الموضوع: بعض الاستفسارات عن النترا 2005

المشاركة الأصلية كتبت بواسطة muslim_nsb

الاول السيارة النترا 2005 كامله اتوماتك حساسات خلفيه تكييف ديجيتال
الاستفسارات :-
1- ايه افضل نوع زيت للفتيس الاتوماتك وياخد كام كيلوا الفتيس وسعره في حدود كام ؟
لاني شاري العربيه قريب وحبيت اغير زيت الفتيس احسن

انا بحط موبيل وان,,اللتر ب 45 جنيه,,عندى فى النوبيرا بتاخد 4 لتر..
انت بقى بصراحة معرفش..
2- ناوي احط زيت ماتور شيل 10000 ايه رايكم فيه مع الانترا ؟

برضه معرفش...بس عموما زيوت شيل للموتور لا غبار عليها..وبرضه اتأكد
3- بالنسبه لزيت الباور افضل نوع وسعره وياخد كام كيلو تقريبا ؟
ولا عمرى غيرته
4- في بعض الاحيان بشعر بالنقل في الغيارات على 2 الى 2.5 ار بي وده لما اكون ماشي هادي بالعربيه
انما لما اقرص بشعر بالنقل على 3 الى 4 ار بي هل ده طبيعي ولا ممكن يكون مشكله في حساس خاص بالفتيس الاوتو مثلا

عندى فى النوبيرا الاوتو كده,,لما تدوس عالدواسة جامد العربية تنقل على ار بى ام اعلى,,ولو جبت اخر الدواسة بالتكة الاخيرة لو كانت عندك هتتفاجأ
5- لما بضغط فرامل او اشد فرامل اليد بيكون في صوت صفاره زي تزييق زي ما يكون الفرامل اللي بيركب فيها التيل عاوز يتزيت او يترش عليه w40 حاجه زي كده بس مش صوت صفارة تيل

مكان التيل مش بيتزيت نهائى والا الفرامل مش هيكون ليها معنى..
اكشف عالتيل لو طلع تمام..يبقى وانت بتغسل العربية اغسل الكاوتشات بالمية..يعنى بالخرطوم وترش عاللى جوه الجنط..معرفش انت جنوط ولا طاسات
6- لما بدور العربيه الصبح بسمع صوت تكتكه خفيف جاي من ناحية سيور العربيه في المتور زي ما يكون ( تك تك تك تك ) خفيف وبسرعه بس لو العربيه سخنه مفيش الصوت ده .

عندى كده..بس الصوت طالع من مكان التاكيهات مش السيور..
وبعد تغيير كل السيور والبلى برضه موجود..فمعرفش التاكيهات فيها ايه
7- لما بشغل التكيف بشعر بالعربيه تقيله في المشي والسحب

لو العربية بتقلب بطة بلدى..يبقى فى حاجة لازم تكشف عليها بس انا معرفهاش ...ولو السحب بيقل بدرجة مش عالية اوى اوى اوى يبقى كده طبيعى
8- بشعر بأن مشوار الفرمله طويل نسبيا وبحس ان العربيه مش هاتوقف بسرعه في مكانها لقدر الله اذا حصل توقف مفاجئ
فهل ينفع اني اقصر شوت او مشوار الفرامل .

الله اعلم..
9- ايهما افضل في الركن اشد فرامل اليد واخلي العربيه على حرف ( n ) ولا حرف ( p ) لاني سمعت قبل كده لو العربيه على حرف p وحد حركها تعمل مشكله في الفتيس

متركنش صف تانى ولا تقفل على حد
ولما تيجى تركن تخلى رجلك على دواسة الفرامل للآخر وتشد الهاند بريك وتجيب ال P
10- هو فعلا لو العربيه عطلت في مكان ومرديتش تدور مينفعش اخليها على حرف ( n ) المور يعني واجرها او احركها من مكانها .

انا فاكر انى قريت فى موضوع ان الاتوماتيك يتقطر عادى عال N بس مش لمسافة كبيرة..والافضل انك متقطرش..وجهة نظر شخصية لحين الاستبيان فى حقيقة الامر
11- العربيه الحمد لله بتستجيب معايا بسرعه لما اضغط اقل دوسه على البنزين بشعر بيها و الار بي بيتحرك ويستجيب الماتور بسرعه .

وايه المشكلة....طبيعى جدا
12- انا شايف في الطابلوه عند العدادات جميع اشارات كماليات العربيه زي abs , airbag وغيره بس في حاجات لما ادور مفتاح الكنتك تنور احمر وفي حاجت مش بتندور زي abs , airbag هل ده لان الكماليات مش موجوده او ده ممكن يكون مشكله في الفيوز مش راكبه مثلا واعرف ازاي الكماليات دي في العربيه ولا لأ .

ولا أعرف بصراحة
بصراحه انا حابب العربيه دي جدا وعلشان كده اشتريتها استعمال وغاليه 70 الف بس انا شكلها عاجبني جدا والحمد لله عربيه واسعه ومريحه .
ودي استفسارات علشان احافظ على العربيه لاني عاوزها تعيش معيا ربنا يدينا ويديكم طول العمر في الخير ان شاء الله

وآسف جدا على الإطاله ،،،

انا بس رديت بصفة مؤقته لحين رد ملاك العربية....
وألف مبروك عالعربية وربنا يديك خيرها ويكفيك شرها وتتسعد وتتهنى بيها..

بسم الله الرحمن الرحيم

بما ان العربيه كانت معايا

نصيحه اخويه زيت متور يبقى شيل الاصفر ال 5000 متغيرووووش باي زيت 1000 ابدا

زيت فتيس الشيل حلو برضو التر ب 28 جنيه تقريبا 4 لتر وغيره كل 20 مره بالفلتر ومره عادي

موضوع الفرامل ده تيل او طنابير اكشف عليهم

التكيف لما بيشتغل السحب بيقل عادي في كل العربيات

موضوع النتشه ده معرفوش بصراحه

يفضل انك تحط العربيه على n وتشد الهاند ولو العربيه على ال ان عادي جدا انها تتجر

بالنسبه للتكتكه الصبح عادي في كل الهيونداي

بالنسبه للحاجات الي مش بتنور هي فعلا عشان مش موجوده

عموما سعر العربيه معقول لو هي فعلا نضيف وهي عربيه متتعوضش ومتتباعش

هو حضرتك اشتريتها امتى وماشيه كام فبريكه ولا رشه؟؟؟؟

اه افتكرت انت عملت كزا موضوع عن العربيه دي ياباشا زي الفل السعر سيبك من اللي يقول غاليه

انزل السوق دلوقتي هتبيعها بال 70 الف برضو فكك العربيه ماسكه سعر

انا بتاعتي بعتها ب 66 الف والتاجر الي اشتراها باعها ب 68 واكتر بس انا عربيتي الفتيس تعبان ومرضتش البسها لحد قولت للتاجر لى المشكله بتاعته وهو كبر دماغه وباعها ف انا مش ذنبي لو مقلش للي اشتراها والفتيس بالميت ب 2 جنيه

وكنت شاريها ب 67 الف والعربيه فبريكه بس متهانه من برا شويه رسمي عايزه وش نضافه وفانوسين جداد

بص انا عمري ماشوفت العربيه دي بتتباع بحاله نضيفه اقل من 70 الف جنيه بالنسبه للاوتو الحساسات والتاتش والسيدي تشانجر

الفتيس بيتكشف عليه كمبيوتر لو فيه ايرور بيبان وبيتعرف عايز حساس مثلا او فتيس تعبان

انا قصدى على ال 10000 ال 5000 احسن منه

كبر مخك من شغل العربيه بترعش وهي وقفه ولا نتشه بين الاول والتاني والكلام ده في الغالب معظمه تهيئات ومش هيفرق معاك في البيع طول ما الموضوع في الطبيعي كبر دماغك

وبعدين انا فتيس عربيتي عملت فيه حركه بوزته مبازشي من فراغ

كنت في منزل جراش حطيت الفتيس على ال ار اول ما شلت رجلي من الفرامل العربيه نزلت لقداااااااام

طبعا الفتيس قالي كلمني شكرا