البرادعي يفوز بالرئاسة على صفحة المجلس العسكري

**SkyBird** · 21-06-2011 02:09 AM

انا حاسس ان عبد المنعم أبو الفتوح فرصته صفر
واعتقد لو اخذته العزة بنفسه بعد قرار الطرد من الجماعة هينضم للبرادعي وليس للعوا

**م. حاتم السباعي** · 21-06-2011 02:16 AM

ان شاء الله يحدث تضامن و اتحاد للصالح العام
ما بين المرشحين الذين يمثلون التيارات الدينية
و لا اجد بينهم بصراحة احد بيفكر في مجد شخصي
و ان شاء الله الاصلح هو الذي يتولي
و بالنسبة لمدي دقة النتيجة حتي الان ففعلا هي نتيجة هلامية و لا اقول ذلك بسبب ان الدكتور البرادعي هو الاول ابدا و لكن لان هناك نسبة تفوق تلتين الشعب ممن لهم حق الانتخاب لا تدخل علي النت اصلا و حين يتوجهو للصناديق لن يكون مرجعهم نسب التصويت الظاهرة امامنا الان

م.حاتم السباعي

**zyadahmed** · 21-06-2011 02:21 AM

عبد المنعم ابو الفتوح فرصته افضل والايام هاتثبت ان شاء الله
لانى اراه الاصلح لتلك المرحلة والله اعلم ...

**SkyBird** · 21-06-2011 02:46 AM

المشاركة الأصلية كتبت بواسطة yousef1978

إنما صحيح أنا كان نفسي تقولي رأيك في موضوع عملته عن المهندس نجيب ساويرس لكن حضرتك ما ردتش علي فيه ؟؟؟
http://www.nilemotors.net/nile/227190-a-2.html

يا ريت تشرفني برأيك في هذا الموضوع

حاضر
تؤمر يا يوسف باشا

**samoevil911** · 21-06-2011 02:51 AM

المشاركة الأصلية كتبت بواسطة sharafconsult

لو البرادعى قال كده تبقى سقطه كبيره

لو عايز يخدم البلد مش هيفرق معاه المنصب

لكن مبدأ يا ريس يا بلاش يبقى بيدور على المنصب مش بيدور على البلد

انا جبت الحلقة

بص قال بالظبط كان ردا على سؤال : سواء مترشحتش او اترشحت ومفزتش هل تقبل تكون وزيرا ؟

" لكل حادث حديث وإنما اعتقد أن .. لا معتقدش يا يسري -وقالها بتأكيد وحرك رأسه نفيا- لإن أنا لدي يعني .. يعيني إذا كنت رئيس ليس لأود ان اكون رئيس وإنما لأكون في موقع يستطيع أن ينقل مصر نقلة نوعية مما نحن فيه إلى ما يجب ان نكون عليه .. ولا اعتقد ان موقعي في منصب وزير سيحقق لي هذا .. ولدي الكثير من الأعمال تكون أحب إلى قلبي من أن اكون وزيرا في وزارة"

انا كدا حاولت انقل الكلام بالنص .. عشان في الأول كتبت التعليق على ما اتذكره من الحلقة اللي من 3 شهور ..

**AshTurbo** · 21-06-2011 03:23 AM

مش د. البرادعي قال -فيما معناه عشان مش فاكر الكلام نصيا- انه لن يقبل إلا منصب رئيس الجمهورية ؟
وانه في حالة لو مفزش بالمنصب .. غاليا هيرجع للخارج
الكلام دا كان في اون تي في .. في اللقاء اللي قبل الاستفتاء على طول

المشاركة الأصلية كتبت بواسطة samoevil911

انا جبت الحلقة

بص قال بالظبط كان ردا على سؤال : سواء مترشحتش او اترشحت ومفزتش هل تقبل تكون وزيرا ؟

" لكل حادث حديث وإنما اعتقد أن .. لا معتقدش يا يسري -وقالها بتأكيد وحرك رأسه نفيا- لإن أنا لدي يعني .. يعيني إذا كنت رئيس ليس لأود ان اكون رئيس وإنما لأكون في موقع يستطيع أن ينقل مصر نقلة نوعية مما نحن فيه إلى ما يجب ان نكون عليه .. ولا اعتقد ان موقعي في منصب وزير سيحقق لي هذا .. ولدي الكثير من الأعمال تكون أحب إلى قلبي من أن اكون وزيرا في وزارة"

انا كدا حاولت انقل الكلام بالنص .. عشان في الأول كتبت التعليق على ما اتذكره من الحلقة اللي من 3 شهور ..

ينقص حضرتك الأستغفار لله عن ما فعلته بنقل خبر غير صحيح ومضلل ولم يأتي على لسان صاحبه .

**samoevil911** · 21-06-2011 03:44 AM

المشاركة الأصلية كتبت بواسطة ashturbo

ينقص حضرتك الأستغفار لله عن ما فعلته بنقل خبر غير صحيح ومضلل ولم يأتي على لسان صاحبه .

سيدي الفاضل حضرتك كبرت الموضوع جدا

انا قلت فيما معناه .. وهو دا معنى كلامه -لإن الحلقة دي كانت من قبل الاستفتاء ومش فاكر نص الكلام-

وانا اللي كتبت الكلام بعد كدا ونقلته حرفيا -عشان الأمانة- لإني كنت كاتب فيما معناه. عشان مبقاش بأول الكلام .

وكلمة غالبا هيرجع الخارج . دي انا كاتب غالبا . المقصود ان انا فهمت كدا مش ان كلامه كدا ..
يعني انا فهمت من حتى ان ليه اعمال احب لقلبه انه غالبا هيرجع

أما موضوع نقل خبر غير صحيح .. ومضلل كمان . الكلام قوي جدا حضرتك

ايا كان انا بستغفر ربنا لو كان في خطأ في النقل .. ول ان دي مكنتش نيتي نهائيا .. خاصة اني كنت في حملته في اسكندرية

بس طريقة النصح حادة جدا للأسف

تقبل تحياتي

**misoalex** · 21-06-2011 04:35 AM

انا مشتركتش فى الاستفتاء ده لانى عارف ان وراه لعبه وهدف الايام سوف تكشفه
واشتراكى به ولا سوف يقدم ولا يأخر

وده الموضوع اللى عملته امبارع عن الاستفتاء ده
http://www.nilemotors.net/Nile/227603-a.html

**AshTurbo** · 21-06-2011 02:06 PM

المشاركة الأصلية كتبت بواسطة samoevil911

سيدي الفاضل حضرتك كبرت الموضوع جدا

انا قلت فيما معناه .. وهو دا معنى كلامه -لإن الحلقة دي كانت من قبل الاستفتاء ومش فاكر نص الكلام-

وانا اللي كتبت الكلام بعد كدا ونقلته حرفيا -عشان الأمانة- لإني كنت كاتب فيما معناه. عشان مبقاش بأول الكلام .

وكلمة غالبا هيرجع الخارج . دي انا كاتب غالبا . المقصود ان انا فهمت كدا مش ان كلامه كدا ..
يعني انا فهمت من حتى ان ليه اعمال احب لقلبه انه غالبا هيرجع

أما موضوع نقل خبر غير صحيح .. ومضلل كمان . الكلام قوي جدا حضرتك

ايا كان انا بستغفر ربنا لو كان في خطأ في النقل .. ول ان دي مكنتش نيتي نهائيا .. خاصة اني كنت في حملته في اسكندرية

بس طريقة النصح حادة جدا للأسف

تقبل تحياتي

فعلاً عند حضرتك حق أن أسلوبي كان حاد بعض الشيء وأتمنى أنك ماتزعلش ولا تأخذ الأمر بشكل شخصي فأنا لا أكن لك أي ضغينة بل بالعكس حضرتك على عيني وراسي ولكن الراجل دة - البرادعي- أنا مكنتش بحبه ولا كنت أفكر أني أرشحه كرئيس وكنت مصدق عنه الأشاعات اللي بتتقال.... لحد في يوم من الأيام قررت أني مسلمش دماغي للكلام اللي بيتقال عليه وقررت أتأكد بنفسي ومنذ ذلك اليوم ياسيدي الفاضل مفيش أشاعة أتقالت عنه ألا وألاقيها كذب وأفتراء على هذا الرجل بداية من حرب العراق وصولاً الى الأشاعة اللي حضرتك قولتها أنه مش هيرضى الا يكون رئيس يا أما هيسافر للخارج كل ده ممكن يكون سبب في أقصاء واحد محترم عن الرئاسة ممكن يفيد البلد دي وينقلها نقلة حضارية غير تقليدية لأننا لو قعدنا نشتغل بالفكر التقليدي اللي بنشتغل بيه دلوقتي ولا هنتقدم في 100 سنة أنا مش بقول أنه ملاك وأن مش بيغلط لا طبعاً ده بشر زيه زينا وغير معصوم من الخطأ .... البرادعي بأختصار حالته بتفكرني بالمثل اللي بيقول أن الشجرة المثمرة هي التي يقذفها الناس بالحجارة .