مرسيدس 1974 200

**MASERATI** · 23-12-2010 12:38 AM

السلام عليكم و رحمة الله و بركاته

أنا واحد صاحبى هنا فى المنصورة, والده بايع واحدة خنزيرة جاز 200 مو 1976, بحالة جيدة جدا بالمقارنة بالعربية اللى أنت بتتكلم عليها و كان من حوالى 8 شهور و كان بايعها ب19500 جنيه و هو أكيد مانضحكش عليه لأنه بيدور حاليا على معدلة أو زلمكة.

فعربية زى اللى أنت بتوصفها ديه, لا تزيد عن12000 - 15000 جنيه اطلاقا و أنت الخسران كمان لأنك هتتعب و أنت بتدور على حاجتها و كمان شكلها هتاخد شغل كتير , ده كفاية الموتور و كل حاجة بتمنها , أنا نصيحتى ليك أنك تدور على واحدة مرسيدس 00 2معدل نظيفة موديل فوق ال1980 , عشان تبقى بالموتور الأسود و خلاص, الا ادا كنت أنت غاوى الشكل بتاع الخنزير, ويبقى أمر تانى بأه .

و ربنا ييسرلك الخير و لكل المسلمين ان شاء الله .

**bedo128** · 24-12-2010 03:55 PM

انا عندى مرسيدس موديل 74 مرفوعه ومركونه لانى بره مصر وشديتها من اول الصاج حتى الماتور وصرفت 9000 وعملت سياره جديده وهيه ديزل وللعلم انها فيها حاجات احسن من الزيرو زى خفه البور بصابعك الصغير

**MBhead** · 24-12-2010 04:25 PM

المشاركة الأصلية كتبت بواسطة bedo128

انا عندى مرسيدس موديل 74 مرفوعه ومركونه لانى بره مصر وشديتها من اول الصاج حتى الماتور وصرفت 9000 وعملت سياره جديده وهيه ديزل وللعلم انها فيها حاجات احسن من الزيرو زى خفه البور بصابعك الصغير

سيادتك العربية دي مفهاش كلام مع احترامي لكل الاعضاء
سيبك من الناس اللي بتقول ملهاش قطع غيار و مش عارف فيها ايه و الفتيس الاوتوماتك بيبوظ و المعدلة احسن منها مليون مرة دول مركبوهاش و يعرفوا عنها اي حاجة
احنا كان عندنا العربية زي دي كانت 280 الموتور ال6 سلندر اوتوماتك موديل 68 اعدت معنا 40 سنة بعمرة واحدة وبعتها ب45 الف و اتسرعت وانا بابعها عشان كنت مسافر بره مصر و العربية دي اكتر من محترمة و كنا بنحبها جدا جدا و غيرنا عليها عربيات مرسيدس كتير و هيا معانا والدي كان جايبها زيرو زمان بجد انا لو عاملوا من العربية دي جديد انا و ولدي حنروح نشتري تاني
اما بالنسبة لموضوع الفتيس الاوتو و المشاكل اللي فيه الصراحة انا عمري ماشفتلو اي مشاكل و الW123 احسن منها فعلا بس دي بردو مش كهنة يعني و الدليل لو هيا تعبانة زي الناس مابتقول مكنتش المعدلة بقت كده دي هيا الموديل اللي بعدها علطول و قطع الغيار موجودة و اكيد اللي معاه العربية بيتعامل مع بتاع قطع غيار واحد مش بيمشي بدلل علي قطع غيار مثلا عند اي حد و الميكانكية بتوع المرسيدس بيعرفوا يجيبوا قطع غيارها
و كلام حضرتك صح الباور بتاعها حلو جداا انا دلوقتي راكب w116 350SE 79 عربية حلوة اوووي بس مكلفة شوية
كانت مركونة 12 سنة و جبتها و شدتها و بركبها 3- 4 شهور في السنة لما باخد اجازة من الشغل ان شاء الله لو لقيت 450SEL 6.9 حجبها دي اسطورة
و عموما مرسيدس السبعينات تحف ماشيه علي الارض بس اللي يقدر قيمتها صح
و اسف علي الاطالة

**MASERATI** · 24-12-2010 11:36 PM

المشاركة الأصلية كتبت بواسطة mbhead

سيبك من الناس اللي بتقول ملهاش قطع غيار و مش عارف فيها ايه و الفتيس الاوتوماتك بيبوظ و المعدلة احسن منها مليون مرة دول مركبوهاش و يعرفوا عنها اي حاجة .................................................. .................................................. .............

الw123 احسن منها فعلا بس دي بردو مش كهنة ................................................

و عموما مرسيدس السبعينات تحف ماشيه علي الارض بس اللي يقدر قيمتها صح
و اسف علي الاطالة

السلام عليكم و رحمة الله و بركاته

طبعا كلام سيادتك مهم جدا و مفيد لأنك راكب المرسيدس من زمان .

بس , أنا دلوقتى مش فاهم , أنهى أحسن من التانية ؟؟؟؟!!!!

الخنزيرة و لا المعدلة الw123 ؟؟؟؟؟؟

**MASERATI** · 27-12-2010 04:02 PM

السلام عليكم و رحمة الله و بركاته

ايه يا جماعة اللى حصل , أنا حاسس أن مشاركاتى فى الموضوع ده مابتظهرش .

**MBhead** · 27-12-2010 07:52 PM

المشاركة الأصلية كتبت بواسطة MASERATI

السلام عليكم و رحمة الله و بركاته

طبعا كلام سيادتك مهم جدا و مفيد لأنك راكب المرسيدس من زمان .

بس , أنا دلوقتى مش فاهم , أنهى أحسن من التانية ؟؟؟؟!!!!

الخنزيرة و لا المعدلة الw123 ؟؟؟؟؟؟

الW123 المعدلة طبعا احسن من الw114/115 (الخنزيرة) و اجدد منها بس الفكرة ان الخنزيرة مش كهنة بس دا اللي انا بقوله
المصريين بيجبوا يبالغوا في الحاجة و كل واحد بيقول علي عربيته جميلة و الباقي زباله حتي لو مرسيدس
انا حقول لحضرتك موقف حصل معايا شخصيا من فترة لما كان معايا الخنزيرة كنت عند الكهربائي و في واحد معاه 200 معدله و كان الكهربائي بيضحك معايا و يقولي ياعم بيع العربية دي بقي دا من الستينات لقيت المعلم بتاع المعدلة داخل بيقولي يا باشا العربية دي مش حلوه دي اي كلام ال200 هيا اللي عملت المرسيدس
من غير 200 كانت الشركة فلست و اعد يقول كلام حسسني ان كل موديلات المرسيدس زباله الا ال200
و انا طبعا قلتلوا كلامك صح و مشيت
علما بان الخنزيرة اللي كانت معايا كانت280 و حالتها فوق الممتازة و ماكنش فيها مسمار واحد مش اصلي
طبعا الw123 عربيه جميله جدا و انا مش بقلل منها خالص بس انا بردو ركبت عربيات تحف مثلا الSL الR107 و الC126 و موديلات كتير غير دول كلهم جمال