هى الطلعة الامريكانى ليها طريقة معينة غير دى ؟؟!!

**Silenty** · 20-06-2011 09:36 PM

السلام عليكم ورحمة الله وبركاتة

هى الطلعة الامريكانى ليها طريقة معينة غير الطريقة التقليدية او بالمعنى الاصح الطريقة اللى انا بعملها (اللى هى تدوس دبرياج على الاخر مع بنزين على 3-4 ار بى ام وسيب دبرياج كلو مرة واحدة )

اصل انا عربيتى دفع خلفى وبحب ائمرك بيها اوى بس اللى انا مستغربلو ان لما يكون الطريق فية سنة تراب كدة بئمرك بيها لدرجة انى بعووم العربية من ورا اكنى بعمل دريفت بس اجى بقى لو الطريق اسفلت عادى العربية تبقى بطة بلدى ادووس مهما ادوس بنزين والعربية تطلع طلعة عادية جدا بيبقى شكلى وحش اوى

المهم واحد صاحبى هو اللى معلمنى السواقة وهو بسم الله ماشاء الله خبرة بتاع 15 سنة فى السواقة راهنى انو يئمرك بيها على الاسفلت العادى
وفعلا طلع طلعة الكاوتش كان بيصوت على الارض قعدت اتحايل علية يقولى عملها ازاى مارضيش يقوللى الرخم

انا كنت الاول فاكر ان دة عيب فى العربية (اقصد ان الموتور ضعيف )مثلا فالعربية بتفرك على الرملة بس زى اى عربية وتييجى على الاسفلت تطلع طلعة عادية

بس بعد الطلعة اللى طلعها صاحبى دى ايقنت انو مش عيب عربية وانو اكيد فى طريقة معينة للطلعة الامريكانى والدليل على كدة برضو ان صاحبى دة كان بيطلع امريكانى بعربيات قديمة زى 125 ومازدا 323 و929 وريتمو وحالتهم كانت تعبانة يعنى وكان بيئمرك بيهم عادى جدا ؟!!

فهل فى طريقة معينة او طرق فعلا للطلعة الامريكانى ولا هى طريقة واحدة وبتعتمد فى الاول والاخر على الموتور بنسبة اكبر ؟؟!

**hugan** · 20-06-2011 09:52 PM

متابع

**Silenty** · 20-06-2011 11:25 PM

المشاركة الأصلية كتبت بواسطة moustafa_saad

العربيات السوبركار الاوروبيه بالذات بيبقى من ضمن التكنولوجيا بتاعتها انها ماتطلعشى امريكانى يعنى ماتخليش العجل يلف على بعضه لان ده بيضيع عزم الماتور فى الطلعه وبياخر التسارع بتاعها
واحنا هنا بندور ازاى نطلع امريكانى

باشا انا ماذكرتش فى الموضوع انى داخل سباق فماظنش انو حيفرق معايا موضوع عزم الموتور والتسارع دة الكلام
دة لمجرد المتعة فقط وعلى فكرة الكلام دة بيبقى فى حتة فاضية عشان اتجنب انى اخبط حد لاقدر الله

وبعدين بالنسبة للنقطة دى

واحنا هنا بندور ازاى نطلع امريكانى

لو حضرتك تقصد بيها ان دة نوع من انواع التخلف فاعتقد ان دة مالوش علاقة بالموضوع اصلا لانى بسئل عن طريقة الطلعة الامريكانى للمتعة فقط ......
مش بسئل سؤال فنى فى ميكانيكا وتكنولوجيا صناعة السيارات انا بسئل سؤال فى مهارات القيادة فماليش دعوة بالتكنولوجيا والعربيات السوبر كار الاوروبية
وبعدين فى رياضات ومسابقات قايمة على الامركة والتفحيط والاستعراض عموما بالعربية والمسابقات دى موجودة فى اوروبا فماعتقدش سؤالى عن الامركة يعنى فيه شىء من التخلف ولا حضرتك شايف اية ؟

**osama.m** · 20-06-2011 11:33 PM

بعمل الحكاية دي بطريقة مختلفة شوية
تسيب دبرياج بسرعة و تكون بتدوس بنزين بردو في نفس الوقت .. مش اسيب الدبرياج مرة واحدة .. بوازن بينهم بس بسرعة
العربية بتصرخ بردو على الاسفلت

**MOUSTAFA_SAAD** · 21-06-2011 07:40 AM

يا استاذ Silenty انا مش فاهم حضرتك جبت كلمة تخلف دية منين
انا بدور على مشاركتى مالقيتش فيها اى حاجه عن التخلف

**ramyhekal** · 21-06-2011 08:56 AM

لو علقت رجلك على اخر سنه فى الدبرياج وانت دايس بنزين للاخر هاتطلع امريكانى محترم كمان
وحتى لو الاسطوانه بايظه كمان هو السر فى اخر سنه دى

**Silenty** · 21-06-2011 03:49 PM

المشاركة الأصلية كتبت بواسطة moustafa_saad

يا استاذ Silenty انا مش فاهم حضرتك جبت كلمة تخلف دية منين
انا بدور على مشاركتى مالقيتش فيها اى حاجه عن التخلف

معلش اعذرنى يا استاذ مصطفى انا وصلتلى جملة

واحنا هنا بندور ازاى نطلع امريكانى

على اساس انها سخرية من السؤال بتاعى

وكلمةتخلف مش لازم تكون حضرتك ذكرتها صريحة بس هى وصلت من خلال الجملة دى

على العموم حصل خير وانا بعتذر لحضرتك لوفهمتك غلط

بس ياريت تقولى حضرتك بتطلع امريكانى ازاى
وماتقوليش مابعملهاش عشان مافيش حد بيسوق ماعملهاش ولومرةواحدة حتى كتجربة

**Silenty** · 21-06-2011 03:57 PM

المشاركة الأصلية كتبت بواسطة osama.m

بعمل الحكاية دي بطريقة مختلفة شوية
تسيب دبرياج بسرعة و تكون بتدوس بنزين بردو في نفس الوقت .. مش اسيب الدبرياج مرة واحدة .. بوازن بينهم بس بسرعة
العربية بتصرخ بردو على الاسفلت

اممممم حجرب الحكاية دى
مع ان اكيد كلام حضرتك دة كان بالدايو
وانا بالدايو دى مع واحد صاحبى كنت بخلية يشد فى شعرة من اللى بعملو فيها عربية بسم الله ماشاء الله سحبها كويس اوى بس اعتقد الطريقة لازم تختلف شوية عشان الدايو كبالن وانا كرونة ولا حضرتك شايف اية ؟؟
اقصد فى الكبالن بتبقى اسهل شوية بما ان الموتور متوصل دايركت على الكبالن فمابيفقدش عزم زى الكورونة

**Silenty** · 21-06-2011 04:00 PM

المشاركة الأصلية كتبت بواسطة ramyhekal

لو علقت رجلك على اخر سنه فى الدبرياج وانت دايس بنزين للاخر هاتطلع امريكانى محترم كمان
وحتى لو الاسطوانه بايظه كمان هو السر فى اخر سنه دى

اعتقد كلام حضرتك صح عشان صاحبى دة على طوول يطلع سنة صغيرة كدة قبل الطلعة
بس دى حتبقى عايزة سنس عالى شوية

-

الموضوع: هى الطلعة الامريكانى ليها طريقة معينة غير دى ؟؟!!

LinkBack

أدوات الموضوع

عرض

-

-

-

المواضيع المتشابهه

مين أحسن ناس تصلح أمريكانى ولاقى فين قطع الغيار الامريكانى ؟

ارجو النصيحه من اصحاب الخبره فى الامريكانى

هل ليها حل ياريت لو ليها حد يفيدنى

الفرامل الامريكانى

الكلمات الدلالية لهذا الموضوع

المفضلات

المفضلات

ضوابط المشاركة