عن تغيير زيت الموتور

**Sherif Khalifa** · 30-04-2008 11:57 PM

ايوة فى منة جراكن طبعا

**MMamdouh** · 01-05-2008 03:48 AM

الدخنة الخفيفة من المقاس دى مش دليل ان موتورك خفيف... لو الموتور بيحرق زيت او فيه مشكلة فى كبس الموتور يبقى فعلا الموتور مش كويس

تغيير الزيت كل 1000 بيساعد على الحفاظ على الموتور فعلا بس السؤال الاهم... تكلفة الموضوع دة كام؟؟؟؟؟؟

راجع ديل الشكمان و اعمل اختبار كبس... لو مفيش مشاكل يبقى اللى قالك الموتور خفيف معندوش فكرة عن البطيخ

استعمل زيوت شل او BP... افضل و ارخص من موبيل

مش عارف اذا كان فيه مشكلة لو غيرت زيت عادى الى زيت تخليقى يبقى فيه مشكلة ولا لا فا خللينى اسال الاول و ارد عليك

MMamdouh

**MMamdouh** · 02-05-2008 04:35 AM

1- بخر زيت على الخرطوم ملوش معنى... بخر زيت من الخرطوم ممكن يبقى علامة على ان العربية عايزة شمبر لو كمية البخار كبيرة و اللى يفصل فى الموضوع دة ميكانيكى

اختبار الكبس دة اختبار احكام غرف الحريق للمحرك و بيتعمل فى المحطات الكبيرة زى كالتكس ناصية عباس العقاد و النحاس

2- استعمل زيت بيعيش مدة اكبر زى 5000 كيلو مثلا

3- حط صباعك فى اخر الشكمان من ورا و الموتور بارد طبعا و شوف الرواسب اللى فيه ناشفة ولا مزيتة... لو ناشفة يبقى الموتور مبيحرقش زيت

اختبار الكبس ممكن تعملة فى المحطة اللى قلتلك عليها

4- مش عارف فى شل انهى نوع لكن فى BP ممكن visco 2000

5- انا سالت فى منتدى تانى و مستنى الرد
http://www.daewootech.com/forum/viewtopic.php?p=95594

MMamdouh

**MMamdouh** · 02-05-2008 04:36 AM

الرد وصل:

المشاركة الأصلية كتبت بواسطة daewoomofo

no problem, its just gonna be better for the car.

http://www.daewootech.com/forum/view...?p=95594#95595

MMamdouh

**MMamdouh** · 03-05-2008 10:17 PM

لو الرواسب ناشفة يبقى موتورك مبيحرقش زيت و دى حاجة كويسة طبعا و موتورك يبقى زى الفل

لو الرواسب مزيتة يبقى فيه حرق زيت ناتج من طقم شمبر وحش او دلايل صبابات وحشة... باختصار حتبقى محتاج شغل فى الموتور جامد

انا اساسا مشوفتش عربية دايو احتاجت شغال نص عمرة او عمرة كاملة و هى عاملة كيلوات قليلة كدة فا غالبا اللى عندك ملوش علاقة بكفائة المكونات الميكانيكية الاساسية للموتور

الميكانيكى كدة بيلبسك لسبب بسيط... صحيح ممكن كلامة مضبوط ان البلية و الشدادا كويسين النهاردة... بس هل هو يضمن الحالة دى لل40 الف كيلو اللى جايين؟ هل عند 80 الف مثلا حيغيرلك البلية و الشداد مجانا ولا حيحاسبك على مصنعية كاتينة مرة تانية؟؟؟ و اكيد ساعتها حيقولك "نغيرالسير بالمرة ما احنا فاكين الدنا كلها"

الاهم لو لا قدر الله البلية او الشداد حصل فيهم مشكلة... العربية حتجيب صبابات و حتحتاج نص عمرة..الميكانيكى حيتحمل مصاريف القصة دى لو البلية او الشداد عملوا اي مشاكل خلال ال40 الف اللى جايين؟؟

روح لميكانيكى كويس و امين

MMamdouh