تنظيف الكويل

**ehabnagip** · 20-06-2011 05:55 PM

مساء الخير على اجدع عصابة , انا كنت قاعد بفكر من كام يوم كدة تنى بقالى حوالى 3 شهور مغسلتش الكويل و قلت اديلو غسلة قبل الصيب ميبتدى يشد و كل سنة و انتوا طيبين بقى و بعدين قعد افكر ان الغسيل بتاع كل فترة دة بيأثر حوالى 10 % بس من الكفاءة بتاعت التكييف فقعد ادور على النت عن غسل و تنظيف الكويل و لقيت انة لازم يتغسل بمواد خاصة لتنظيف الكويل و موضوع الغسيل و المياة دة مبينضفش اكتر من التراب الجديد الى على التلاجة و عرفت كمان ان الغسيل الكيماوى دى بيعمل دة عملية ازالى لكل انواع الترسبات و الاوساخ و التمليح البسيط على الكويل و دة مفيد جدا لعدة اسباب ( طبقا لصانعى التكيفات مش تخمين من عندى )
1- زيادة السطح المعرض للهواء و بالتالى زيادة درجة البرودة
2- تخفيف الحمل على الكومبروسر و بالتالى الموتور و استهلاك البنزين المصاحب لتشغيل التكيف بنسبة 37 %
3- تخفيف الضغط الداخلى و منع تكسر سوائل التشحيم داخل الدورة( مش فاهمها من الناحية العلمة بس المهم النتيجة ) و بالتالى اطالة عمر الكباس و تخفيض جهد العمل - و بيقولو ان دة من اشهر اسباب اعطال و بوظان الكومبروسر الكلى )
4- منع التنقيط ( المياة ) داخل السيار عند عمل التكييف لفترة طويلة لانة بيقوم بتنظيف المجارى الرفيعة للتتكثيف و بالتالى خروجها من فتحة الفايص
5 عدم تكوين ثلج على الكويل و بالتالى السماح لكل كمية الهواء الداخلة من البلاور بالدخول للسيارة
6- اكيد طبعا تحسين اداء التكييف داخل الصالون بنسبة حوالى 60 % زيادة

و طبعا انا مسكتش على الكلام دة و ابتديت اسأل على سوائل التنظيف ( كل النصائح بتقول استخدم خامات غير خمضية لسوائل التنظيف لمنع تأكل المعدن بس دة على اساس انهم بينصحوا بالتنظيف كل 3 شهور ) لقيت فى نوعين واحد صينى ( طبعا ) و ب 130 جنية و واحد امريكي ب 180 جنية - جركن 3 لتر تقريبا - و بما ان الموضوع طلع سهل و ممكن الواحد يعملة بنفسة طالما كدة كدة بيغسل الكويل لقيت فيديوهات على اليوتيوب ازاى ترش السوائل دة و تستنى اد اية و بعدين تغسلها ,, الفكرة بقة ان العربية بالكتير تحتاج من 3/4 الى 1 لتر لما تكون هتغرقها يعنى !!!!

السؤال بقى .. لو حد يعرف اجيب منين سائل التنظيف دة لو فى منة عبوات صغيرة او لو حد ساكن او بيروح شارع الجمهورية و نجيب الريحانى يسألنا هناك علشان فى ناس قالولى ان ممكن يبقى موجود عند بتوع قطع غيار التكيفات و لوازمها هناك و اهو الفايدة تعم على الجميع و ربنا يبعدنا عن الصنايعية و حواراتهم .. سلامى للجميع

**subzero772** · 20-06-2011 07:18 PM

ياريت لو حد يصورلنا طريقة التنظيف ويشرحلنا لللاتنبن البي والاية

**ahmed_mido1889** · 20-06-2011 08:00 PM

في الموضوع ده اتفرج عليه

http://www.nilemotors.net/Nile/208971-a.html

بس مش عارف نفس طريقه الفك زي عندكو

والا انتو بتفكو فبره المساحات

**فادى محمد** · 20-06-2011 09:24 PM

المشاركة الأصلية كتبت بواسطة ahmed_mido1889

في الموضوع ده اتفرج عليه

http://www.nilemotors.net/nile/208971-a.html

بس مش عارف نفس طريقه الفك زي عندكو

والا انتو بتفكو فبره المساحات

موضوع جميل من اولاد عمومتنا رجاله الدايو ..

**ehabnagip** · 20-06-2011 11:04 PM

سؤال بقة بالمرة علشان و انا عند الراجل بتاع حاجات التكيفات كان معايا واح صاحبى و اشترى العزل الرمادي بتاع مواسير تكييف البيت فهل ينفع ان احنا نجيبة نعزل بية مواسير تكيف العربية و لا لاء ؟؟ انا بتكلم من ناحية الكفاءة مش من ناحية الكيفية .

**ashrafnoby** · 21-06-2011 09:28 AM

خالى بالك ان العازل ده بيتاثر بالحراره بتاعه العربيه وده عن تجربه شخصيه لو حدعرف اجيب منيين السائل ده يبقى كتر خيره

**ehabnagip** · 21-06-2011 10:30 AM

السائل موجود عن كل بتوع مستلزمات التكييف و طبعا عن توتال لين الى بيبيع حاجات كارير و دول ممكن تجيب عنوان اقرب حد لين و نمرة تليفونة من الدليل علشان ليهم فروع فى حتت كتير فى مصر .. على العموم لو مش مستعجل ممكن نستنى رد طنانى .