لا معلش كلام حضرتك معظمه غلط
أولاً الفتيس مفيهوش مشاكل كتير ومش بنشوف كل يوم واحد فتيسه ضارب مع ان العربية مغرقة البلد وانا شفت عربيات 1600 بتتأجر وماشية فوق الـ500 الف كيلو وفتيسها شغال من غير مشاكل طالما بيغير زيت في معاده
بالنسبة لفتيس الـ1300 هو فعلاً نفس الفتيس اللي راكب في معظم عربيات ميتسوبيشي بس نسب النقل مختلفة وكل موتور ليه tuning مختلف وممكن 1300 يكون زي 1600 لانهم قريبين من بعض بس مستحيل يكون زي الـ2000 والـ2400
بالنسبة لموضوع أثبت فشله حضرتك جبت الكلام ده منين؟؟؟؟؟؟؟؟؟؟
اللي حصل ان الفتيس بيكون ليه خط انتاج وكل عربية بيحكم مكوناتها عوامل كتير منها السعر يعني مثلاً مينفعش يبيع بومة ب150 الف او تحط كروز كنترول وabs في ماروتي وتبيعها اغلى 10 الاف جنيه لان محدش هيشتريها والتسعير والمكونات بيكون ليها إدارة بحالها والعملية مش لعبة ومش بيجربو في عربيات الناس زي ما حضرتك قلت
اللي حصل ان الفتيس invecs iii cvt تطور وبقى فيه 6 نسب متخزنين في الكمبيوتر وبقى كأنه ستيب ترونك 6 نقلات ونزلوه في الشارك 2000 سي سي بـpedal shifter (يعني مش فاشل اهو) وطبعاً ده تكلفته عالية على البومة وعلشان تنتج الفتيس من غير الموضوع ده هتحتاج خط انتاج منفصل ودي حاجة تكلفتها عالية والعربية شوية وهتقف الحل انهم يضموه على خط انتاج تاني اللي هوinvecs ii ستيبترونك
الـcvt مش اختراع ولا تجربة ده بيستخدم من أوائل القرن الماضي
[youtube]http://www.youtube.com/watch?gl=AU&feature=related&hl=en-GB&v=trJ09GSKv1g[/youtube]
وفي الخمسينات في الطيارات وفي عربيات السباق زي Formula 500
وفي عربيات كتير زي تويوتا وميتسوبيشي وهوندا ونيسان ودودج وسوبارو لسة بينتجوه في عربيات مشهورة جداً زي الـhrv والالتيما وبريوس وفيت وكيوب
مع العلم ان نيسان انتجت منه فوق المليون وحدة وبتستخدمه في الماكسيما الـ290 حصان !
والمستقبل كله في الفتيس ده لانه بيشتغل مع المواتير الكهرباء اللي مش سهل التحكم في عدد لفاتها ومعظم او كل العربيات اللي مواتيرها كهربه نزلت cvt زي شيفروليه فولت ونيسان ليف وميتسوبيشي i-miev والهجين تويوتا بريوس