الموضوع: مقابلة + Drag Race بين اعضاء نايل موتورز

المشاركة الأصلية كتبت بواسطة mohamed1992

كان نفسي اجي اوي بس للأسف لسه شايف الموضوع دلوقتي

شكلك مكتوبلك تيجي

للاسف المعاد اتكنسل مع اني كان نفسي اننا نتقابل بس بعض الاخوان حصل معاهم ظروف وماقدرناش اننا نتجمع

مكنش في حد موجود غير Yoko و Tifalol فلما لقينا الباقي عندهم ظروف قلنا نأجل المعاد

مع ان السهرة النهاردة في الFGI كانت عالية جدا اكننا يوم عيد وناس بتأمرك وشد وجو ناااااااار

رحت انا وزميلي معاه فانتزيا وقطعنا بعض على الطريق خدنا طريق المطار ده رايح جاي بتاع مرتين تلاتة

بس المواتير ماكنش ليها كلمة اوي في الجري ده لان كان اغلبه غرز

لكن حرقنا كذا مرة جمب بعض من الثبات وكنت بفرق عنه من 0-100 جامد لدرجة انه بيبقى في المرايا والطريق مش بيسمح لاكتر من كدة وبيقلب غرز

المشكلة انه كان بيقرب مني جامد في الملفات لاني مش بقدر اخدها على سرعة زيه نظرا لفرق الثبات بيني وبينه

لحد اخر الطريق واحنا داخلين على بنزينة ال FGI فيه ملف هناك وقتها كنت فارق عنه وكنت ماشي تقريبا 130-140

وعربيتين قفلو عليا الطريق مع ان الغرزة مابينهم كانت مفتوحة بس لو كنت خدت غرزة عكس الملف على السرعة دي كان ممكن زماني دلوقتي في خبر كان

فللاسف هو عدى ودخل البنزينة قبلي ونزل من عربيته منتصر

بس كل اللى عجبني اني من 0-100 كنت ببهدله بس هو بيقولي انه بعد ال 100 انا مش هشوفه وهيختفي من قدامي تماما وانا طبعا مش مصدق الكلام ده

انا من وجهة نظري لو عداني مش هيبقى قبل 140 ومش هيفرق الفرق اللى هو متخيله ! !

عموما عايزين نتفق على معاد تاني بس ياريت كلنا بجد وقتها نفضي نفسنا فيه انا مش هقترح مواعيد تاني وهسيب الاختيار ليكم ووقت ماتتفقو على معاد بلغوني وان شاء الله اكون موجود معاكو

المشاركة الأصلية كتبت بواسطة tifalol

اتأجلت يا باشا عشان انت تيجي :):)

والله كان نفسي اليوم يمشي زي ماكنا عايزينه بس تتعوض المرة الجاية ومعلش بقى لو عطلتك وخليتك تجهز وفي الاخير مانزلناش

انا الفكرة كلها اننا اجلنا الموضوع لما لقيت ان الاغلبية معاهم ظروف

لكن تتعوض مرة تانية ان شاء الله

يبقى خليكو معانا