الموضوع: سكودا فيليشيا 1997 للبيع

المشاركة الأصلية كتبت بواسطة misoalex

على فكره السعر اللى الراجل كتبه ده هو سعر السوق وقبل الثوره ولو حضرتك مش مصدق دور فى اعلانات البيع القديمه سواء هنا فى المنتدى او فى مواقع اخرى

ال 97 لو glx ومفهاش كلمه وفابريكه بره والتكيف شغال كبيرها 30 الف متزيدش عن كده وحضرتك التكيف عندك مش شغال وراشه حزام يعنى 27 كويس ده غير ساعه الكشف على العربيه اكيد حيطلع فيها كام حاجه صغيره لان مهما كان دى عربيه مستعمله واكيد فيها حبه شغل

على فكره انا مش تاجر بس انا متابع اسعار الفليشيا من فتره وخصوصا انها منتشره عندنا فى اسكندريه اكتر من القاهره بكتير جدا وحبيت انصح حضرتك واقولك لو جابت 27 الف بيع

السعر مش من قبل الثورة ، حضرتك تقدر تشوف تاريخ مشاركة التسعير من هنا
http://www.nilemotors.net/Nile/3873592696-post6379.html
وهى مكتوبة من 5 ايام فقط و زى ما حضرتك عارف خبرة العضو اللى بيقوم بالتسعير لكل اعضاء المنتدى واللى كلنا هنا بنسترشد بأسعاره

وبالنسبة للتكييف ، ان شاء الله انضفه واللى يشتريها ياخد التكييف شغال لأنه مافيهوش اى مشكلة غير انى ما شغلتوش من فترة بس

والعربية مش رشة حزام ، دول الجانبين فقط ( الشنطة والجزء الأمامى كله فابريكة والرش فى الرفارف نتيجة خربشة زى ما كل عربيات مصر بتتخربش )

عموما شكرا على نصيحتك ومشاركتك وربنا يقدم اللى فيه الخير للجميع

المشاركة الأصلية كتبت بواسطة misoalex

حضرتك انا بتكلم على السعر فى الواقع مليش دعوه بالسعر اللى حد قاله لحضرتك هنا فى المنتدى

انا حبيت اكتب مشاركتى فقط عشان متعتدمدش على السعر اللى حد قالهولك وتفضل ماسك فيه وتفضل العربيه معاك وينزل فى سعرها اكتر وتخسر حد كان عاوز يشتريها بجد

بس دى كل الفكره ان اللى حط السعر لحضرتك حطه كسعر مبدأى واللى حيشترى حيتفرج على الحاله ويحط السعر النهائى وحضرتك تتفاوض معاه وكده

لكن لو حضرتك فكرت تبيع العربيه للى حط السعر لحضرتك تفتكر هو حيشتريها بالسعر ده فى الواقع ؟؟؟؟؟؟

ان شاء الله اللى هيشوفها هيكون جاد فى الشراء مش مجرد بيتكلم على النت وساعتها ممكن يكون فيه حل يرضى جميع الأطراف خصوصا انه لما يشوف حالتها هيعرف انها عربية نضيفة جدا

العربية دى بجد انا حبتها سبحان الله انا عارض عربيتى للبيع سبحان الله لو اتباعت لازم اجى اشوف عربيتك

المشاركة الأصلية كتبت بواسطة aboomar22

العربية دى بجد انا حبتها سبحان الله انا عارض عربيتى للبيع سبحان الله لو اتباعت لازم اجى اشوف عربيتك

شكرا على ذوقك وربنا يسهلك بيع عربيتك ولو فيه نصيب تكون العربية دى من نصيبك ان شاء الله وربنا يقدم اللى فيه الخير للجميع

السيد العضو المحترم سكوربيون
على فكرة انا مش بتكلم على النت وبس انا فعلا بدور على عربية والكلام اللى قولته لحضرتك صدق وللمرة الثانية انا مش تاجر ووالله انا كان معايا نفس العربية وبعتها برضه علشان ظروف بس اللى بيحكم فى بيع العربية حالة العربية والعرض والطلب وسعر السوق
وبالنسبة لموضوع تسعير السيارات اللى حضرتك قولته انا مبشككش فى رأى الاستاذ اللى سعرها لك لانى انا كمان بستشيره لما بتبقى قدامى عربية وعايز اعرف سعرها كام علشان اعرف هتناسب امكانياتى ولا لأ
بس كنت بحس انه ساعات بيقيم العربية اعلى من سعرها او بيقيمها تقييم ثابت من حيث الحالة والكماليات والمواصفات وليس من حيث سعر السوق
وانا بعت لحضرتك هنا كذا مره انك تبعت لى السعر اللى يرضى حضرتك ورقم تليفونك علشان انا للأسف ظروف شغلى مبتسمحش لى انى ابقى فاضى كتير وعلشان كده انا بكلم حضرتك هنا مبدأيا نستقر على السعر وبعد كده اوفق مواعيدى فى شغلى واجى اكشف على العربية ونخلص بإذن الله فى حالة لو السعر المعروض يناسب سعر السوق وامكانياتى
وتعزمنى على بيبسى كمان علشان احنا فى الصيف هههه
يا ريت حضرتك تكون فهمت وجهة نظرى
ومشكور حضرتك على الرد

المشاركة الأصلية كتبت بواسطة medo_egypt86

السيد العضو المحترم سكوربيون
على فكرة انا مش بتكلم على النت وبس انا فعلا بدور على عربية والكلام اللى قولته لحضرتك صدق وللمرة الثانية انا مش تاجر ووالله انا كان معايا نفس العربية وبعتها برضه علشان ظروف بس اللى بيحكم فى بيع العربية حالة العربية والعرض والطلب وسعر السوق
وبالنسبة لموضوع تسعير السيارات اللى حضرتك قولته انا مبشككش فى رأى الاستاذ اللى سعرها لك لانى انا كمان بستشيره لما بتبقى قدامى عربية وعايز اعرف سعرها كام علشان اعرف هتناسب امكانياتى ولا لأ
بس كنت بحس انه ساعات بيقيم العربية اعلى من سعرها او بيقيمها تقييم ثابت من حيث الحالة والكماليات والمواصفات وليس من حيث سعر السوق
وانا بعت لحضرتك هنا كذا مره انك تبعت لى السعر اللى يرضى حضرتك ورقم تليفونك علشان انا للأسف ظروف شغلى مبتسمحش لى انى ابقى فاضى كتير وعلشان كده انا بكلم حضرتك هنا مبدأيا نستقر على السعر وبعد كده اوفق مواعيدى فى شغلى واجى اكشف على العربية ونخلص بإذن الله فى حالة لو السعر المعروض يناسب سعر السوق وامكانياتى
وتعزمنى على بيبسى كمان علشان احنا فى الصيف هههه
يا ريت حضرتك تكون فهمت وجهة نظرى
ومشكور حضرتك على الرد

انا مكنتش اقصد ان انت اللى بتتكلم على النت انا كنت بس بحاول افرق بين المشترى الجاد والآخر اللى مجرد بياخد فكرة عن السوق ويا ريت تقبل اعتذارى لو كان كلامى اتفهم بطريقة غير المقصودة

وبما انك كان معاك نفس العربية يعنى هتبقى فاهم فيها ولما تشوف عربيتى هتقدر نضافتها بجد
انا بعتلك رقم تليفونى على الخاص
و كده كده اعزمك على البيبسى ان شاء الله من غير اى عربية ولا اى حاجة