الموضوع: حد يقول لعصام شرف يقعد في البيت

مشاكل العريش تهريب السلاح والفوضى والانفاق مع قطاع غزة . عدم وجود خطط امنيه مسلحه وقائيه لمنع الجريمه بعمل كمائن زى بالبحث عن الهويات والرخص ورخص المركبات زى السعوديه بيعملوا خمس عربيات اتنين مقابل بعض والثالثه بتكون واقفه بعيد واتنين ابعد منهم فى اتجاه معاكس علشان منع الهرب فى الاتجاه المعاكس. المهم تلاقى بيحطوا مطبات قبل الكمين ب نصف كيلو او كيلو قبل وبعد الكمين العربيات ضد الرصاص والمجندين بواقى رصاص وبيكونوا مجموعات جاهزة لضرب الرشاشات لاى تحرك غريب ولو حد ناصح بيهرب يلاقى المطب بعد الدوريه بيكون عالى ممكن يكسر العربيه وبيلاقى العربيه الثالثه تجيبه وتمسكه . مصر محتاجه لشرطه كدة على كل الطرق ويجب اغلاق المعابر برفح والسلوم ومنع دخول غير المصريين الا بتصريحات امنيه وتحركهم باماكن محددة للسيطرة . الامر الاخير اعلان بجميع الصحف والاعلام بمدة محددة لتسليم اى بلطجى او مشتبه فيه بداخل اى سكنات مؤجرة او سلاح بدون رخصه او تحركات مشبوهه للشرطه او الجيش برقم موحد بالبلاغ لحضور وحدةخاصه للاستلام واى سلاح يوجد مع اى حد بعد فترة السماح يسجن مؤبد

احنا شعب نموت فى الضرب على الدماغ
مش عارف حاسس من قولك 100 يوم اكنهم 100 شهر
يعنـــــــى كل المصايب دى الى مبــارك الى هو السبب فيها (عشوائيات وفقراء)ظهرت الطبقيه ما بين طبقه غنيه غنى فاااااااحش وناس فقرا فقر مضجع وطبعا الفقرا دوول نسبه منهم إلا من رحم ربى نسبه منهم اتجهو للبلطجه ولتجاره المخدرات والسلاح والتشكيلات المنظمه لسرقه الناس مع عدم التفريق اذا كان غنى او فقير الى بيتسرق طبـــــــــــــــعا نتيجه المخطط القذر بتاع النظام القذر البائد النتيجه الى احنا شايفنها قدامنا دلوقتى والى بيحصل ده كان هيحصل هيحصل لأن الموضع كان فى آخره خالص

فمش معقول نلوم فى الراجل الى يعتبر الوحيد فى آخر 50 سنه شخص مسئول فى مصر وبيعمل وبجد وبضمير لصالح البلد ومش منتظر مقابل وبيواجه كل الصعوبات والى بتتمثل ان اى شخص لو غلط 1\8غلطه بيحاكم وبيسجن فحرااااااااااااااااااام بقى حراااااااااااااااام
عاوزين نبقى متفتحين العقل ولو مره فى حياتنا والله الكلام ده ان بستاء منه جدا

شعبنا دا شعب غريب وعجيب وانا طبعا من ضمنكم يعني :d

لما احمد شفيق مسك وتاني يوم حصلت موقعة الجمل الناس كلها قالت ان هو السبب امال رئيس وزراء ليه ومعرفش ايه..ولازم يمسك البلد وهو المسؤول عن اي حاجة تحصل فيها..وانه فلول وان الجريمة في مصر ملهاش مكان الا لو في تواطئ...الخ من الكلام الجميل دا.

بينما دلوقتي سبحان الله بنخترع حجج لايصدقها عقل طفل رغم كمية الجرائم التي تحدث يوميا والتي فاقت اي تصور مأساوي او كابوسي، يعني مفتكرش حد تخيل هيجي اليوم اللي يحصل فيه اللي بيحصل دلوقتي حتى البوم نفسه متخيلش كدا... والعصابات التي اصبحت الشرطة نفسها جزء منها، يعني مثلا الشرطة بتعمل عبيطة ووهي قدامها جريمة و دا يعتبر تواطئ. او الشرطة تتشطر على المخالفات بتاعت العربيات او المحلات وسايبين البلطجية والسرقة والقتل والاغتصاب...معرفش ليه لايطبق القانون العسكري في حق المغتصبين و القتلة؟ مش احنا في حكم عسكري برضو ولا ايه؟

بالذمة لو واحد غير عصام شرف ماسك دلوقتي، مش كان اتقال انه من الفلول وبيحاول يفشل الثورة بتراخيه وبضعفه بالتعاون مع الجيش؟

ما علينا، خلونا ساكتين لحسن نعتقل بتهمة تكدير الامن العام ولا انه الواحد اتكلم عن الجيش ، اللي بياخدو احيانا عربيات بنص التمن رغم ان الدستور بيقولك الجميع سواسية في كل حاجة..شوف ازاي؟

انام احسن :d