السيفيك بتاعتك بتجيب ال 100 في كام ؟؟؟؟؟

**No Comment** · 28-06-2011 02:55 PM

طيب علشان الموضوع ميتقلبشى زى موضوع Vtec .
ممكن أقبل انى أقوم بأختبار التسارع لعربية سمسم كين فى المقابلة الجاية .
وانتوا طبعاً عارفين انى هكون أمين فى اختبار التسارع ده للـ SIR واقارنه بتسارع عربية سنهورى اللى أكيد هيدينى اعربيته اختبرها له هو كمان .
وبالمرة ممكن أجرب تسارع الـ Type-R بتاعت واحد صاحبنا عقاباً ليه على عدم اكله البيتزا .
( أيموشن ضحكة صفرا كبيرة اوى على كل الكلام اللى فوق ده )

توقيع : Stig ... ونــوكومـنت .

**SAMEH_FOUAD** · 28-06-2011 06:38 PM

المشاركة الأصلية كتبت بواسطة M_Nabil

ودى شوية لينكات بتوضح الكلام اللى باقوله عشان يبقى الكلام مبنى على معلومة

Honda Civic Si - Wikipedia, the free encyclopedia

سيفيك Si موديل 99-00 محرك B16A2 من 0-100كم/س في 7.2 ثانية

Honda Civic Type R - Wikipedia, the free encyclopedia

سيفيك تايب أر الجيل الأول والثانى ولو لحظتم هتلقى الجيل الثانى 200 حصان 2.0 لتر وبيجمع من 0-100 في 6.2 و 6.4 ثانية وسرعة قصوى للسوق الاوروبي 235 كم/س وبالمنطق صعب ان الـ SiR تكون أسرع منها أو حتى تثبت معها

Honda Civic

ده برضه في شوية معلومات

وأخيراً سيفيك تايب أر 1997

Hondamentalism

لو دوست على Heritage وبعدين 1997 و Specs هتلقى من 0-100كم/س 6.8 ثانية

محمد باشا اية الاخبار يارب تكون بخير

على فكرة خد بالك ان b16a2 دة قوتة 158 حصان فطبيعى يبقى اقل من ال b16a بس وكمان جيل ثانى

على فكرة ياجمااااااااااااااااااااا ااااااااااااااااااااااااا ااااااااااااااااااااااااع ة انا عربيتى بتجيب من صفر الى 40 كم فى 27.5 ثانية ودة احسن تايم ليا قدرت اجيبة

خلاص ياجماعة انتوا بتتكلموا فى حاجات غير مؤثرة اصلا هتفرق اية 6.5 من 7 من 7.2 حد يقولى كدة يارجالة

لاننا مش فى nurburing الهفوة هتفرق وانا راضى ياجماعة بال7.5 اللى بتقولوا عليهم خلاص انا موافق انتوا ادرى من الاستوب وتش ههههههههههههههه

**SAMEH_FOUAD** · 28-06-2011 08:44 PM

المشاركة الأصلية كتبت بواسطة m_nabil

الحمد لله ياسمسم بخير أنت أخبارك اية؟

الفكرة من المناقشة أنت بتقول معلومة وأنا بقول معلومة وسنهورى بيقول معلومة وهكذا و في النهاية بعد المشاورات والبحث بنطلع بأفضل صورة للمعلومة والاقرب للصح عشان كلنا نستفيد بغض النظر مين معلومته الصح ومين كان غلط انما لو هنخدها بحساسية على صدرنا يبقى مافيش داعى نتكلم ونتتاقش أصلاً

أنا عارف ان ده b16a2 بيطلع 160 حصان و b16a بيطلع 170 حصان يعنى الفرق حوالى 10 حصان و 7 نيوتن/متر عزم بس الـ 10bhp حصان الفرق يعنى بتاع 3 whp مش الفرق اللى يخلى فيه فرق زمنى ثانية كاملة أو ثانية اللا ربع ما بينهم

عموماً التجربة العمليه مافيش أفضل منها نجيب الاستوب ووتش في المقابلة الجاية ان شاء الله ونحسبها ولو العربية عندك جابت في 7 ثوانى بالظبط أو أقل ليك عندى عزومة عشاء ولا أنت هتزوغ من التجربة ههههههههه

لا ياباشا اوعى تقول كدة احنا اخوات وانا كلامى كلة هزار والله

بس فية مشكلة واحدة انى خلاص مابقتش اقرص على المكنة من زمان وبقيت بجرى بس على الخامس , مابقيتش بحس باى متعة فى القرص على الغيارات , وكمان انا جايب فيديو ممكن يوضح كلامى ويأكدة لكن تجربة شد وكدة خلاص كان زمان وهو دة الصح

وان شاء الله فى المقابلة اكيد هيبقى الكلام واقعى اكتر

**sanhory** · 29-06-2011 12:42 PM

خلاص يا جماعة حصل خير و سمسم كان قصده انه جاب الرقم ده زمان فكنت حابب اتاكد من الرقم خاصة انه بيقول ان كان في حد جمبه ماسك الاستوب وتش يعني وزن زيادة كمان , بس حصل خير ولا حد بيكدب حد ولا حاجة احنا بس بنقارن بالمعلومات اللي عندنا
بس كان نفسي اشوف الرقم ده في تجربة قدامي عشان انحني احتراما لعربية سمسم و احاول اقتبس منه تظبيطة المكنة لان انا مكنتي B16A4 اللي هي 174 حصان فا لو ظبتت ممكن اكسر ال 6 ثواني مع الهيدر الاسبورت و الفلتر و لو جربت لوحدي كمان من غير مركب حد جمبي
و بكده بقى حبقى زي الهوندا ال nsx اللي هي 3000cc و 270 حصان اللي بتجيب من 0-100 في 6 ثواني و التوب سبيد 270

و في نفس الوقت بقى حعدي ال TYPE R اللي هى 2000cc و 201 حصان و بتجيب من 0-100 في 6.6 ثانية و التوب سبيد 235 كم/ساعة

مالاخر حعلم على معظم العربيات اللي في الجدول ده و بهورس بور اقل منهم و سي سي اقل كمان ؟؟؟

Honda Specs. (Specifications like acceleration, top speed, hp, 1/4 mile etc.)

فين المنطق يا جماعة في الكلام ده اللي عندو رد يفيدني انا حتجنن

**No Comment** · 29-06-2011 02:18 PM

المشاركة الأصلية كتبت بواسطة sanhory

اقولك ايه بس

انت المره دي مش جبت الزتونة لا دا انتا جبت اللمونة

انت دايما بتجيب مالاخر و انا موافق يا باشا

طيب كويس ... أدى أول واحد وافق أهــــــو .
عقبال الباقى ...!
( نفس إيموشن الضحكة السابقة هيا..هيا )

**SAMEH_FOUAD** · 29-06-2011 04:51 PM

المشاركة الأصلية كتبت بواسطة sanhory

خلاص يا جماعة حصل خير و سمسم كان قصده انه جاب الرقم ده زمان فكنت حابب اتاكد من الرقم خاصة انه بيقول ان كان في حد جمبه ماسك الاستوب وتش يعني وزن زيادة كمان , بس حصل خير ولا حد بيكدب حد ولا حاجة احنا بس بنقارن بالمعلومات اللي عندنا
بس كان نفسي اشوف الرقم ده في تجربة قدامي عشان انحني احتراما لعربية سمسم و احاول اقتبس منه تظبيطة المكنة لان انا مكنتي b16a4 اللي هي 174 حصان فا لو ظبتت ممكن اكسر ال 6 ثواني مع الهيدر الاسبورت و الفلتر و لو جربت لوحدي كمان من غير مركب حد جمبي
و بكده بقى حبقى زي الهوندا ال nsx اللي هي 3000cc و 270 حصان اللي بتجيب من 0-100 في 6 ثواني و التوب سبيد 270

و في نفس الوقت بقى حعدي ال type r اللي هى 2000cc و 201 حصان و بتجيب من 0-100 في 6.6 ثانية و التوب سبيد 235 كم/ساعة

مالاخر حعلم على معظم العربيات اللي في الجدول ده و بهورس بور اقل منهم و سي سي اقل كمان ؟؟؟

honda specs. (specifications like acceleration, top speed, hp, 1/4 mile etc.)

فين المنطق يا جماعة في الكلام ده اللي عندو رد يفيدني انا حتجنن

والله انت زى العسل ياسنهورى انا هفضل انكش فيك كدة لحد ماتجيب المواقع الحلوة اللى عندك دية

بس بردة مافيهاش غير المحرك ال 160 حصان

وبعدين انا اخر مرة عملت التجربة دية كانت من سنة او اقل ومعنديش استعداد اعملها تانى الصراحة لانى قرصت على المكنة لحد 8700 لفة والحمد لله قدرت احقق الزمن دة

طيب ممكن سؤال ياسنهورى ياريت تقولى اخر كل نسب نقلات عندك؟ لانى عايز اعرف حاجة بجد

**SAMEH_FOUAD** · 29-06-2011 05:02 PM

المشاركة الأصلية كتبت بواسطة haythamkmal

انا كان ليا سؤال برئ كده ، الموتور بتاعك يا سمسم المفروض انه خارج من المصنع 170 حصان وبيحقق من 0 الى 100 فى 6.5 او 7.2 ثانية، مش هى دى المشكلة ، المشكلة ان ازاى الموتور يفضل يطلع نفس القدرة الحصانية دى لمدة 20 سنة بدون ما يقل، اكيد هيكون فى فاقد والارقام دى تتغير مع الزمن.

انا مش بشكك فى كلامك طبعا يا سمسم والله بس انا كنت عايز افهم النقطة دى .

هيثم باشا يارب تكون بخير واحشنا والله ونفسنا نشوفك ان شاء الله تكون معنا فى المقابلة القادمة

اكيد طبعا ياباشا كل حاجة وهية جديدة غير وهية عدى عليها زمن

بس اعتقد ان مكن الهوندا معمول بالكفاءة اللى نخلية يمشى كل السنوات دية وبردة الباور قوى وبيسد مع اى عربية

وياجماعة احنا هنروح بعيد لية انا دلوقتى هجيب صاحبى اللى كان معايا وماسك الاستوب وتش وحلفوة على اى حاجة انتوا عايزينها + انة كان معايا فى 90% من العربيات اللى اتبهدلت على ايدى

وكان معايا لما جيبت 185 كم فى نفق الازهر وهو اللى قالى انت جيبت 185 كم وماصدقتش غير لما بصيت بنفسى لانة مادوستش سنة فرامل واحدة من اول النفق

عموما ياجماعة ان شاء الله لو المقابلة القادمة هتكون يوم الخميس هخلية يجى ولو مش يوم الخميس هخلية ياخد اجازة من الشغل ويجى وانتوا بقى وشطارتكوا دة كمان ممكن يقول حاجات انا مش فاكرها

عموما ياجماعة انا مش عارف اعمل اية تانى مش هعمل فى نفسى كدة عشان نص ثانية يعنى وعلى فكرة دة كان احسن رقم ليا 6.5 ثانية وقبل كدة كنت بجيبة فى 6.8 او 7 بالكتير اوى

-

-

الموضوع: السيفيك بتاعتك بتجيب ال 100 في كام ؟؟؟؟؟

LinkBack

أدوات الموضوع

عرض

-

-

المواضيع المتشابهه

اعرض صور داتشيا بتاعتك

لملاك السيفيك :عاوز اعمل استفتاء بخصوص ارتفاع السيفيك 2009 عن الارض ايه رايكم فيه؟

الأوبل بتاعتك بتجيب 100 في قد ايه؟؟؟؟؟؟؟؟؟؟

ايه لون السيريون بتاعتك ؟!

الى مالكى السيفيك....حاجز السيفيك و محتاج مساعدتكم جدا جدا جدا جدا

الكلمات الدلالية لهذا الموضوع

المفضلات

المفضلات

ضوابط المشاركة