الموضوع: الكلام ده سليم ولا لأ؟؟؟؟(استهلاك البنزين و السرعة القصوى للاوبترا )

الكلام غير صحيح، العربية الاتوماتيك جابت معايا لغاية 210 و استهلاك البنزين فى البلد من 10 - 11 لتر لكل 100 كم و فى السفر باعمل نفس المعدل مع العلم انى بامشى على 140 - 160، يعنى ممكن المشى الهادى يخلى المعدل احسن طبعا.

المشاركة الأصلية كتبت بواسطة hossam_hassan

الكلام غير صحيح، العربية الاتوماتيك جابت معايا لغاية 210 و استهلاك البنزين فى البلد من 10 - 11 لتر لكل 100 كم و فى السفر باعمل نفس المعدل مع العلم انى بامشى على 140 - 160، يعنى ممكن المشى الهادى يخلى المعدل احسن طبعا.

فى الكاتالوج بيكتبوا السرعة القصوى الى معتمدة منهم
و السرعة دي هى الى ما بترهقش الماتور او بتقلل عمرة الافتراضى
يعنى تقدر تزود عن السرعة ولكن على حساب الماتور
و دة ينطبق على اي سيارة من اي نوع

بالنسبة للاستهلاك للبنزين
نفس الموضوع هم بيحطوا متوسط الاستهلاك على اساس
درجة حرارة جو متوسطة
بدون تشغيل تكيف
بدون حرق فى الغيارات
سرعة ثابتة 90 كم
ارض ممهدة
بدون فرامل او تهدية او زيادة سرعة
يعنى ظروف قيادة معينة و مكتملة
عمل الصيانة الدورية
و طبعا الحاجات دى غير متوفرة فى مصر او قيادتنا فى الطرق السريعة

و دة ينطبق على اي سيارة من اي نوع
بالتوفيق

بالظبط زى ما قال العمده ، الكلام ده كله نظرى ولكن عند التطبيق العملى لازم نراعى كل الظروف المحيطه .

العمده بيقول كلام صح الصح الله ينور يا عمدتنا

المشاركة الأصلية كتبت بواسطة mshehata500

والله ياجماعه انا احترت فى موضوع بنزين الاوبترا انا معايا اوبترا اتوماتيك 2011
بحط بنزين 92 طبعا
60 لتر بيعملوا معايا 450 كيلو داخل البلد وللعلم انا حسبتها كذا مره والنتيجه واحده وده من غير تكيف لسه محسبتهاش بالتكيف مش عارف كده كويس ولا ايه رايكم

انا معايا اوبترا 2010 اوتوماتيك و عامة بتعمل 390 كيلو تقريبا ب 40 لتر داخل المدينة بتقل ل 340 او 350 مع التكييف

في السفر ممكن تعمل حدود 490 كيلو ب 40 لتر او 45 لتر

40 لتر دول حوالي 3 ارباع التانك "التانك كله 60 لتر منهم 7.5 لتر احتياطي 3.5 لتر بتكون لمبة البنزين تنور وتطفي و 4 لتر تنور ثابت و دول اخر 4 لتر في التانك
و 52.5 لتر متقسمين لكل ربع تانك = 13.125 لتر يعني ال 3/4 تانك يساوي 39.375 لتر "