بوما 2005 اوتو 1600 هاف فل ...
الباور عندي غير اي بومه تانية سوقتها ... عربية جوز خالتي و كل اصحابي بومه برضه و كلهم باور خفيف و لذيذ جداااااااا ... الباور عندي زفت بمعنى الكلمة .. هو طول مانا ماشي عادي جدا لكن بيبان أوي أول ما العربية تكون دايره و واقفه مش بتتحرك و بيبان لما بكون ماشي في الزحمة وسط البلد و بيبان كمان في ردة الدريكسيون ... مع العلم إن مستوى زيت الباور عندي ممتاز و مش بيسرب أبداااااااااا ... أرجو الإفادة !!!
الفرامل مش عاجباني للدرجة .. بتزحف كتير و مش بتساعدني زي مانا عايز بالظبط .. هو ممكن أركب نظام abs محترم عندي في أي مركز صيانة كبير و مشهور .. و هل لو ينفع ده هياثر سلبيا على العربية و عمرها و سعرها ؟؟ و كمان التيل عندي بيتغير بسرعه جدا يادوب 18 ألف أو 20 ألف و بيتغير .!!!
سؤال كمان عن البريبريز الأمامي .. عايز أغيره لإن فيه شرخ رخم جدا ... خايف من مصنع العاشر لإني جربت عربية واحد صاحبي بومه برضه و كان مغيره في العاشر بسعر رخيص تقريبا 400 جنيه و كنت راجع من القاهرة قريب و الدنيا كانت بتمطر و ماكنتش شايف أييييييييي حاجة بمعنى الكلمة .. كان إزاز بجد بجد متعب و ماكنتش والله حتى شايف الرصيف مع إن الشتا كان هادي جداااااااااا ... مش متخيل .. أنا أول ما رجعتله العربية حلفت ماشوقها تاني منه .. إزاز عربيتي الأصلي برقبتها .. فليه الإزاز بتاع العاشر تعبان كده ؟؟ و فين أضمن أماكن ألاقي فيها إزاز أصلي محترم حتى لو غالي ؟؟؟
المفضلات