انا حاسس ان عبد المنعم أبو الفتوح فرصته صفر
واعتقد لو اخذته العزة بنفسه بعد قرار الطرد من الجماعة هينضم للبرادعي وليس للعوا
عرض للطباعة
انا حاسس ان عبد المنعم أبو الفتوح فرصته صفر
واعتقد لو اخذته العزة بنفسه بعد قرار الطرد من الجماعة هينضم للبرادعي وليس للعوا
ان شاء الله يحدث تضامن و اتحاد للصالح العام
ما بين المرشحين الذين يمثلون التيارات الدينية
و لا اجد بينهم بصراحة احد بيفكر في مجد شخصي
و ان شاء الله الاصلح هو الذي يتولي
و بالنسبة لمدي دقة النتيجة حتي الان ففعلا هي نتيجة هلامية و لا اقول ذلك بسبب ان الدكتور البرادعي هو الاول ابدا و لكن لان هناك نسبة تفوق تلتين الشعب ممن لهم حق الانتخاب لا تدخل علي النت اصلا و حين يتوجهو للصناديق لن يكون مرجعهم نسب التصويت الظاهرة امامنا الان
م.حاتم السباعي
مش عارف بس حاسس إن تقييم حضرتك مش صحيح
لأن دكتور عبد المنعم له تاريخ ومصداقية عند شريحة كبيرة من الشعب المصري ومنها الإخوان وحتى الكثير من المسيحيين وفي رأيي حصته حتى الآن مساوية للبرادعي وللعوا
إنما صحيح أنا كان نفسي تقولي رأيك في موضوع عملته عن المهندس نجيب ساويرس لكن حضرتك ما ردتش علي فيه ؟؟؟
http://www.nilemotors.net/Nile/227190-a-2.html
يا ريت تشرفني برأيك في هذا الموضوع
عبد المنعم ابو الفتوح فرصته افضل والايام هاتثبت ان شاء الله
لانى اراه الاصلح لتلك المرحلة والله اعلم ...
انا جبت الحلقة
بص قال بالظبط كان ردا على سؤال : سواء مترشحتش او اترشحت ومفزتش هل تقبل تكون وزيرا ؟
" لكل حادث حديث وإنما اعتقد أن .. لا معتقدش يا يسري -وقالها بتأكيد وحرك رأسه نفيا- لإن أنا لدي يعني .. يعيني إذا كنت رئيس ليس لأود ان اكون رئيس وإنما لأكون في موقع يستطيع أن ينقل مصر نقلة نوعية مما نحن فيه إلى ما يجب ان نكون عليه .. ولا اعتقد ان موقعي في منصب وزير سيحقق لي هذا .. ولدي الكثير من الأعمال تكون أحب إلى قلبي من أن اكون وزيرا في وزارة"
انا كدا حاولت انقل الكلام بالنص .. عشان في الأول كتبت التعليق على ما اتذكره من الحلقة اللي من 3 شهور ..
اقتباس:
مش د. البرادعي قال -فيما معناه عشان مش فاكر الكلام نصيا- انه لن يقبل إلا منصب رئيس الجمهورية ؟
وانه في حالة لو مفزش بالمنصب .. غاليا هيرجع للخارج
الكلام دا كان في اون تي في .. في اللقاء اللي قبل الاستفتاء على طول
ينقص حضرتك الأستغفار لله عن ما فعلته بنقل خبر غير صحيح ومضلل ولم يأتي على لسان صاحبه .
سيدي الفاضل حضرتك كبرت الموضوع جدا
انا قلت فيما معناه .. وهو دا معنى كلامه -لإن الحلقة دي كانت من قبل الاستفتاء ومش فاكر نص الكلام-
وانا اللي كتبت الكلام بعد كدا ونقلته حرفيا -عشان الأمانة- لإني كنت كاتب فيما معناه. عشان مبقاش بأول الكلام .
وكلمة غالبا هيرجع الخارج . دي انا كاتب غالبا . المقصود ان انا فهمت كدا مش ان كلامه كدا ..
يعني انا فهمت من حتى ان ليه اعمال احب لقلبه انه غالبا هيرجع
أما موضوع نقل خبر غير صحيح .. ومضلل كمان . الكلام قوي جدا حضرتك
ايا كان انا بستغفر ربنا لو كان في خطأ في النقل .. ول ان دي مكنتش نيتي نهائيا .. خاصة اني كنت في حملته في اسكندرية
بس طريقة النصح حادة جدا للأسف
تقبل تحياتي
انا مشتركتش فى الاستفتاء ده لانى عارف ان وراه لعبه وهدف الايام سوف تكشفه
واشتراكى به ولا سوف يقدم ولا يأخر
وده الموضوع اللى عملته امبارع عن الاستفتاء ده
http://www.nilemotors.net/Nile/227603-a.html
فعلاً عند حضرتك حق أن أسلوبي كان حاد بعض الشيء وأتمنى أنك ماتزعلش ولا تأخذ الأمر بشكل شخصي فأنا لا أكن لك أي ضغينة بل بالعكس حضرتك على عيني وراسي ولكن الراجل دة - البرادعي- أنا مكنتش بحبه ولا كنت أفكر أني أرشحه كرئيس وكنت مصدق عنه الأشاعات اللي بتتقال.... لحد في يوم من الأيام قررت أني مسلمش دماغي للكلام اللي بيتقال عليه وقررت أتأكد بنفسي ومنذ ذلك اليوم ياسيدي الفاضل مفيش أشاعة أتقالت عنه ألا وألاقيها كذب وأفتراء على هذا الرجل بداية من حرب العراق وصولاً الى الأشاعة اللي حضرتك قولتها أنه مش هيرضى الا يكون رئيس يا أما هيسافر للخارج كل ده ممكن يكون سبب في أقصاء واحد محترم عن الرئاسة ممكن يفيد البلد دي وينقلها نقلة حضارية غير تقليدية لأننا لو قعدنا نشتغل بالفكر التقليدي اللي بنشتغل بيه دلوقتي ولا هنتقدم في 100 سنة أنا مش بقول أنه ملاك وأن مش بيغلط لا طبعاً ده بشر زيه زينا وغير معصوم من الخطأ .... البرادعي بأختصار حالته بتفكرني بالمثل اللي بيقول أن الشجرة المثمرة هي التي يقذفها الناس بالحجارة .