ahmedhawas** · 20-06-2011 06:52 AM

اللي انتا بتحكي فيه ممكن يكون ليه أسباب كتير ....
فطالما انك استبعدت نوعية البنزين
فممكن يكون السبب من البوبينة(coil) - ممكن تكون بتسخن جامد (جرب طريقة التكسجية - واوعى تكون مش عارفها - قماشة مبلولة ميه واعصرها-ههههه)
أنا فاكر مرة كان في عربية فيها نفس الحوار بتاعك ده والكهربا متظبطة (واخدلي بالك) والبوبينة كانت جديدة فاستحالة يكون العيب منها- إلا اننا بالصدفة لقينا الأخ اللي ركبها كان مقرط عليها بغباء لدرجة انك تحس انها اتعصرت - وبالتالي بوظ لفات الملف الإبتدائي داخلها ومبقتش بتقدر تدي الفولت المناسب للبوجيهات على سرعات الموتور العالية وبمجرد ما غيرناها ظبطت.
وممكن تكون كابلات البوجيهات - أو كابل الHT بتاع البوبينة إلى راس الاسبراتير
وممكن يكون الكربراتير : ممكن يكون بيدي بنزين كتير أوي على السرعة دي (over-fueling)- شوف البوجيهات القديمة اللى انت لسة مغيرها كانت عاملة ازاي (مش مظبط الكهربا - يعني أكيد غيرت البوجيهات)
وممكن تكون لسة مغير سير كاتينة (وفيها سنة - بكسر السين وتشديد النون) أو السير مشدود جامد أوي ، أو متغيرش من فترة كبيرة أوي وحصل فيه إستطالة( وده نادر انه يحصل)

والله أعلم !!
ومتنساش تقولنا طلعت ايه في الاخر

**beshomilan** · 20-06-2011 01:39 PM

اشكرك اخى العزيز على الرد :)

يعني إيه مظبط الكهربا ؟؟؟
تفاصيل التفاصيل لوسمحت

يعنى كانت العربية بتسقف عندى مع البنزين 80 والميكانيكى على الا ار بى ام فالتسقيف راح

شوف البوجيهات القديمة اللى انت لسة مغيرها كانت عاملة ازاي (مش مظبط الكهربا - يعني أكيد غيرت البوجيهات)

فعلا غيرتها بس قبل تظبيط الكهربا يعنى مثلا من 4000 كيلو..هى بتطلع مهببة والميكانيكى بيصنفرها وبتطلع كويسة..غير كده مفيش

وممكن تكون لسة مغير سير كاتينة (وفيها سنة - بكسر السين وتشديد النون) أو السير مشدود جامد أوي ، أو متغيرش من فترة كبيرة أوي وحصل فيه إستطالة( وده نادر انه يحصل)

انا فعلا مغيره من شهر 12 اللى فات ومكملش برضه 4000 كيلو..ومش عارف موضوع انه مشدود اوى ده

بس يمكن لو مونت مرة بنزين 90 يكون هو ده الحل انى هعرف ساعتها العيب من البنزين ولا من العربية؟؟