العمر الافتراضي للماروتي

**dolly13** · 23-06-2011 12:35 PM

على فكرة العربية جميلة جدا فى كل الطرق وفعلا قدرتها على المناورة هايلة وفى الطرق المكسرة هاتلاقيها حلوة جدا وده عن تجربة لانى امتلكتها سنتين وكنت بافضل اسافر بيها البلد لان حجمها مابيخلهاش تحك فى المطبات اطلاقا وعفشتها ناعمة و بجد لولا انها بقت صغيرة علية كنت كملت بيها فترة طويلة اوى

**Amr Axel** · 23-06-2011 04:40 PM

بص الموضوع مش موضوع ماروتي و لا رمسيس حتي
طالما انت بتحافظ ع العربية يعني مش بتقرص عليها في الجري و لا مطبات جامد و بتمشي عادي و بتغيرلها الحاجات الدورية يعني مش مخليها محتاجة حاجة هتفضل معاك سنين السنين يمكن كمان تورثها لاحفادك ان شاء الله ههههههه
انما لو انت مثلا بتكبر دماغك و تسيبها فترات و عدم اهتمام طبيعي العربية هتتعب و مش هتقعد و تفضل تدفع ع الفاضي و المليان يعني زي ما بنقول الوقاية خيرا من العلاج
ده بالنسبة الحاجات العادي اما بقي انها تبتدي تفتح بوقها جامد فبعد حوالي 3-4 سنين بالكتير اوي ان شاء الله
العربية مع صاحبي اهله اشتروها اوائل الالفينات لكن محافظين عليها و بعدها ادهاله و جابوا عربية تانية و العربية بسم الله ما شاء الله تقول انها لسه موديل 2010 لأنه مش مخليها محتاجة حاجة

و بالنسبة لرد استاذ \ beckeryahia

انا مستغرب لرد حضرتك اولا الماروتي زي ما استاذ سبعاوي قالك تسارع حلو جدا و جبت بيها 120 ع كوبري اكتوبر بليل بالاضافة انها حلوة جدا في المناورات وسط البلد و ده نظرا لأن حجم العربية و تناسب الموتور معاه
و بالنسبة مقارنة بينها و بين الـ128 و لا 127 الماروتي تكسب في التسارع لكن ال128 و الــ127 اقولك تكسب في قوة الصاج عن الماروتي
اما بالنسبة للشاسيه بالعكس العربية ديه شاسيها مش بيتأثر زي ما حضرتك متصور و ده برده راجع لأن قوة الموتور متناسبة مع قوة الشاسيه
ع عكس مثلا حاجة زي الفيرنا الشاسيه بيفتح عالطول بسبب ان الشاسيه ضعيف و مش متوافق مع قوة الموتور
و انا سافرت بالماروتي اكتر من مرة قبل كده اسكندرية و اسماعيلية و كنا محملين 3 ورا كمان
و العفشة الي حدا ما ضعيفة في المطبات لكن محدش ياخد مطب يعني ع سرعة 30 و يكون محمل ناس هههههه بالنسبة للنقر و الفتحات التي تتميز بها شوارعنا الجميلة فالعربية تمام فيها
بالاضافة كمان ان شغلها مش معقد و اي حد فاهم يشتغل فيها
و طبعا قطع غيار رخيصة و متوافرة اكتر من الــ128 نفسها اللي قطع غيارها في السوبر ماركت ههههههه

و ع فكرة انا مش من مالكي السوزوكي ماروتي عشان محدش يقول بتدافع عنها عشان عربيتك انا معايا التو هههه

و بالتوفيق ان شاء الله

**meemo** · 24-06-2011 07:53 PM

بصراحة العربية معي من 2009 زيرو الحمد لله زي الفل السنة اللي فاتت سفرت بيها مرسي مطروح وكانت محملة انا ومراتي وابني وبنتي واخت المدام واحنا راجعين محملة اكتر بالهدايا واللب والزيتون وووو وكانت زي الفل الحمد لله لاسخنت ولا اي حاجة وكنت بجيب بيها 120

**dr.hazem** · 24-06-2011 09:36 PM

المشاركة الأصلية كتبت بواسطة meemo

بصراحة العربية معي من 2009 زيرو الحمد لله زي الفل السنة اللي فاتت سفرت بيها مرسي مطروح وكانت محملة انا ومراتي وابني وبنتي واخت المدام واحنا راجعين محملة اكتر بالهدايا واللب والزيتون وووو وكانت زي الفل الحمد لله لاسخنت ولا اي حاجة وكنت بجيب بيها 120

عاش من سمع صوتك يادكتور

تحياتي

**meemo** · 04-07-2011 02:23 AM

المشاركة الأصلية كتبت بواسطة hm414

عاش من سمع صوتك يادكتور

تحياتي

الله يخليك والله اللي مانعني عنكم الشديد القوي انما الحمد لله نزلت الاجازة من 3 ايام ومستني مقابلة تاني زي بتاعت المريوطية ورمضان الابواب وقول يارب نقابل الاحباب

**dr.hazem** · 04-07-2011 03:09 PM

المشاركة الأصلية كتبت بواسطة meemo

الله يخليك والله اللي مانعني عنكم الشديد القوي انما الحمد لله نزلت الاجازة من 3 ايام ومستني مقابلة تاني زي بتاعت المريوطية ورمضان الابواب وقول يارب نقابل الاحباب

ياسيدي ألف الحمد لله عالسلامه ربنا يسهل ونعرف نتقابل
انا حاليا في الطوارئ وانت ادرى بوضع الطوارئ

سلامي