سؤال عن سكاكين Tramontina

**د.محمود صلاح** · 24-06-2011 12:31 PM

السلام عليكم ورحمة الله ..

بخصوص سكاكين Tramontina البرازيلية ذات ال

Stain free High carbon

أين اجدها هنا في مصر ؟

شكرا جزيلا

حيث انها قوية جدا في تطقيع اللحوم بجدارة , واشتريت منها كهدايا لسيدات العائلة من عمان ولكن حدث عجز في العدد لا بد لي من استكماله , كما أنصحكم بإقتنائها سواء الكاربون - ثمنها حوالي 30 ج - او العادية الستانلس المشرشرة ثمنها حوالي 6 جنيهات -

**FunnyMickey** · 24-06-2011 12:55 PM

من يومين كنت في الشقه مع زوجتي المستقبليه وبنفرش عشان خلاص الجواز قرب
وفتحتلي درج المشرحه
اللي فيه السكاكين والحاجات دي قال ايه بتفرجني عليها
لقيتها يادكتور جايبه حاجات كتير اوي وببص بعيني كده لقيت حاجه بتلمع لمعه فظيعه
ببص لقيته ساطور
غالبا من الماركه اللي حضرتك بتقول عليها دي :)
بسألها بكام ده؟
قالتلي ب350 جنيه ولقيت زي ما يكون شبه انياب كده طلعت من الفك العلوي :)
رحت رجعت ورا خطوه تحسبا لاي هجوم
وقلتلها بصوت يغلب عليه الحنان والمياصه
ليه ياحبيبتي تدفعي المبلغ ده في حاجه مش بنستخدمها كتير
قالتلي عشان يقطع اللحمه كويس

أ- اعرب ما تحته خط
ب- في الجمله ضمير غائب اذكر نوع الضمير مع ذكر اسم الشخص المذكور في القطعه
ج- اختر من بين الاقواس
اللحمه المقصود بها (لحمه بوفتيك - لحمه راس - لحمه واحد صاحبنا )

والسلام عليكم ورحمه الله وبركاته
:) :) :)

**heshamzaky** · 24-06-2011 02:24 PM

السكينة دى ممتازة فعلا أنا جايب من الصغير المشرشر دى عمرها ما بتتسن نهائى
ممكن تلاقى منها فى السوبر ماركت الكبير قسم الادوات المنزلية
أغلب الى موجود الحجم الصغير الى بيد لونها أزرق و فية خطين أبيض كدة
و عندة سكينة سوشى بس مكنتش جايبها من مصر يابانى أصلى

**JAM** · 24-06-2011 02:27 PM

أول لما شفت الموضوع رحت سالت الجماعة عندى قالتلي تعالي علي المطبخ.... افتكرت حكاية صبحي وقلت في عقلي ... هوا انا فكرتها ولا ايه... وبنفس نبرة البرأة قولتلها نعم خير... قالتي انا جبت الصغيرة منها المشرشرة ب ٣ ونص من التوحيد والنور اللي في الوراق... جريت بره المطبخ وانا بتشاهد

**د.محمود صلاح** · 24-06-2011 02:56 PM

التوحيد والنور ؟

ايوة المشرشرة العادية بتعيش فوق ال10 سنين بدون ما تتسن او تتلم

أما الكاربون دي فهي بتنزل في اللحمة كإنها نازلة في مية

بس سعرها في حدود 30 الى 50 ج بالكتير , وفي منها ساطور وأطقم