بالطريقة دي نجيب ساويرس هايولع البلد

**Ruin Scud** · 24-06-2011 04:54 PM

هوه كان بيهزر وبعدين لقى الناس بتزعل وواحد قال ليه على البوست انو يلبس ميكي لبس قساوس وكهنه وهو رد عليه قاله انو عادي مافيش مشكله قام معتزر وده رده

NaguibSawiris10 mins agovia Twitter for BlackBerry®
I apologise for any who don't take this as a joke , I just thought it was a funny picture no disrespect meant! Assef!!

**r0xer** · 24-06-2011 04:58 PM

الإسلامويين (وليسوا الإسلاميين) فاكرين نفسهم قوى مؤثرة وهيألبوا الناس على اي حد واقف في طريقهم...
كلام نجيب ساويرس على تويتر بخصوص الصورة :

I apologise for any who don't take this as a joke , I just thought it was a funny picture no disrespect meant! Assef!!

-------

اعتذار راقي جدا لما حس ان الناس اخدت الصورة بشكل يؤذيهم، اتحدى ان يكون حد قبل كدا اعتذر عن حاجة دايقت الطرف الاخر! الغزوات و اللي مش اخوانية تبقى وحشة والخ...من الحاجات الجميلة واللي محدش اعتذر بعدها!

بالمناسبة، في ناس مسلمين حاطين الصورة دي وعلمانيين وغيرهم...ولكن لانه نجيب ساويرس ملياردير و زمته نضيفة ومسرقش فلازم طبعا يطلع كخّة..ولازم نطلع فيه عيب.

طبعا عشان محدش يستذكي ويقول مانت بتدافع عنه عشان من دينك، لا ياسيدي انا مسلم ولكن الحق يتقال الراجل دا نضيف من ساسه لراسه وطالما علماني الهوى يبقى عمره ما هيكون عنده حتة استفزاز الاخرين. عكس القساوسة والشيوخ اللي ليل بنهار بيستفزوا في بعض!

بالمناسبة، الصورة مفيهاش حاجة، دا شكل ميكي وميني النسخة الإسلامية مفيهاش حاجة يعني..! لو هنتكسف من حجابنا ونقابنا ودقننا يبقى عليه العوض فينا وعرفوا فعلا يكرهونا في أصولنا.

وشكراً.

**yoyome** · 24-06-2011 05:29 PM

المشاركة الأصلية كتبت بواسطة تامر.محمد

ايه شغل العيال ده ؟

الاخوة اللي متضايقين من غضب الناس
يا ريت الاخوة الغضبانين يسخروا منهم شوية و نشوف هايبقى شعورهم ايه

طبعا ده مش تحريض على الاخوة , لكن يا ريت نراعي بعض شوية بدل ما احنا عاملين زي المعسكرات المتناحرة

علي فكرة المعسكرات المتناحرة دية مش حاجة عيب ... طالما المسألة سلمية والحوار لم يصل علي إستخدام ألفاظ نابية مفترض انة يثري الفكر للطرفين ويطور من افكارهم

احنا بس لسة جديد علينا ثقافة الإختلاف .. في الأول حنتعصب شوية ونزعق وحركات وبعد كدة حنتعود .. وبعدين دة منطقي جدا في السياسة

بالعكس اعتقد انه صحي .. يالا نهاركم بيضحك

**megamoudy** · 24-06-2011 05:34 PM

المشاركة الأصلية كتبت بواسطة تامر.محمد

ايه شغل العيال ده ؟

الاخوة اللي متضايقين من غضب الناس
يا ريت الاخوة الغضبانين يسخروا منهم شوية و نشوف هايبقى شعورهم ايه

طبعا ده مش تحريض على الاخوة , لكن يا ريت نراعي بعض شوية بدل ما احنا عاملين زي المعسكرات المتناحرة

+111111111111111111111

**Abo_Lina** · 24-06-2011 05:35 PM

أنا مش موافق طبعا على موضوع زي إسلامي أو طائفة تنسب لنفسها الإسلام أو إتباع السلف لكونهم بيلبسوا جلاليب و بيربوا لحيتهم ..
طيب و باقي المصريين اللي مابيلبوس جلاليب و بيحلقوا دقنهم دول مش على طريق السلف الصالح .. طب على طريق إيه ?

أنا شايف إن مادام الإنسان بيتبع التعاليم الإسلامية و حسن الخلق و يؤدي الفروض إذن هو على طريق السلف الصالح و مسلم جيد .. بصرف النظر عن لبسه و هيئته ..
لكن إننا نقول إن لبس المسلمين هو ده و اللي يقول حاجة عنه يبقى بيشتم المسلمين ده خلط و غلط .. أغلب المسلمين المصريين مش بيلبسوا كده و نحسبهم على خير إن شاء الله ..

طبعا لا أوافق على الصورة بتاعة ساويرس و هي دايقتني إنسانيا و ليس دينيا لأني لا أحب السخرية و حرية إختيار الملبس هي حرية إنسانية و تؤذيني هذه الصورة كما تؤذيني صورة تتريق على البرادعي مثلا لأنه بيلبس نظارة أو لأنه بيتهته أو عندما يصف البعض فلان أنه ماسوني لأنه يرتدي حظاظة مثلا أو عندما يسخر بعض السعوديون أنفسهم (أصحاب هذا الزي) من المصريين لأنهم يأكلون الفول مثلا ... و مع ذلك هذا النوع من السخرية لا يثير أي مشكلة عند البعض و يتحركون فقط عندما يمسهم الأمر

**mazagngi2010** · 24-06-2011 05:52 PM

المشاركة الأصلية كتبت بواسطة everlasting

وعلاء الأسواني

**الطنطاوي** · 24-06-2011 06:19 PM

ايه الحلاوة الطحينية دي

واحد يقول لك الاسلاموين بيحسدوا الراجل ... قال ايه ... اصل بسلامته غني ومعاه فلوس

يا راجل حرام عليك .... يعني انت دخلت في قلوبهم وعرفت الحقيقة اللي ما يعرفهاش حد الا انت

وسؤال منطقي جدًا بيقول : وايه المشكلة اللي في الصورة .... يقدر بسلامته يعمل نفس الصور مع قسيس ولا راهبة

يقدر واحد مسلم يعمل نفس الصورة مع قسيس ولا راهبة ... قسمًا بالله كان زمانه راح في شربة ماية باسم الوحدة الوطنية

المظاهرات قامت في بلاد المسلمين كلها علشان رسام قذر رسم صور مسيئة للمسلمين .... ايه الفرق مش عارف ؟

وقال ايه : اعتذار الراجل كان في قمة التحضر .... دي بقى مش هاعلق عليها علشان ما حدش مني

سبحان الله .... حتى ال آآآآآآآه حرام على الاسلاموين

ياخدوا فوق دماغهم طول النهار و حسيهم عينهم بقولوا : آه

أنا بقى هاقول آآآآآآآآه غصبًا عن الطخين واللي مش عاجبه ياكل حلاة طحينية

**abou_ruqi** · 24-06-2011 06:26 PM

كيدك في نحرك يا ساويرس ان شاء الله
وسيكون انفاق اموالك حسرة
وان شاء الله كلمة الله هي العليا وكلمة الذي كفروا هي السفلى

**ashrafakl** · 24-06-2011 06:29 PM

النقاب زي امهات المؤمنين بغض النظر عن الخلاف من كونه فرض ام لا هذه الصورة تتهكم من زي امهات المؤمنين سواء فصد ام لا يقصد
واعتذاره عير مقبول لانه يقنينا كان يعلم ان تلك الصورة لن يقبلها علي الاقل التيار السلفي

الموضوع: بالطريقة دي نجيب ساويرس هايولع البلد

LinkBack

أدوات الموضوع

عرض

-

-

-

-

-

المواضيع المتشابهه

نجيب ساويرس ...... ما له و... ما عليه

نجيب ساويرس من عجائب الدنيا السبع

نجيب ساويرس

موضوع للمناقشه والتصويت .. ايه رأيكم في نجيب ساويرس

الكلمات الدلالية لهذا الموضوع

المفضلات

المفضلات

ضوابط المشاركة