اتصالات انترنت الدنيا لسه فيها حرقة دم اكتر و اكتر
اتصالات انترنت تعطيك شحنة من التفاؤل كى تشعل نفسك , خدمة العملاء فظيعة خلونى فقدت اعصابى الصبح و اتنرفزت بسبب ناس مش عارفين شغلهم حسسونى انى فى مصلحة حكومية المفروض الف عليهم واحد واحد افهمهم علشان مش عارفين ينسقوا ما بينهم
دى الشكوى اللى بعتها للجهاز القومى لتنظيم الاتصالات و للاسف الساعة كانت عدت 3 و كنت عاوز اسجلها بالتليفون لكن ملحوقة بكرة باذنه
السادة الجهاز القومي لتنظيم الاتصالات
تحية طيبة و بعد
اتقدم لسيادتكم بشكوي ضد اتصالات انترنت الايه دي اس ال المنزلي حيث اني مشترك معهم علي الرقم xxxxx من شهر ١١ سنة ٢٠١٠ و اعاني من عدم الوفاء بالعرض المتفق عليه و سوء و ضعف خدمة العملاء
في اخر اسبوع من شهر ١١ اشتركت في عرض ٥٠ ٪ خصم عند الاشتراك علي اول ٦ شهور و عند الاستفسار عن كيفية الدفع واضح لي احد مسئولي العروض اني هدفع اول شهرين للتاكيد و هما يخصموا الثالث و ادفع انا الرابع و السادس و هما بيخصموا الخامس و السابع و بكده المفروض احصل علي ٣ اشهر مجانية هم ال ثالث و الخامس و السابع من تاريخ الاشتراك
عند اول شهر مجاني الموافق شهر ٢ لسنة ٢٠١١ فوجئت بعدم احتساب الخصم و بيعتلني الفاتورة علي البيت بيطلبوا السداد اتصلت بخدمة العملاء و استفسرت عن عدم تفعيل العرض فاعتذروا و اكدوا تفعيله و بالفعل في الشهر اللي بعده اتخصم المبلغ
جاء الشهر المجاني التاني الموافق شهر ٤ حصل نفس السيناريو و جات الفاتورة مطلوب دفعها و اتصلت بيهم تاني اشرح لهم الوضح و اكدوا بحل المشكلة
جات فاتورة شهر خامسة فيها استهلاك ٥ و ٤ اللي مفروض مجاني و اللي مفروض انه اتشال فدفعت شهر ٥ ووضحت لمندوب التحصيل ان الرصيد السابق عن شهر ٤ كلمتهم فيه و هيتشال ففؤجئت اليوم الموافق ٢٣ / 6 / 2011 يبقطع الخدمة و عند الاستفسار عن سبب القطع لقيته ان المبلغ اللي دفعته عن شهر ٥ دفعواه لشهر ٤ المجاني و بيطلبوني بدفع شهر ٥ مرة تاني و طلبوا مهلة زمنية للرد و جاء الرد صادم و هو ان العرض اللي انا مشترك فيه ملغي من قبل ما انا اشترك !!!!!!!! ازاي معرفش يعني مسئولي التسويق بيسوقوا لعروض منتهية بجانب السادة خدمة العملاء اللى طول فترة الاشتراك بياكدوا سريان العرض
جميع مكالمتي مسجلة معهم برقم التليفون السابق و بصفتي الشخصية المهندس محمد احمد محمود قاسم و لدي كامل الفواتير و ما يثبت ذلك و ارجو من سيادتكم اتخاذ اللازم
و شكرا
الموضوع ببساطة انى ما صدقت ارجع من الشغل النهاردة بدرى على غير العادة اول ما بفتح لقيت رسالة الخدمة متوقفة و اتصل بكذا , كلمت خدمة العملاء استفسر عن السبب تقولى انا مش عارفة السبب طاب مين هيعرف ده انتوا اللى فاصلين و اتمنى انكوا متكنوش فاصلين علشان الشهر المجانى و شرحت لها الدنيا قالتلى انى معليش غير 40 قرش و ان الجهاز بيفصل على كل المتاخرات و ساعتها اتغظت و فهمتها ان الكلام ده مينفعش يتقال من خدمة عملاء 40 قرش ايه اللى هتفصل الدنيا علشانهم و عرفتها انى مستأء و مش كل شوية هفضل اطلبهم علشان مشكلة و طلبت منها زى ما كل شهر بيبعتولى الرسالة الروتنية استحق معاد الدفع يبعتولى سبب و توضيح للفصل و هى وعدت باعادة الخدمة
و طبعا الخدمة مرجعتش و دماغى عمالة تلعب انزل افسخ العقد لتجنب حرقة الدم ووجع الدماغ الشهرى و مش عاوز منهم عروض و بعد شوية لقيت الاستاذة بتتصل بيا على الموبايل و بتقولى انها حاولت ترجع الخدمة لكن هما رافضين طاب و السبب يا استاذة ؟؟ انى مدفعتش شهر 5 طاب ازاى و المندوب لسه جاى من اسبوعين قاللتلى بالفعل المندوب حصل منك يوم 11 / 6 بس حصل شهر 4 !!!!!!!!! ازاى و شهر 4 مجانى قاللتلى طاب سبنى اشوف و اكلمك
كلمتنى بعد شوية و حاولت تتوهنى فى الفواتير لكن للاسف خاب ظنها لانى حفظت الفواتير بتاريخ اصدارها و استحقاقها و معلوماتها الكاملة يعنى علشان عاوز ادخل نت فى بيتى اقعد احفظ الفواتير و اشغل دماغى بيها و اسيب دنيتى , طبعا لما الاستاذة اتزنقت قالتلى الرد القاتل انى اشتركت بعد ما العرض خلص قولتلها يعنى الراجل بتعكوا بيسوق عروض منتهية الصلاحية و لو هو نايم فى الدرة ادواتونى شهر 2 مجانى ليه بتزكوا عن نفسكم و خدمة العملاء اللى شرحت لهم الوضع فى شهر 2 و اكدولى انى بالفعل مشترك فى العرض و اتكرر الكلام ده فى شهر 4 كل دول نايمين فى الدرة و مش عارفين شغلهم و بعدين تقولى لا العرض 50 % خصم على 3 شهور و ليس 6 و ان 6 دى المندوب فهمهانى غلط يعنى ايه فهمهانى غلط و فى الاخر قاللتلى الدفع هو الحل ففهمتها انى هلغى اشتراكى لكنى هقدم شكوى
و بالفعل اتصل بالقومى للاتصالات الاقى الساعة عدت 3 و مش هينفع غير رسالة الكترونية و قد كان بعتها و قولت ابعت على موقع اتصالات فى الجزء المخصص للشكوى ميردش يبعت 3 مرات و كل مرة ميقبلش الشكوى فقلت مبدهاش انا اقدمها صوتية للى مسئول عن خدمة العملاء فطلبتهم و ردت واحدة اول ما قولتلها عاوز اكلم المسئول عن خدمة العملاء قفلت السكة و هنا حسيت ان المشكلة بدات تاخد بعدا اخرا بعيدا عن سوء ادارة لسوء معاملة و سوء ادب
طلبت تانى و الاستاذة اللى ردت فهمتها انهم زى ما بيسجلوا انا حاليا بسجل و السكة لو اتقفلت تانى المشكلة هتاخد بعدا اخرا بناء على تسيجلتهم و تسجيلى و عيب اللى بيحصل و طلبت اكلم المسئول عن خدمة العملاء و عند التحويل القطع اتقطع بس منى انا للاسف بالخطا فعودت الاتصال فرد عليا شاب فطلبت نفس الطلب فعليه قدم شكوى ووعدنى ب 30 دقيقة بالمشرف العام هيكلمنى و قد كان و شرحت له الدنيا كلها و حجم المعاناة و سوء الردود و هو كان راجل محترم بصراحة و هادى قفل معى و وعدنى بالاطلاع على بياناتى و الاتصال مرة اخرى و تم ذلك و وعدنى بارجاع الخدمة حالا و البت فى المشكلة فى اقرب فرصة .
طبعا بعد وجع القلب ده كله فوروا دمى و بقيت جايب النت بدل ما يخدمنى و استمتع بيه يتعبى و يعذبنى غلطتنى الوحيدة انى كنت ساعتها بفاضل بين فودافون و اتصالات لكن للاسف اخترت اتصالات
انا مستنى ردهم و مش عاوز اسيىء الظن لكن لو اصروا على موقفهم هقطع الخدمة فورى + انى اتفقت مع محامى صاحبى على توكيل و انه ياخده كل اجراءته القانونية و المتابعة من تقديم شكواى و محاضر و هتحمل مصاريفه لضيق الوقت و هو ادرى منى لكن فى كل الاحوال مش هسكت علشان ميصحش و عيب اللى بيحصل
إتصالات إنترنت اسوأ شركة شفتها في حياتي
نفس السيناريو حصل معايا مع اختلاف المشكلة
مشكلتي كانت إن كابلات التليفونات الرئيسية إتسرقت يوم 6-4 وكلمتهم وبلغت الأعطال ان مفيش لا حرارة ولا إنترنت طبعاً .
تاني يوم إكتشفت إن الكابلات مسروقة كلمتهم تاني وطلبت إن أوقف الخدمه مؤقتاً لحين تركيب الكابلات الخاصه بالمصرية للإتصالات
الموظف بلغني إن السيستم داون بس هيبعت ميل للقسم المختص علشان يقوموا باللازم ، سألته هل انا محتاج اتصل تاني علشان اتأكد إن الطلب إتفعل قالي لا يا فندم كده خلاص.
إتفاجئت بعدها بإسبوع موظف الدعم الفني اللطيف بيسألني الخدمه أخبارها ايه يا فندم قلتله خدمه إيه قالي الإنترنت شرحتله الموقف وهوا ولا عارف أي حاجه وقالي هحول حضرتك علي خدمه العملاء وبيكلمني وهوا قرفان :)
وطبعاً في أول شهر 5 مطالب بإني أدفع الفاتورة كاملة وطبعاً مدفعتش ولا جنيه .
المهم من يوم 7-4 إلي الأن وأنا بكلمهم وبقدم شكاوي ويقولوا هنكلمك بعد كام ساعه ولا حد بيرجع يتصل وعملت لهم شكوي في جهاز تنظيم الإتصالات يوم 22-5 وإلي الأن مفيش حد رد عليا لأن إتصالات ببساطه بيتوهوا بتوع جهاز تنظيم الإتصالات زي ما بيعملوا مع العملاء بالظبط.
النهارده الصبح بعت شكوي علي الموقع بتاعهم وبعت إميل لإتصالات الإمارات لعل وعسي يعرفوا يحلوا المشكلة دي.
الخلاصه
اسوأ خدمه عملاء قابلتها في حياتي
اسوأ خدمه إنترنت
الإستخفاف بالعملاء واللعب بيهم وبوقتهم
النصيحة:
تجنب الشركة دي تمام حتي اللي متعاقد معاها وإلي الأن لم يصادف أي مشاكل يتعاقد مع شركه تانيه لان مع اول مشكلة هتتحول حياتك لجحيم بسبب خدمه العملاء السابق شرحها.
وفعلاً الدنيا لسه فيها أكتر وأكتر من كده لو فضلت مع إتصالات مصر
