انا معايا هوندا دلوقتي
وقبلها جين تو
لكن كان معايا لانسر بطة 92 مانيوال
والله هي عندي احسن من الزيرو
ومستغرب من اللي حصل
عرض للطباعة
انا معايا هوندا دلوقتي
وقبلها جين تو
لكن كان معايا لانسر بطة 92 مانيوال
والله هي عندي احسن من الزيرو
ومستغرب من اللي حصل
0168866741
دة رقم سعيد
يلا...الطيبات لله...مع اني اتاخرت
كتالوج صيانة فتيس ميتسوبيشي لانسر 2007 اوتوماتيك مع اكواد الاعطال
Transmission Automatic.pdf
Transmission Automatic (2).pdf
الحمد لله اتحلت المشكلة
عارفين ازاي ؟؟
والله ما هاتصدقوا
وهاتقولولي ازاي يعني ما ظهرش اعراض علي العربيه في السلانسيه او اي ميكانيكي لمؤاخذه مش عايز اغلط فيهم منهم لله
العيب طلع في سير التقسيمة او الكاتينه فيه سنتين تقديم
بمعني ان فيه 8 صبابات مش بيقفلوا صح
ومع ذلك السلانسيه كان ناعم جدا
والشكمان بيجيب مايه
والعربيه مظبوطه جدا
ازاي ؟؟؟ ماعرفش
والاخ الميكانيكي اللي كان مصمم يفك الفتيس وقاللي انه متأكد من النتيجه وان مصنعيته 1000 جنيه قاللي ان السير فيه سنه قدام لكن ما تأثرش وطلبت منه تعديلها رفض وقال خليه كله مع بعضه افضل
وسعادته كان عارف السبب لكن ضميره صمم انه يطيب الالف جنيه الاول
ونسيت احكيلكوا آخر افتكاسه في عالم الميكانيكا
عرضت العربيه علي متخصص فتيس اتوماتيك وقرر ان العربيه محتاجه فتيس تاني
ليه يا عم ؟؟
لأن العربيه دي بينزل فيها فتيس 1300 مع انها 1600
طيب ازاي يا عم اقنعني هي اليابان عاتنزل موتور 1600 ومعاه فتيس 1300 ازاي بس ؟؟
المهم صمم علي كده قولتله ماشي هافوت عليك بكره ان شاء الله ولسان حالي يقول ربنا ياخد امثالك
وبعد عناء شديد وقرف ومصاريف تعدت ال 8360 جنيه ما بين فتيس وكارته وضفيره وغيره طلع سنتين تقسيمه
الحمد لله علي كل حال
بس نصيحه للجميع
اعرض العربيه علي الف ميكانيكي قبل ما تدفع مليم ولا تفعل الا ما تقتنع به شخصيا ويرتاح له عقلك وتفكيرك
لأنهم بقوا مسعورين كل همهم الفلوس ومنهم لله ينتقم منهم
واحب ان انوه لشئ مهم
أسحب كا ما قولته من تمجيد وشكر في ميكانيكي القاهرة المسمي ميلاد رزق الله
مبروووك
الحمد لله انك عرفت المشكلة في ايه ربنا ما يورينا جهل الميكانيكية
راحت فلوسك ياصابر (على الميكانيكية ) الله ينتقم منهم
كل ماروح عند ميكانيكى أقول فى سرى ياريتنى طلعت ميكانيكى أى والله وأحسده على إللى هو فى بس بردة ربنا مبيباركلهمش
مبروك
والله فرحت لك جدا أصل انا عشت نفس القصه في الدايو لانوس و تعقدت من هذا العيب
وبعد ما تصلح و العربيه رجعت زي الاول بعتها فورا و اشتريت لانسر بوما أتوماتيك 2007وطبعا
وطبعا أستفدت جدا من موضوعك و مبروك مرة تانيه
الف مبروك انك وصلت للعيب الحقيقى (الواحد ما بيتعلمش ببلاش)
بس عاوز اصحح معلومة وهى ان الفتيس بتاع الانسر الـ 1300 هو فتيس أتوماتك 4 سرعات وليس على سير زى الـcvt بتاع الـ1600 وبالتالى ليس له مشاكل الـcvt اللى حضرتك عارفها و عمره أطول و بيستحمل فا الميكانيكى اللى كان هيعدلك و يركب فتيس الـ 1300 ده ميكانيكى فاهم الفرق بين الفتيسين وكان هيخليك تشترى دماغك من الـcvt ده للأبد
و لأن الـ cvt مشاكلة كتير اتجهت كل أنظار الميكانيكية ليه بسبب شكوتك من السحب لأنه فعلا فى 90%من الشكوى المماثله لشكوة حخرتك بيكون فعلا الـ cvt سلم نمر و لكن لو فرضنا مثلا ان عربيتك مانوال و سحبها وحش ما كانش أبدا حد هيفكر فى الفتيس و كان الميكانيكى هيبقى مجبر يدور بعيد عن الفتيس لحد ما يلاقى السبب الحقيقى للمشكلة
أحب أضيف لحضرتك معلومة عن فتيس الـ1300 الـ 4 نقلات انه غير خاص بالـ1300 فقط ولكنه هو نفسه الفتيس اللى بينزل مع البومه الـ 2000 سى سى و لكنهم اختارو البومه الـ 1600 لتجربة الفتيس الـcvt فيها و لما أثبت فشله استبدلوه بالفتيس الـ 4 سرعات فى البومه الـ 1600 من أول موديل 2010 (يعنى من الأخر الفتيس بتاع البومه الـ 1600 موديل 2010 و 2011 هو الـ 4 نقلات بتاع الـ 1300 وبطلوا ينزلوا الـ cvt فى البومه خالص----- هما بس عشان يخلو فيه فرق بين الـ 1300 و الـ 1600 عدلوا فى السوفت وير بتاعه شويه و العصاية عشان يبقه ستيب ترونك لكن الجير بوكس هو فعلا اللى فى الـ1300 من زمان)
بس طبعا لو حضرتك قررت فى يوم من الأيام تعمل التعديل ده (و ده نصيحتى لو حصل حاجة فى فتيسك الـ cvt فى المستقبل انك تركب بتاع الـ 1300 بس خلى بالك لازم ييجى بضفيرته و الكنترول بتاعه و العصاية بتاعته لأنها مختلفة و كمان لوحة العدادات لأن لمض إختيارات الأتوماتك فيها بردو مختلفة و طبها الأفضل لو لاقيته أصلا كان راكب فى عربية 1600 استيب ترونك زى البومه الـ 2010)