تبلوة لانسر البومة

**masrawy_online** · 24-06-2011 09:32 AM

السلام عليكم
حدث مع والحمد لله اغرب شئ الواحد يتخيلة
التابلوة ولع " اتحرق " والحمد لله على الدائرى ولا واحد رضى يقف ويطفى معى بطفاية ولكن الحمد لله ناس من الطريق طفو معى بالتراب لغاية لما الحمد لله انطفت وشوفت يوم
والحمد لله على كل شئ
بس اللى محزنى انة مفيش حد بيسئل فى حد وخصوصا انة شايفك مولع طبعا للمعاة عربية وماشى
كنت بسئل هل الاقى التابلوة فى الحرفيين ويكون فى حدود كام والضفيرة الامامية اللى وراء التابلوة
ياريت حد يدلنى ويعرفنى لانى وديت العربية لكهربائى وهو حيشوفها النهاردة لانها لم تشتغل وقالى احتمال كبير الضفية الامامية تكون التحرقت بس لازم افك التابلوة الاول واقولك
وشكرا ليكم
العربية لانسر 1300 اتوماتيك
ونصيحة الطفاية من الاشياء المهمة جدا فى العربية ولازم تتشك عليها لانى اللى معايا الطبيعى انها سليمة لاكن للاسف مرديتش تشتغل الحمد لله

**elmkaneeki** · 24-06-2011 09:51 AM

قدر الله وما شاء فعل....الحمد لله على كل شيء
وان شاء الله الناس هنا تدلك على كل حاجة

**Eslam.Elrefaey** · 24-06-2011 09:59 AM

معلش وان شاء الله ربنا يصبرك واحمد ربنا انها جت على قد كده لان فى عربيه على ايدى باظت خالص علشان ماس كهربى قعدت تولع لما كل حاجة باظت فيها والناس واقفه بتتفرج وحاول تشوف سبب الحريقة وخلى بالك لتعمل كده تانى

**masrawy_online** · 24-06-2011 11:46 AM

طبعا الحمد لله على كل شئ
هو الكهربائى قال لازم يشوف الماس سببة اية بس انا حاسس انة من الكاسيت مع انة بايونيير لاكن حاسس انة منة
وهو حيشوف وربنا يسترها ان شاء الله

**shaker_alz** · 24-06-2011 02:17 PM

قدر الله وما شاء فعل

**masrawy_online** · 24-06-2011 04:03 PM

ممكن حد ياجماعة يعرفنى التابلوة فى حدود كام قبل ما انزل لانى مليش خبرة بصراحة

**eldell** · 24-06-2011 07:09 PM

الحمد لله انها جت على قد كده والف حمد لله على سلامتك

**masrawy_online** · 24-06-2011 07:54 PM

الله يسلمك
الكهربائى شاف الضفيرة اللى وراء التبلوة عاوزة تتغير
والضفيرة الامامية لحم بعض السلوك
واتصل بواحد قالوة التابلوة بالضفيرة اللى وراى التبلوة 2500 جنية وياخذ القديم كدة الاسعار كويسة ولا اية مش عارف ياريت حد يعرفنى

**egyptiandiver** · 24-06-2011 09:49 PM

الف حمد لله على سلامتك

**masrawy_online** · 25-06-2011 12:56 AM

السلام عليكم
انا نزلت الحرفيين ولاقيت عربيات متقطعة وبعد الفصال التابلوة 2000 جنية مع انى اللى عاوزة تابلوة من غير ايرباج وفى تابلوهات كتير ب اثنين ايرباج
ياريت يكون فى حد يعرف واحد مضمون ويقلى علية
لانى تعبت ومش عارف وحاسس انى تايه فى الحرفين وارقام بتتقال كثير على حسب الزبون وانت وشطارتك وان مش شاطر بصراحة وفى واحد فى الزقازيق حد يعرفة او اشترا منة
ومن باب المعرفة الجديد بكام
جزاكم الله خيرا