الموضوع: موقف طاريء تعرضت له والحمد لله ربنا ستر - الحلقة الأولي

السلام عليكم ورحمة الله وبركاته




تعرضت لموقف طاريء السبت 18/6 بسيارتي BYD-f3 أحمد الله أنه يسر لي الخروج منه علي خير.



ححكي لكم عنه بالتفصيل بس خلينا الأول كده نشوف السادة الزملاء حيقدروا يحلوا الفزورة دي ولا إيه قبل ما أقول علي حلها لأني كنت في إمتحان عملي فعلا ومحتاج وقتها حد يلحقني بالحل والحمد لله ربنا بعت لي الحل من عنده


منذ مدة كنت باسمع صوت غريب كده وجديد عليا أول مرة أسمعه بس بسيط جدا من المحرك يشبه لحد كبير صوت زنة صاج بتتهز بفعل ذبذبة دوران المحرك.. وكانت بتتسمع والعربية دايرة في مكانها بعد ما أدوس بنزين واترك الدواسة أثناء ما الموتور بيرجع للسلانسيه تاني يظهر الصوت ده وبعدين يختفي ...حاولت بكل الطرق أعرف سبب الصوت ده إيه !!!

نزلت تحت العربية وطلعت فوقها وعملت البدع وفشلت للأسف في تحديد سببه لأني ما لقيتش أي حاجة من اللي كنت متوقعها نهائي وإن كنت قد اقتربت من مصدره لكنه ظل لغز محير ما قدرتش احله


عاوزين نعرف توقعاتكم إيه سبب الصوت ده لأنه هو السبب في الظرف الطاريء اللي حصل لي بعد كده يوم 18/6 واتعلمت حاجة جديدة باعتبرها معلومات مفيدة




وانتظروني في الحلقة الثانية بعد ما نشوف توقعاتكم بإيه هو سبب الصوت ده واللي حيعرف السبب قبل الحلقة التانية له

[frame="9 80"]
جائزة بجد
[/frame]