الموضوع: تقرير بالصور عن مقابلة صقور نيسان العائلية رقم (5) بجزيرة المعادى

كل مقابلة بتزداد الصقور محبة وتالق في سماء قسم نيسان

تجمعنا لنحلق معا يوم 17/6 يوم الجمعة فى مقابلة عائلية واسرية كانت المقابلة الخامسة لصقور نيسان معا

كان يوم جميل جدا ابتدا من العصر الى الساعة 11 بالليل

قضينا وقت ممتع مع بعض .. والشباب سيطروا بمحبتهم على جزيرة المعادى

والعائلات استمتعوا بجو الجزيرة والمناظر الطبيعة الرائعة واخدوا جولة فى الجزيرة وسط الخضرا الطبيعة بسيارة الجولف..

اما احنا كان بينا حوارات الجميلة عن السيارات وعن الحياة
وتبادلنا الاحاديث الممتعة بينا والقفاشات واستمتعنا بلمتنا الجميلة
وجو الجزيرة الرائع

ووقت الغدا كان تحت البرجولة وسط النيل وجمال الجو فتح نفس الوحوش ..وكنا حنخلص ع سمك النيل كمان

وبعد الاكل كعادة نيسان وربنا ما يقطعها من عادة
احتفلنا باليوم الجميل بتورتة المقابلة

وتوزيع بعض الهداية الرمزية على الصقور
واخدنا بعض الصور الجميلة

كان يوم اكثر من رائع .. ولن ينسى من ذاكرتنا ومحفور فى قلوبنا

وانضافت لالبوم مقابلات نيسان الاسرية المتميزة

فى النهاية قبل ما اسيبكم مع الصور

احب اتوجه بالشكر الى

المهندسين بتوكيل السبع اللى شرفونا وحضروا معانا اللقاء .. المهندس ايمن المسئول عن قسم السمكرة
والمهندس كريم اسامة المسئول عن الضمان .. شرفوتنا ونتمنى انكم تنورونا كل مقابلات نيسان نايل موتورز

احب اشكر الجندى المجهول باسم سعيد ... ولكن مش مجهول فى قلبى ابدا .. اللى تعب معى فى تجهيز المقابلة وذهابه قبل مننا الى الجزيرة للاطمئنان على ترتيب المكان واللقاء .. .. وعقبال ما نقف ونجهز فى يوم فرحك باذن الله

واحب اتوجه بالشكر الخاص الى كريم فرحات على مجيئه مخصوص من الاسكندرية ليحضر معانا مقابلة الصقور .. وطبعا بنوجهله كل تحية وتقدير على تقديره الغالى والكبير لينا .. وشرفتنا يا كيمو

شكر خاص الى الكبير فى ذوقه وحبه لقسم نيسان الاستاذ خالد سبعاوى .. اللى بمجرد ما حكتله وقولتله عاوزين نشوفك قالى امتى وفين حدد الزمان والمكان .. وبلغته بمعاد المقابلة وقالى اكيد ححضر باذن الله .. وفعلا حضر معانا وشرفنا وبتشرفنا دايما يا باشمهندس ..

شكر خاص الى باسم رافت اللى حضر ونورونا من قسم شيفورليه ,, اللى دايما بيحضر معانا وبينورونا كل مقابلات نيسان , وباسم ليه تقدير كبير عندى جدا وعند كل الصقور على تقديره وذوقه الكبير ... فعلا حريف باخلاقه وحبه لكل الناس .. وفعلا نورتنا يا حبى

وشكر خاص الى تامر من قسم متسوبيشى اللى كان منورنا المقابلة .. واتشرفنا بيك جدا معانا .. وسامحنى انى معرفتش اقعد معاك وانت كنت شايف انا كنت عامل ازاى .. بس اكيد لينا لقاء قريب بينا تانى ..عشان اعقد معاك واتعرف عليك اكتر واكتر

شكر من القلب الى الصقور جميعا .. اصدقائى واخوانى فى الله

حسين جمال صديق عمرى .. اللى بحس معاه فعلا بالاخوة والصداقة الحقيقة بجد .. وتحية اكبر واكبر لاسرته الكريمة وللحاجة الوالدة ,,ربنا يخلهاله وتفرح بيك يا سونة ونفرح معاها
فعلا بكون سعيد لما بتقابل معاك ومع اسرتك الكريمة , بحس انى مع اهلى فعلا ,, ربنا يخلهوملك يا رب
ويخلى الحاجة لينا يارب ويديها الصحة

بيشوى صديقى واخويا اللى جه متاخر ..بس غفرتهاله لانه عملنا مفاجاءة وكان معاه والدته وحماته والمدام واخوه
بصراحة كانوا منورنا جداا , وتحية كبيرة لاسرتك الكريمة ,, اللى بنتمنى نشوفهم تانى باذن الله

وليد عادل اللى نورنا , مع انه كان وراه كتب كتاب صديقه .ز الا وانه قعد معانا وراح الفرح ورجعلنا تانى .. شوفته الصداقة وحبه للصقور .. كبير بقلبك

محمد فوزى حبيبى قلبى ,, اللى كان منورنا هو واسرته الكريمة .. الانسان الهادى الجميل ,, بتمنى نشوفك قريب تانى يا محمد وتعبتك معايا

احمد سليم اللى جه ونورنا وشرفنا حضوره هو واسرته الكريمة ,, وفضل معانا لاخر الوقت ,, وكنا اول مرة نتعرف عليه بس اكننا نعرفه من زمانننننن نورتنا فعلا يا احمد

اما حبيبى محمد نجيب .. كنت منورنا يا محمد فعلا .. الواحد بيتشرف بصدقته بيك , وبوجودك معانا دايما .. وصدقنى الواحد بيحب يشوفك دايما ويقعد معاك .. وسعداء بمحبتك لينا وباهتمامك الدائم فى حضور كل مقابلات الصقور
لانك بقيت صقر اساسى من الصقور ..

بيسو حبيبى بسام حافظ الرجل التيداوى الجميل حبيب هارتى .. نورنتنا انت واسرتك يا بيسو وعمر كان منورنا حبيبى قلبى وحبيب كل الصقور الصقر الصغنون اللى عاوزينه لما يكبر تجيبله انفنتى او مورانو كدا .. ربنا يخليهولك يارب
كنت منورنا يا بيسو بجد

احمد حنفى اللى كان منورنا وكان مصمم انه يتقابل مع الصقور ويتعرف علينا .. وتقديرك وحبك لينا ده يا بوحميد كبير جدا جدا عندنا .. ومعرفة خير .. ومنقدرش نستغنى عن وجودك معانا فى اى مكان
وشرفنا وجودك معانا

محمد ابراهيم .. حبيبى هارتى .. كنت منورنا يا محمد والله .. وبكون سعيد جدا بوجودك معانا دايما , وان شاء الله لينا جوالات مع بعض .. عشان انطلق معاك فى كل الرحلات وحرنتب لقاءات كتير مع بعض باذن الله
شرفتنا يا محمد وسعدنا بصحبتك الجميلة وبروحك الجميلة دى

على عبد الحميد اللى بينورنا دايما فى كل مقابلات الصقور .. وبرغم الظروف اللى كانت عنده الا وانه اصر يجى فى الاخر وقعد معانا لغاية باليل وكان منورنا
ومجئيك ده شرف كبيررررر لينا يا علوة فعلا
ودايما معانا يا حبى

فى النهاية كل الحب والتقدير لكل الصقور وضيوفنا

واسيبكم مع الصور

وعقبال كل مقابلة باذن الله

ومتجمعين على خير

ملحوظة

اى صورة مش حتتفتح
اعمل عليها :show picture وحتظهر على طول

صور اللقاء بعدسة ومحبة الصقور