الموضوع: سؤال و جواب

المشاركة الأصلية كتبت بواسطة cayman69300

شوية اعطال على الماشى و يا ريت اعرف اجوبتهم
اول امبارح روحت بالعربية المنيا و رحعت امبارح المهم المشوار كله 301 كم و العربية كنت ماشى بيها السكة كلها من 140 : 160 و زى الفل
اول ما رجعت روحت مفول العربية و اخدت 30 لتر و دة لانى و انا رايح كنت عكس الهوا و فعلا العربية كانت ضد مقاومة هوا كبيرة جدا بدرجة لا يتصورها حد
فعلشان كدة اخدت 30 لتر
تمام لغاية كدة
بالليل روحت لبتاع التكييف علشان حاسس ان التكييف مش كويس حتى بعد غسيل الكويل و غسيل السربنتينة
ظهرت شوية اعطال تجنن

أ - مؤشر البنزين مرة واحدة بقى على العلامة اللى بين 60 - 30 يعنى على علامة 45 لتر و دة من غير ما امشى بالعربية بعد التفويلة غير 20 كم و الصبح دورت العربية و بعد 10 دقايق لقيت المؤشر قل و وصل لحد علامة الـ 30 و لما روحت البنزينة و فولت اخرها 5 لتر لا غير و كانت مشيت 40 كم

ب - لما ادى اشارة يمين او شمال او اشغل الانتظار الاقى صوت غريب زى الشرز او صوت الكهربا و الاشارة تعلق على طول من غير ما تبقى متقطعه - و اخبط على زرار الانتظار الاقى الاشارة تتظبط نوعا ما

ج - العربية فيها تنتيشة على السلانسية و دة غريبة لانى فى مشوار المنيا حطيت منظف انجكشن و لما رجعت العربية كانت زى الساعة بمعنى الكلمة

التنتيشة مش مهمة اوى
انا عايز اعرف راى حضراتكم فى العطل الاول و التانى
و شكرا لاحبائى و اخوتى فى المنتدى

لى الشرف اكون اول واحد ارد عليك
انما هجاوب على السوال الاول
دة معنى ان العوامة اتكلت ودخل فيها بنزين
ودة حصل بلفعل مع واحد صحبى وكانت العوامة مليانة بنزين وديما الموشر على العشرين لتر
ام السوال التانى
لو الفليشر بيدى اشارة سريعة دة يبقا فى لمبة اتحرقت من الاشارات

شكرا يا رجالة على الردود
بس الحكاية ان العوامة بتعلق نتيجة تلميسة فى الارضى او حاجة زى كدة لانها مرة واحد بتظبط و بتبقى زى الفل
لكن العوامة لو جواها بنزين هتثبت على كدة و تبقى امر لا بد منه

الحاجة التانية
اللمبتن بتوع كل جنب شغالين - بس المشكلة بسبب مفتاح الانتظار لان الاشارة و هى بتشتغل بتزن و بتعمل صوت شرز كهربا و لما اهز مفتاح الانتظار الدنيا بتظبط
شكرا ليكم مرة تانية