الموضوع: تقرير بالصور عن مقابلة صقور نيسان العائلية رقم (5) بجزيرة المعادى

السلام عليكم ورحمة الله
اصحابي واهلي وجيراني .... كيف حالكم؟؟؟
اولا اتوجه بالشكر الجزيــــــــــــــــــــ ـــــــــــــــــــــــــ ل لصاحب الانفرادات سواء في المواضيع او المقابلات او مكان المقابلات .... واللي بيخلي كل مقابلة احسن من المقابلة اللي قبليها
كان يوم راااااائع جداا جدا جدا يابو حميد .... مكان تحفة والجو كان جميل جدا والصحبة الطيبة والاكل كان حلو (كان فعل ماضي سيبه في حاله:D) ...والتورتة جميلة واللوجو بتاع نيسان كان جميل جدا والهدايا المحترمة وشكلك بتاخد خط انتاجها لوحدك علشان مش لاقيها بره ههههههههههههه
واسرتي انبسطوا جدا من مقابلة اسر الاعضاء التانية وبيقولولي لكننا نعرفهم من زمان ... ومش من السهل انهم بنبسطوا كده ماشاء الله هههههه
الف الف شكر ليك يا عمده يا مجمعنا علي الخير يارب دايما ... ربنا ما يقطعلك عاده ابدا ... ونتجمع علي حوض النبي صلي الله عليه وسلم .. بس ساعتها هاتبقي مقابلة الدنيا والاخرة ان شاء الله :)))

ثانيا ... هو احمد مقصرش في شكر الناس اللي مش بتتأخر علينا ابدا وخاصة لو من بره المنتدي (سامحوني علي الترتيب بالذاكرة بقي )
باسم سعيد حبيبي .... وصف احمد ليه مش كفاية جزاك الله عنا خيرا يابني علي تعبك وزيارتك لتجهيز المقابلة وسعيد جدا بيك
م/ايمن و م/كريم ... نورتونا واتشرفنا بيكم وشكرا لقبول دعوتنا المتواضعه وانكم فعلا من الشخصيات المحترمة وانا سعيد بمعرفتكم جدا جدا .
م/سبعاوي ..... الحمد لله عرفت اقعد معاك المرة ديه غير مقابلة الربوة ... ودمك زي العسل ماشاء الله
كريم فرحات .... الاسكندراني المرح زي العسل ومتشكرين علي العزومة الطيبة لاسكندرية ديه واكيييييييد هاجيلك ان شاء الله علشان كلامك عن الاكل ده مش عارف انام من ساعتها هههههههه .
محمد فوزي ابو رقية .. صديقي اللدود بجد وحبيبي في الله .... كفاية اني شوفتك بس متحرمش نك يا بو رقية وكان نفسي تقعد معانا كتير ... بس رقيه زهقت مننا بسرعه :))
محمد نجيب .. كان شيك شيك يعني ماشاء الله انا قلت رايح يخطب بس طلع فرح واحد صاحبه مش فرحه هو :))
وليد عادل .... مشكلة عسل والله ..... ازيك ياويل وحشتني يابني
بيشووووو .... نورتنا انت واخوك واسرتك الجميلة ديه .. والله يابني طول الطريق عمالين يكلموني عليهم .
احمد حنفي ...... حبيبي في الله ومكنتش اعرف ان الدنيا صغيرة اوي كده .... مكنش ناقص يقولي اسماء صحاب الشركة عندي ايه ههههههه
بسااااااام حافظ ابو عمر ... بصراحة انا مبسوط بعمر اكتر منك ... زي العســـــــــــل ماشاء الله لا قوة الا بالله ربنا يباركلك فيه
م/محمد ....... كنت منورنا والله ومفاجأه هندسة عين شمس ديه كانت جميلة :))
احمد سليم ... كنت منورنا بجد انت واسرتك الكريمة وقاعدتك ميتشبعش منها
علي ابو عمر .... حبيبي نورتنا وكان نفسنا نقعد تاني بس الجو تلج بليل ههههههههه
باسم رأفت ..... نورتنا وكانت مفاجأة جميلة جميلة جدا ودي اخلاق فرسان شيفروليه ... ربنا يديم المعروف
اخيرا ا/تامر صديق بسوووم سعيد ... شخصية قمة في الادب والاخلاق والهدوؤ ماشاء الله اتشرفت بمعرفه حضرتك يافندم وفرصة سعيده جدا جدا

شكرا ليكم ياشباب علي القعدة الظريفة ديه وان شاء الله تتكرر في الخير دايما يارب
ويااااااارب تفضل الروح الجميلة والطيبة ديه بين اعضاء نيسان اللي هما زي اخواتي دلوقتي وحاسس ان بقي ليا اخوات ممكن يقفوا في ضهري لو احتاجتهم او احتاجوني ... والله اقعدتكم ميتبعش منها
وانا اتمني اشوفكم كل اسبوع مش كل شهر .... وربنا يديكم المعروووف يارب العالمين
واقعدوا بالف عافية