الموضوع: شكرا سكودا ولكن الوكيل انت غير مرضي!!!!

السادة المحترمين مالكى سيارات سكودا:
بعد طول تفكير وعناء وتوفير مبالغ مالية (الله اعلم كل واحد تعب فيها ازاى) ققررتم شراء سكودا باختلاف موديلاتها
وذلك لانها فعلا عربية ممتازة ولكن المشكلة الرئيسية في سكودا هى:
التوكيل
في اعتقادى ان ارتوك اوتو يعتبر من اسوأ التوكيلات للسيارات المنتشرة فى مصر , بناءا على تجربتي الشخصية وقرا ئتى لبعض اراء الزملاء في هذا المنتدى الرائغ الذي يسمح بتبادل الاراء
والمشاكل وجهه نظري:
1- صغر جحم التوكيل فى غمرة مما لا يتناسب مع حجم انتشار السيارة والحاجة الى فتح فروع اخرى داخل القاهرة.(مع العلم انه يوجد اشاعات من سنة عن قرب افتتاح فرع في المعادى على الدائرى.
2- عدم وجود مراكز صيانة تابعه لارتوك في المحافظات ووجود مراكز خدمة معتمدة تعاني من عدم تدريب المهندسين واختلاف اسعار قطع الغيار والمصنعييات.
3- نقص قطع الغيار عند ارتوك (الكثير من الاعضاؤ اشتكو من نقص لمبات والتوكيل يطلب البحث عنها في المحلات وانا عن نفسي كان عندى مشكلة فى مشترك مياه للردياتير وطلعت اجيبه من الحرفيين لعدم وجوده في التوكيل ولا فى المحلات ود طبعا بعد خناقة مع التوكيل والا حضطر استنى اسبوعين لما يجيبوه بـ DHL .
4- عدم تغطية الضمان لعيوب الصناعة وخصوصا مع المراكز المعتمدة ( مثلا نور الدين الشري فى اسكندرية مكنش راضي يغير كومبرسور تكييف سكودا A5 مع انها في الضمان وقال لصاحب العربية ده عييب استخدام ولما عملهم فضيحة غيرهوله.
5- ناس كتير بتروح للتوكيل عشان مشكلة معينة وبعد ما العميل يضيع وقتة طول اليوم يطلع بنفس المشكلة ويضطر يرجع تاني.


الميزة الوحيدة في التوكيل ان اسعار قطع الغيار (عن تجربه) نفس اسعار المحلات برة واستعمال الخارج ( زي الريدياتير ومفاتيح الزجاج الكهربائية)

وعشان كدة لازم من الاعضاء الى بيحبوا سكودا واللى نفسهم توكيلهم يبقى من احسن التوكيلات زي ما سكودا عملت عربيات قمة في الفخامة والرفاهية لازم خدمة ما بعد البيع تكون بنفس المستوي.

اقترح :
ارسال E-Mail لشركة سكودا وشركة VW باعتبارها الماللك لشركة سكودا بالمشاكل التى نعانيها مع ذكر VIN code خاصة العربية عشان يتأكدوا من ان الشكاوي مش كيدية ولو حد لقى مشكلة تصنبع يخاطب جهاز حماية المستهلك وننهض بالتوكيل لو مش مزاجة يبقى غصب عنة أو يتغير واعتقد الف رجل أعمال يتمنى يحصل على التوكيل.


ممكن اكون متحامل شوية عليهم بس انا روحت وكيلات تانية وشوفت الناس بتعامل العملاء ازاي

والموضوع دة للمناقشة العامة لحد ما نتفق على رأي

انا كنت مالك لسيارة A4 من 2004 لحد 2010 ودلوقتى فانتازيا والحمد لله