عرض رهيب على اوكتافيا فنتازيا 2011

**essamsultan780** · 22-06-2011 04:11 PM

إخواني الأعزاء أعضاء المنتدى
اليوم ذهبت الى توكيل سكودا في الكويت - حيث اعمل في دولة الكويت - وشوفت الاوكتافيا 2011 ( مواصفات كاملة ما عدا فتحة سقف والجلد والدركسيون المالتي فنكشن ...) ودي سعرها بالكويتي 6100 دينار كانت الاول ب 6800 يعنى نازل عليها تخفيض 700 دينار - والحقيقة السيارة لما تشوفها غير لما تسمع عنها ولما تركبها غير لم تشوفها - حاجة وهم بجد - تحس اول ما تشوفها انها حاجة محترمة مع الاعتزار لباقي المنافيسن اليابانيين - خاصة التقفيل الممتاز بالرغم انه مش جلد لكن فرش متين ورهيب ، وفتح الابواب وغلقها حاجة فخمة وتقيلة وفيها تناغم
المهم كان هناك لونين اللون الفيراني يعنى الرصاصيي الغامق واللون الكحلي بس مش الغامق قوي ولا الفاتح (الزهري) لون وسسط بس شكلة تحفة.
لكن لفت نظري السيارة ال جنبها الاوكتافيا الكومبي او الستيشن هي اطول شوية هاتش باج ولكن كاملة المواصفات فتحة سقف بقى وشاشة لمس وبلوتوث وحاجات تهبل !!!
ودي كان تمنها 6400 دينار كويتي في العرض يعنى فارقة عن الاوكتافيا فانتازيا 300 دينار حاجة مش كبيرة بالنسبة لكمية الكماليات ال فيها دا كفاية الشاشة والدركسيون المالتي فنكشن

معلش طولت عليكم
المهم انا عايز رأيكم أولا اشتري دلوقتى ولا استنى لما 2012 تنزل مع العلم انى لو اشتريت دلوقتى هوفر 700 دينار كويتي يعنى حوالي 14 الف جنيه مصري تقريبا - ولا استنى 2012 ويبقى معايا موديل السنة الجاية مع العلم انه مفيش اختلافات في الجدد على حسب علمي وعلى حسب ما قالي مدير المعرض
ولا اشتري الاوكتافيا الكومبي ال هي كاملة المواصفات وزايدة 300 دينار يعنى في حدود 6 الاف جنيه مصري

افيدوني ولا تبخلوا علي من فضلكم

**MaZaGAngeE** · 22-06-2011 04:29 PM

على حسب عدد العيال
بس رايي خليك في الاستيشن برغم وقوع سعرها عند البيع .... بس الفرق كبير في المساحة .... و خلي العيال تلعب

**wawamoha** · 22-06-2011 05:02 PM

الكومبي اغلى في اوروبا من العادي علشان عائليه و هنا في مصر ارخص
عموما هيا بتنزل في التمن جامد عن العادية يعني لو هاتقني العربيه يبقى خليك في الكومبي لو مناسباك
اخر حاجه موديل 2011 او 2012 مش هاتفرق كتير استفيد بالخصم و كمان بسرعه تقادم الموديل يعني لما تيجي تنزل العربيه هاي تعملك خصم احسن في الجمارك

و اخيرا سلملي عل الكويت احلى بلد في الخليج

**essamsultan780** · 22-06-2011 05:30 PM

المشاركة الأصلية كتبت بواسطة mazagangee

على حسب عدد العيال
بس رايي خليك في الاستيشن برغم وقوع سعرها عند البيع .... بس الفرق كبير في المساحة .... و خلي العيال تلعب

شكرا يا باشا على ردك السريع

**essamsultan780** · 22-06-2011 05:32 PM

المشاركة الأصلية كتبت بواسطة wawamoha

الكومبي اغلى في اوروبا من العادي علشان عائليه و هنا في مصر ارخص
عموما هيا بتنزل في التمن جامد عن العادية يعني لو هاتقني العربيه يبقى خليك في الكومبي لو مناسباك
اخر حاجه موديل 2011 او 2012 مش هاتفرق كتير استفيد بالخصم و كمان بسرعه تقادم الموديل يعني لما تيجي تنزل العربيه هاي تعملك خصم احسن في الجمارك

و اخيرا سلملي عل الكويت احلى بلد في الخليج

اشكرك على النصيحة الغالية .. انا فعلا حابب اقنى العربية باذن الله مش اتاجر فيها
وحسلم لك على الكويت

**RedBull_30** · 22-06-2011 05:55 PM

على فكرة الفانتازيا الكومبي بصراحة بشعر فيها انها رياضية وخصوصا لو الجنوط كانت مقاس 17 وبالكماليات الزيادة اللي حضرتك قولت عليها يبقى توكل على الله وهاتها وربنا يباركلك فيها

**MASERATI** · 22-06-2011 08:04 PM

السلام عليكم و رحمة الله و بركاته

أنا متهيألى أنك تجيب الفانتازيا -مش الwagon- مو 2011 و ألف مبروك مقدما على العربية.

ممكن سؤال خارج سياق الموضوع, هى الفانتازيا اللى سيادتك شوفتها فى الكويت دى, كان ليها مساحة على الازاز اللى ورا؟؟؟؟

**RedBull_30** · 22-06-2011 08:54 PM

المشاركة الأصلية كتبت بواسطة MASERATI

السلام عليكم و رحمة الله و بركاته

أنا متهيألى أنك تجيب الفانتازيا -مش الwagon- مو 2011 و ألف مبروك مقدما على العربية.

ممكن سؤال خارج سياق الموضوع, هى الفانتازيا اللى سيادتك شوفتها فى الكويت دى, كان ليها مساحة على الازاز اللى ورا؟؟؟؟

انا والدي معاه اوكتافيا a5 2007 جايبها معاه من الدوحة وانا اتفاجأت بانها مفهاش مساحة على الزجاج الخلفي كمان هتلاقي في الخليجي ان الكراسي مش بتبقى كلها متغطية بالجلد الطبيعي بتبقى الحواف بتاعتها بس .. و ظهر الكرسي والقعدة قماش .. بس موضوع مساحة الزجاج الخلفي انه مش موجود في الخليجي تأكد انك مش هتلاقيها

**MASERATI** · 22-06-2011 11:37 PM

المشاركة الأصلية كتبت بواسطة redbull_30

انا والدي معاه اوكتافيا ..................

السلام عليكم و رحمة الله و بركاته

ألف شكر لكرمك و ذوقك .

**essamsultan780** · 23-06-2011 08:36 AM

المشاركة الأصلية كتبت بواسطة maserati

السلام عليكم و رحمة الله و بركاته

أنا متهيألى أنك تجيب الفانتازيا -مش الwagon- مو 2011 و ألف مبروك مقدما على العربية.

ممكن سؤال خارج سياق الموضوع, هى الفانتازيا اللى سيادتك شوفتها فى الكويت دى, كان ليها مساحة على الازاز اللى ورا؟؟؟؟

أخى الكريم .. اولا شكرا لاهتمامك ومشاركتك بالموضوع
ثانيا انا كنت متابع مواضيع الفنتازيا الموجودة على الموقع العظيم دا وكل الناس كانت بتقول ان الخليجي مفيش فيه مساحة على الإزاز ورا .. بس لما شوفتها امبارح كان فيها مساحة ... واعتقد ان كل دولة من الخليج لها مواصفات خاصة بيها يعنى سيارات الاردن مش زي ال في الكويت او بتختلف عنها في حاجات وهكذا