الموضوع: البرادعي يفوز بالرئاسة على صفحة المجلس العسكري

المشاركة الأصلية كتبت بواسطة hagan

يعني لو بنظرة خبيثة كده
و جمعنا ال 21% بتوع عمنا العوا + ال 10% بتوع الشيخ حازم نلاقيهم يدونا الاخ البرادعي
و ان شاء الله كمان كام اسبوع لو متعملش لكل واحد بريد الكتروني اخر
ستجد النسبة 45 % للاتنين بتوع دولهم قصاد 20 % للواحد بتاع دوكهم

م.حاتم السباعي

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح
وانا مقتنع بمقولة عمونا ابراهيم عيسى ان التصويت الحقيقي كان اول يوم او اول 50 الف اللي حصل فيهم البرادعي على 40% قبل الحشد اللي يتعمل الان


وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي اللي عنده كمبيوتر ثم عنده انترنت ثم له اكاونت فيس بوك
وهم نسبتهم ليست كبيره في الشعب
وطبعا كما يقول علماء الاجتماع ان فئة اللي عندهم وعي كامل في اي مجتمع تمثل حوالي 22% فقط من هذا المجتمع

المشاركة الأصلية كتبت بواسطة skybird

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح
وانا مقتنع بمقولة عمونا ابراهيم عيسى ان التصويت الحقيقي كان اول يوم او اول 50 الف اللي حصل فيهم البرادعي على 40% قبل الحشد اللي يتعمل الان


وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي اللي عنده كمبيوتر ثم عنده انترنت ثم له اكاونت فيس بوك
وهم نسبتهم ليست كبيره في الشعب
وطبعا كما يقول علماء الاجتماع ان فئة اللي عندهم وعي كامل في اي مجتمع تمثل حوالي 22% فقط من هذا المجتمع

سيدي الفاضل انا على اقتناع ان ليس الشعب كله على وعي

لكن فكرة ان كل شخص خاصة من انصار البرادعي
يقول او يشير ان من ينتخب البرادعي هما دول اللي واعيين او من يتبنى فكر النخبة .. دي بجد انا تعبت نفسيا منها

يا سيدي الفاضل ..
الشاب اللي عنده اكونت على الفيس مش هو دا معيار الواعي
اكاد اكذب مش اقل من 70 او 80 % من الشباب عملين الفيس بوك للهياس والتظبيط
وشباب ميعرفوش اصلا يعني ايه سياسة

وفي شباب متعرفش في المرشحين غير اساميهم

وفي ناس اصلا متعرفش ان في استفتاء -انا مش عارف استاذ ابراهيم عيسى على اي اسا بيقول ان المعيار اول يوم-
انا مثلا لسه عارف ان في استفتاء امبارح
عندي 250 شخص على الفيس مفيش غير 10 اللي سمعوا عن الاستفتاء


وفي مثقفين كثيرين معندهمش اكونتات .. او اللي عندهم ومبيستخدموهاش
دا بل الغالبية كذلك .. والله اعلم


وبعدين عندي تعليق بسيط
هو ليه بحس في تعليقات بعض الاعضاء انهم مصورين البرادعي غلبان
يعني حاليا حضرتك بتقول "والبرادعي غلبان حتى انه لسه معملش لجنة لحملة الترشح"

طل حضرتك هو دا ذنب مين؟ ومين اللي منعه؟
وبعدين انا كنت في حملته اللي في اسكندرية.. وكنا بنوزع ورق على الناس ونتناقش معاهم حول دكترو البرادعي
دا كان ايه ؟
وكان كل واحد بيستلم تيشيرت ابيض عليه (نظارة الدكتور وشنبه)


على فكرة انا لا اهاجم البرادعي .. بل العكس انا بقول لحضرتك كنت في حملته
بس اا ضد فكرة ان المثقفين هما اللي ينتخبوا البرادعي ..
وهي تقال صريحة احيانا ويومأ لها احيانا
او يومأ إن في مؤامرة وحشد ضده



على العموم كلامي ليس موجه لحضرتك .. انا بكلم عن فكرة عامة بتلمسها لما بتكلم مع اي حد من النخبة او انصار البرادعي

لكن فكرة ان كل شخص خاصة من انصار البرادعي
يقول او يشير ان من ينتخب البرادعي هما دول اللي واعيين او من يتبنى فكر النخبة .. دي بجد انا تعبت نفسيا منها

مش عارف انا قلت الكلام ده فين
ومين قال ان الشباب المثقف هو اللي انتخب البرادعي
في اول يومين البرادعي خد 40% وباقي المرشحين خدوا 60%
يعني الاغلبية المثقفه لم تعطي البرادعي
وقلت ان ترتيبه هينزل
راجع كلامي هتلاقي اني قلت "وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي"
انا قصدي ان فئة الشباب المثقف الواعي هم المصوتين على الاستطلاع وليس المصوتين للبرادعي
الظاهر انك وقعت في الكمين هههههههه

المشاركة الأصلية كتبت بواسطة skybird

مش عارف انا قلت الكلام ده فين
ومين قال ان الشباب المثقف هو اللي انتخب البرادعي
في اول يومين البرادعي خد 40% وباقي المرشحين خدوا 60%
يعني الاغلبية المثقفه لم تعطي البرادعي
وقلت ان ترتيبه هينزل
راجع كلامي هتلاقي اني قلت "وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي"
انا قصدي ان فئة الشباب المثقف الواعي هم المصوتين على الاستطلاع وليس المصوتين للبرادعي
الظاهر انك وقعت في الكمين هههههههه

1- لو حضرتك اخدت بالك من آخر جملة
انا قلت لحضرتك كلامي مش موجه لحضرتك بالتحديد .. انا عملت اقتباس عشان خاطر كلام إبراهيم عيسى . وجزء المثقفين -الواعيين-

2- انصار البرادعي -اللي اعرفهم على الأقل- في تعملي معاهم .. كلامهم ان المثقفين هما اللي بيختاروا البرادعي .. اما عوام الشعب فدول ميعرفوش حاجة .. ولا يعرفوا قيمته .. ولا يعفوا اصلا يأما يعرفوا اشاعات

زي موضوع الاستفتاء .. بعد نتيجة الاستفتاء لقينا ناس بتقول اللي قالوا نعم دول مش فاهمين حاجة ولا عندهم وعي .. والشعب دا ميستاهلش ديمقراطية .
انا اللي بيضايقني حتة النخبة ومش النخبة
المصطلح دا فعلا مستفز


للعلم انا لا انكر ان في ناس فعلا تفتقد الوعي .. لكن انا ضد معيار الفيس بوك .. او بالأصح عايز اعرف ايه هو المعيار؟



ويا سيدي الكلام بتاع النخبة جزء كبير منه يومئ بكدا للأسف .. حتة الشعب مش فاهم حاجة وانهم اللي فاهمين
والشباب المثقف . وكأنهم محتكرين الصواب ..



طب انا هسأل حضرتك سؤال .. ليه البرادعي مش هيوصل للناس الغير مثقفة من وجهة نظر حضرتك؟
أو باطريقة تانية.. ايه مشكلة البرادعي مع الناس الغير مثقفة؟
وما هو اصلا مفهوم المثقف عن حضرتك ؟ اللي هو سألته قبل كدا .. ايه هو معيار المثقف؟

المشاركة الأصلية كتبت بواسطة SkyBird

معناها ان نور بتأيد م البرادعي وانه الظاهر راجل مخ وجدع وهي مبسوطه بكده

هههههههههههههههه نور بتأيد و احنا معاها

المشاركة الأصلية كتبت بواسطة AshTurbo

فعلاً عند حضرتك حق أن أسلوبي كان حاد بعض الشيء وأتمنى أنك ماتزعلش ولا تأخذ الأمر بشكل شخصي فأنا لا أكن لك أي ضغينة بل بالعكس حضرتك على عيني وراسي ولكن الراجل دة - البرادعي- أنا مكنتش بحبه ولا كنت أفكر أني أرشحه كرئيس وكنت مصدق عنه الأشاعات اللي بتتقال.... لحد في يوم من الأيام قررت أني مسلمش دماغي للكلام اللي بيتقال عليه وقررت أتأكد بنفسي ومنذ ذلك اليوم ياسيدي الفاضل مفيش أشاعة أتقالت عنه ألا وألاقيها كذب وأفتراء على هذا الرجل بداية من حرب العراق وصولاً الى الأشاعة اللي حضرتك قولتها أنه مش هيرضى الا يكون رئيس يا أما هيسافر للخارج كل ده ممكن يكون سبب في أقصاء واحد محترم عن الرئاسة ممكن يفيد البلد دي وينقلها نقلة حضارية غير تقليدية لأننا لو قعدنا نشتغل بالفكر التقليدي اللي بنشتغل بيه دلوقتي ولا هنتقدم في 100 سنة أنا مش بقول أنه ملاك وأن مش بيغلط لا طبعاً ده بشر زيه زينا وغير معصوم من الخطأ .... البرادعي بأختصار حالته بتفكرني بالمثل اللي بيقول أن الشجرة المثمرة هي التي يقذفها الناس بالحجارة .

100 100

المشاركة الأصلية كتبت بواسطة amro1965

انا شايف ان الكل بيتصارع على الفوز باكبر نصيب من الاصوات عكس دكتور البرادعى منذ بدايه سنه 2010 والرجل واضع خطه للتغير بدأت بحس الشباب من اجل التغير ومنذ تلك الفترة التف حواله شباب كتير ليس بالكلام ولكن بالافعال
بالتوفيق لدكتور البرادعى

بالتوفيق ان شاء الله

المشاركة الأصلية كتبت بواسطة ashouhdy

مبدئيا انا اديت صوتى من زماااان من شهر 4 2010 للبرادعى !!

لأنة كان الوحيد اللى بيتكلم صراحة فى وش فرعون ومش همة حد والوحيد اللى وقف وقال لأ كفاية والشعب لازم هو اللى يغير مش انا

من ساعتها احترمتة فى وقت كان الكثيرون يقبلون الايادى تحت مبدأ العين متعلاش عن الحاجب والجزء الاخر من الكثيرين يتصارع على حفنة كراسى فى مجلس شعب

يؤسفنى انى اقول بصراحة ان نسبة مؤيدى البرادعى من حيث الثقافة والوعى هى من اعلى النسب فى وسط المرشحين كلهم ولذلك فأى استطلاع على النت حيكون من نصيب البرادعى بسهولة شديدة

لكن

لكن بقية المرشحين نسبتهم أكثر فى الشارع بالهتافات والميكروفونات والزوايا ودة اللى البرادعى صعب قوى يحققة بعد ما انضرب (فى شرفة) و (اتجاهاتة) من منافسية الغير الشرفاء وصعب جدا ينزل الشارع ويغير المفهوم دة بعد ما اتعور واتسيط !!

باقى انى ادعى ان ربنا يكشف وجة كل مرشح قدام الناس وان الناس تختار بعقول وقلوب واعية متفتحة غير منساقة و ربنا يستر ويسهل

المشاركة الأصلية كتبت بواسطة CryptonX

الله يفتح عليك والله انت راجل 100% ... هو ده خلاصة الموضوع فعلا !
و معظم مؤيدين البرادعي مؤيدينه من قبل الثورة اصلا و من قبل اعلان يوم 25 يناير بكثير ... و سبحان الله برده 90% من المرشحين التانيين محدش كان بيسمعلهم حس ولا صوت ولا خبر حتى ضد الحكومة او معاها او اي حاجة .... كل واحد في جحره و ساكت .

الله ينور عليييك

المشاركة الأصلية كتبت بواسطة Everlasting

انتهي عصر رجال الأعمال وأموالهم .. وبدأ عصر الخطب والشعارات الدينية البراقة التي تلعب على عواطف الشعب المسكين.

فعلا و هي ال 70 او ال 77% جت من قليل

المشاركة الأصلية كتبت بواسطة skybird

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح

غريبه جدا

لإن لم اتصدرلنا الإيحاء بأن البرادعي مضطهد من التلفيزيون المصري لما رفض ظهوره مع عمرو خالد ساعتها طلع البرادعي على التويتر و قال ان حملة التعتيم و التشويه ما زالت مستمرة

بعدين طلع شباب و نشطاء في ماسبيرو عشان يتضامنوا معاه و بعدها و جهلهم الشكر

اتضح بعد كده ان قيادات التلفيزيون اشترطت على عمرو خالد انو يطلع كل المرشحين عشان تكافؤ الفرص...وعمرو خالد شكله كان مزمزق

أنا بقول كده ليه؟

لأن البرادعي أولا مش غلبان...كفاية يكتب رسالة على التويتر و لجنته تطلع تتضامن

بإمكاننا من نفس الجهاز والـIP عمل بريد إلكتروني جديد وحساب جديد على الفيسبوك والدخول والتصويت بلا أي مشاكل من نفس الـIP بلا أي قيود

هذا الإستفتاء واهم وهذا هو المقصود منه.......يعني المجلس العسكري مش قادر يعمل زي جامعة المنصورة ويخلي الإستفتاء بالرقم القومي مع عدم إمكانية التسجيل إذا تكرر الرقم القومي ؟؟!!!

وعند هذا ستظهر الحقيقة المؤلمة