الموضوع: البرادعي يفوز بالرئاسة على صفحة المجلس العسكري

المشاركة الأصلية كتبت بواسطة hersha

التعامل مع التيار الديني كـ(باكيدج) واحدة خطأ .. اللي فشل فعلا في التأثير على الناس هوة التيار السلفي والتيار الديني الحكومي (الأوقاف) .. زي ما ذكر الأخ hagan القمع اللي كان بتمارسه امن الدولة ضد الشيوخ هوة اللي كان مخليهم مالهومش علاقة بهموم المواطن.. نادرا لما تحضر خطبة جمعة وتلاقي شيخ سلفي أو أوقاف يتكلم في اللي المواطن بيعاني منه , متلاقيش شيخ سلفي أو حكومي يقدر يقول إن التعذيب في السجون حرام وإن تصدير الغاز لإسرائيل غلط إلى آخر قضايا الشارع.. أمن الدولة حصر الدعوة الدينية للسلفيين في الاهتمام بالحجاب واللحية وتقصير الجلباب ...إلخ .. مش بقلل من أهمية الحاجات دي , بس من المجحف جدا اختزال الدين في الحاجات دي اللي شيوخ السلف كانوا عمالين يعيدوا ويزيدوا فيها بدون الاهتمام بالشارع وما يشغل المواطن ..

أختلف مع الإخوان ولكن لا بد من الاعتراف بأنهم كتيار ديني كانوا وثيقي الصلة بالشارع وقدم تضحيات كتيرة بسبب دة.. وكان ليهم دور بارز في التغيير اللي حصل .. وربنا جعلهم السبب الأكبر والأساسي في صمود الثورة بعد خطاب مبارك العاطفي ليلة الأربعاء والصمود مع موقعة الجمل الأربع والخميس.. الكلام دة بقوله كشهادة حق على وقائع شوفتها بعيني ومش نتيجة لإني واحد من الإخوان ...

إذن باختصار ماينفعش نقول إن التيار الديني فشل في التغيير .. التيار السلفي فقط هوة اللي فشل في التغيير - وليه مبرراته اللي أنا متفهمها - .. بس فعلا الدعوة السلفية أيام مبارك مكانش ليها تأثير قوي على الشارع بدليل إن الناس كانت أيام الثورة بتحضر خطب الجمعة.. وتسمع (بعض) شيوخ السلف ينددوا بالمظاهرات - الشيخ السلفي بتاع الجامع اللي جنبنا كان بيحرم المظاهرات من بابها! مش من باب الخروج عن الحاكم! - .. ومع ذلك كنا بنخلص الخطبة وناخد بعضنا وننزل ع التحرير .. علشان الناس كلها عارفة إن شيوخ السلف اللي بتتكلم كدة كانت بتتكلم خوفا من بطش أمن الدولة ...

توضيح بسيط
التيار السلفي كان بين اختيارين احدهما اصعب من الاخر
اما ان يظل طوال سنين في هجوم مستمر و يفقد كل يوم احد رجاله اما مسجونا او موقوفا عن كل اشكال الدعوة
و اما محاولة خلق اجيال شرفاء غير ملوثين بالفساد و غير ملوثين بمتع الحياة الكثيرة التي تجعل اصحابها دائما ما يميلون للهو و عدم البحث الجيد عن مراد الله الحقيقي من خلقه
فكان توجههم و ميلهم للحل الثاني من وجهة نظرهم افضل لعدم قطع الدعوة
و لا ننسي الدور المهم في مواجهة هؤلاء السلفيين لتيار ( الخارجين عن الجماعة و المنشقين عنهم ) و الذين عرفو بجماعة التكفير و الذي حدث طوال اواخر الثمانينات و فترة من التسعينات
و كيف استطاعت جماعات التيارات السلفية في توصيل صحيح الدين بعيدا عن التشدد في حمل السلاح و غيره
و لكن لانهم طالبو بتطبيق شرع الله في البلد فصوروهم للناس انهم ايضا متشددون بتوع لحية و نقاب و جلباب
و كأن هذا هو هدفهم و هذا خطأ فادح يقع فيه البعيدون عن السلفيين
و يجب لكي نقول عنهم شئ ان نخالطهم و نسمع خطبهم و توجهاتهم و ظلو فترة طويلة مع حقيقة التوحيد و اخري مع الاخلاق التي يتميز بها المسلم الحق و مع التزام الطاعات و الفروض و الصلاة علي اوقاتها و الزكاة و الحج و كل اشكال العبادات التي لو صلحت لسمي الانسان المسلم و ما مد يده مثلا للحرام و ما رمي الزبالة في الشارع و ما اخذ ما ليس من حقه من اموال الشعب و غيرها من الاصول الواجب فعلها في اي مسلم
و لكن لان للاسف اللي كان بيتم ترقيتهم و تقديمهم للوظائف هم من دون ذلك فكانو مغيبين تماما عن القيادة
و كانو بيقولو عليهم في اي مصلحة يا عم ده هيعملنا فيها شيخ سيبك منه و كل شوية بقي هيقول لك قال الله و قال الرسول ارحمونا بقي من التشدد ده ( الم يكن يقال ذلك فعلا ) و بعد كل ده نقول عنهم انهم فشلو
و نقطة اخري مهمة
الكثير من اتباع النظام السلفي انضمو في اوائل اتباعهم لهذا الفكر بالاخوان المسلمين اما في الجامعة كي يمارس دور في الاسر و خلافه لان الاخوان كان لهم تمثيل في كل مكان حتي لو ظل هناك بعض الاختلافات
هناك نقطة اخيرة ذكرتها اخي الكريم و هي ان كثيرا من شيوخ السلفية لم يسمحو بالنزول للمظاهرات
و حضرتك المحت انه خوف من امن الدولة لا اخي الكريم
لقد اوضحو لنا بأن سبب امتناعهم اولا من النزول لم يكن كلهم مؤيدين او معارضين و كان هناك خلاف و الاجح انهم اتقفو علي عدم النزول (( خوفا علي المسلم )) المواجهة التي ستحدث بين المسلمين من منهم علي حق
القاتل ام المقتول (( المتظاهرين سينزلون لمواجهة الشرطة )) لاجبار النظام علي التنحي
فلو قابلهم مبارك مثلا او الحاشية بالدبابات و حدثت مواجهة مباشرة لا خلاف هنا
و لكن مبارك و نظامة يقف بينهم و بين الشعب (( الشرطة )) ثم كان متوقع من بعدها او معها (( الجيش ))
اذا فالمسلم المتظاهر سيواجه اخوه المسلم عسكري الدورية او عسكري الامن المركزي اللي لسه ايضا مصلي الصبح زيه و بيقول اللهم احسن خاتمتنا و بتصدر له الاوامر ان يركب سيارة و يقف حائط صد بينه و بين الناس اللي بيتظاهرو و طبعا قالو لهم انهم متمولين من بره و انهم كذا و كذا و عيال علي بنات و مش عارف ايه
طيب هذا المسلم و هذا المسلم (( دينيا ما موقفهم )) لما تحصل مواجهة هؤلاء هم السلفييون اخي الكريم
حياتهم القران و السنة فيفتو طبعا بأن (( دم المسلم علي المسلم حرام كما قال المصطفي )) و ان دم المسلم اعظم عند الله من الكعبة و غيرها من اسانيد قوية تجعلهم يفضلون عدم المواجهة بين طرفين ليس من بينهم عدو
و ليس خوف من امن الدولة و الا ما كانت حاجة النظام السابق لجلب قوات الامن المركزي للمساجد الكثيرة المنتشرة في مصر التي تتبع المنهج السلفي

م.حاتم السباعي

المشاركة الأصلية كتبت بواسطة hersha

[باشمهندس حاتم .

هوة يمكن حضرتك مش عايز تستخدم كلمة (كانوا خايفين) .. لإن المؤمن المفروض يقول كلمة الحق عن السلطان الجائر ومايخافش.. عموما احتراما لرغبتك مش هنقول كانوا خايفين.. بس هنقول كانوا عايزين يقفلوا باب الشر - الاعتقالات والتعذيب وخلافه - .. ودة كان بيخليهم مايتكلموش فيما يهم المواطن العادي..

فيه جزئية حضرتك أثرتها ..
Quote] ظلو فترة طويلة مع حقيقة التوحيد و اخري مع الاخلاق التي يتميز بها المسلم الحق و مع التزام الطاعات و الفروض و الصلاة علي اوقاتها و الزكاة و الحج و كل اشكال العبادات التي لو صلحت لسمي الانسان المسلم و ما مد يده مثلا للحرام و ما رمي الزبالة في الشارع و ما اخذ ما ليس من حقه من اموال الشعب و غيرها من الاصول الواجب فعلها في اي مسلم

أتفق معاك تماما في إن ما كانوا يدعون إليه السلفيين من صميم ما يهم المسلم.. اللي لما عقيدته تتبني على أساس سليم هيبقى فعلا مواطن كويس ..

بس فيه نقطة عايز أقولها.. أنا كمواطن عادي.. لما اسمع من فضيلة الشيخ السلفي كلام حول الالتزام بتعاليم الدين من غير ما أحس إن دة هينعكس على حياتي العملية.. ساعتها هيبقى صعب جدا الكلام دة يأثر فيا ! لازم تربطلي الدين بالحياة العملية والأحداث اللي بتحصل معايا كل يوم علشان أحسن فعلا إن الدين بيهتم فعلا بكل جوانب حياتي مش محتاج مني بس إني أصلي وأصوم وأربي دقني - مع عدم التقليل إطلاقا من هذه التعاليم..أكرر - .. بس لو بصيت مثلا لدعوة الإخوان المسلمين هتلاقيهم كانوا بيهتموا بما يمس حياة المسلم العملية.. ساعتها دة لما يكلمني عن العبادات والالتزام هحس فعلا إن الدين مرتبط بالدنيا ..

الغريب إن اللغة اللي بيتحدث بيها السلفيين عن الإخوان دلوقتي اتغيرت تماما! قبل كدة مكونتش بسمع من السلفيين إلا هجوم ضد الإخوان وكانوا بيطلعوا فيهم العبر ! لما كنت ف الجامعة كانت الخلافات بين الطالب السلفي والإخواني موضوع مشهور جدا .. مكانش في توافق أبدا ما بينهم.. أما دلوقتي ف ابتدا يحصل الاتحاد عملا بمبدأ (التيار الإسلامي إيد واحدة ضد التيار العلماني والليبرالي) .. أنا مش ضد طبعا إنك تتجاوز نقط الخلاف مع الإخوان في سبيل تنمية نقط الاتفاق واللي هيا أكتر بكتير من نقط الاختلاف.. بس السؤال ليه الاتفاق دة ما بين السلفيين والإخوان مكانش بيحصل ف الأول قبل الثورة ؟؟ لما هوة ممكن تتجاوز نقط اختلافك مع الإخوان وتشتغل معاهم من غير ما تهاجمهم .. أمال ليه كنت قبل الثورة كنت بتقول على الإخوان إنهم خوارج هذا الزمان ؟؟؟؟؟؟؟؟[/quote]
اخي الكريم
انا مثل حضرتك تماما ( يعني غير منضم لاي من التيارات الدينية ) و لكن لاننا نقول كلمة حق فيجب ان نعطي كل ذي حق ما يستحق و لا انكر انحيازي الفكري للمنهج السلفي لاني بطبعي اميل لفكرة ضعف النفس البشرية امام رغباتها و لذا يجب منع هذه المغريات بكافة الوسائل حتي تعينك علي مجابهة و كبح جماح نفسك
عموما لن ادخل في امور فرعية حتي لا يشتت اخواننا المتابعين معنا
حينما نتحدث عن سلفي او اخوان في امور الدين ( يعني من وسع ) و احنا في الجامعة او في المسجد او في المناقشات العامة تظهر الاختلافات ( مثلما يحدث بين افراد العائلة الواحدة في اي بيت ) تري مجموعة اخوه منهم المتسرع و اخر اناني شوية وواحد مادي و هناك الحنون الطيب وواحد منفض و هكذا المهم كلهم اخوات
كل يوم خناق و نقار بينهم و الجيران ممكن يسمعو صوتهم كمان لحظات سمعو صوت اخوهم بالخارج واحد ماسك في خناقه ايه اللي بيحصل ( اكيد حضرتك عارف )
هكذا الحال نحن الان امام توحيد مقاصد ( معظم من يميلون للتيارات الدينية ) سلفية كانت او اخوانية او اي ملتزمية بتطلب تطبيق شرع الله ( حتي لو اختلفت وسائل التطبيق بينهم ) تراهم الان بيحاولو ان يتحدو كي يواجهو ما يسمي بالتيار الغربي المستورد علي الشعوب الاسلامية ايا كان مسماه
و اري من وجهة نظري المتواضعة انه لا وقت الان للخلاف و لا وقت الان للجدال الكل من الان يجب ان يكون في واحد
تقبل تحياتي

م.حاتم السباعي