الموضوع: بالطريقة دي نجيب ساويرس هايولع البلد

المشاركة الأصلية كتبت بواسطة hagan

الاستاذ الفاضل
mrbebo
يجوز الخبر هايف من وجهة نظرك
و لكنه ليس بهايف من وجهة نظر اخرين

م.حاتم السباعي

بالفعل

المشاركة الأصلية كتبت بواسطة Tyler_Durden

ده لبس السعوديين
احنا مالنا

لبس السعوديين؟
هي اللحية دي .. صنع في السعودية ؟
والنقاب دا بردوا لبس سعودي ؟

يعني مفيش حاجة في الإسلام فيها ولا لحية ولا نقاب
هي السعودية فقط

المشاركة الأصلية كتبت بواسطة yoyome

هو المرة دية نجيب ساويرس شخصية الأسبوع ؟

كل اسبوع ماشاء الله الأسلاميين يمسكوا حد حملة تشويه منظمة

مرة البرادعي .. مرة ساويرس .. مرة خالد منتصر .. مرة عمرو حمزاوي

يخرب بيت الملل !

هو حضرتك شايف الموضوع عادي ؟؟؟؟
يعني حضرتك شايف ان الناس هي المتحاملة عليه لكن هو مش غلطان ؟

المشاركة الأصلية كتبت بواسطة Ruin Scud

أشك انو يعمل كده هو مش بالذاجه دي . بس اللي محيرني انو كاتب بعد شويه
It seems people lost their sense of humour..no disrespect meant !
شكلو بيهزر ياما الأكونت بتاعو اتعملو هاك.

لأ حضرتك مش هزار والكلامدا حقيق .. والدليل انه اعتذر وقال انه بيهزر

المشاركة الأصلية كتبت بواسطة yoyome

تنظيم القاعدة في المنتدي شغال الله ينور

الحلو انهم مش كتير ... ميكملوش 10 بس ماشاء الله شغالين زي الفل وكأنهم قاعدين فاضيين للمنتدي

وماليين المنتدي دعاية سلفية وأي حد يقول بم يلاقي التنظيم بينادي بعضة .. هجووووووووووووم

وإنضم ليهم ناس تقولك بمنتهي البراءة إية دة هما المسلمين فين !

وواحد يقولك علي اللبس السعودي لبس الرسول !

لقد خالفت القاعدة رقم 13 بالتطاول والهجوم على الأعضاء وتم حصولك على وقف مع انذار
مشرف ب2
برجاء مراجعة قواعد المنتدى

طبعا انا مش فاهم هذا الكلام نهائيا
وممكن طلب من حضرتك توصف لي لبس الرسول (عليه الصلاةوالسلام) وشكله

وحضرتك ممكن تبرز لنا ما هي علاقة السلفيين بتنظيم القاعدة ؟

المشاركة الأصلية كتبت بواسطة yoyome

هو فين الهجوم علي الدين دة ! بلاش إدعاءات كاذبة

أربعة أعضاء من مجمع البحوث الإسلامية أقروا سابقا بأن النقاب أصلا ليس من الإسلام في شئ

منهم عبد المعطي بيومي أحد أهم علماء الإسلام النهاردة

واللحية رغم أنها سنة نبوية إلا أن ثلاثة مذاهب اقرت بعدم وجوبها

وكل رجال الدين في الأديان الثلاث لهم لحي

أما فيما يختص بما بمسألة الإيقاف فهذا ليس شأني، لكن من العدل أن تطبق قواعد المنتدي علي الجميع دون تفرقة
سواء أكان محل الهجوم إسلاميا أو ليبراليا أو يساريا أو ناصريا

بلاش طريقة لي الحقائق دية والتباكي وإدعاء الإضطهاد ومن ثم إتخاذها ذريعة للهجوم علي الأخرين

سيدي الفاضل

النقاب ليس من الإسلام .. مممم
طب حضرتك ادي كلام الأئمة الأربعة.. والا هقول لحضرتك حاجة انا هجيب لحضرتك كلام مفتي الجمهورية
YouTube - ‫ط§ظ„ظ…ظپطھظٹ ط¹ظ„ظٹ ط¬ظ…ط¹ط© ظ‚ط¨ظ„ ط§ظ„ظ…ظ†طµط¨ : ط§ظ„ظ†ظ‚ط§ط¨ ظپط±ط¶‬‎

طبعا مش هجبلك كلامه بعد المنصب ..

وممكن حضرتك تقرأ اي كتب الفقه

أما اللحية
يا سيدي
ثلاثة من الأئمة يقولوا بفرضيتها عدا الأمام الشافعي
و قرغم ذلك
قال إمام الشافعية في عصره العلامة نجم الدين أحمد بن محمد بن علي، المعروف بابن الرفعة المولود سنة خمس وأربعين وستمائة، في كتابه( الكفاية في شرح التنبيه )عن الإمام الشافعي أنه نص في الأم على تحريم حلق اللحية.

أي ان الأمام الشافعي ايضا قال بحرمة حلقها

وانا ما قراته حتى الآن .. أن بعض من مذهب الشافعية هم من قالوا بكراهة حلقها ..


وايا كان الحكم ..
فالنبي صلى الله عليه وسلم كان ملتحيا وامهات المؤمنين كن منتقبات

- أما موضوع رجال الدين الثلاث لهم لحى
ما المقصود بذلك؟
ان نجيب ساويرس لا يقصد بذلك المسلمين؟
أم ذلك كلام في حكم اللحية؟
لإنه لو الأول : لوذلك عن اللحية فماذا عن النقاب؟
واو كان الثاني: فهذا ليس له ايه علاقة .ز وهذا ليس محور الحديث
ولو حضرتك عايز نتحاور في مثل ذلك الموضوع .. ممكن نتناقش فيه لكن في موضوع مستقل



وانا لدي نصيحة .. ولا تسيئ فهمي .. لإني اقولها بحسن نية
يا ريت تراجع حضرتك الأحكام قبل كتابتها .. او تذكر لنا المصادر على الأقل
لإن معظم الأحكام الدينية التي تكتبها .. تجانب الصواب للأسف






تعقيب اخير لجميع الأعضاء
خاصة من دافعوا عن الأستاذ نجيب

اعجبني بشدة في دفاعكم احسان الظن بالغير ومحاولة ايجاد المبررات
وياريت نشوف احسان الظن هذا مع المشايخ ايضا -ايا كان بقى اتجاهتهم-

المشاركة الأصلية كتبت بواسطة Ghosts

ردآ على كلام الأستاذ m3-dolphen
مين قال أن الناس فى الغرب عايشيين أنكد عيش ؟؟؟؟
اللى بيقولوا الكلام دة بيضحكوا بية علينا عشان يهونوا علينا العيشة ....
أية يعنى عندهم حالات أنتحار وجرائم ....
طب ماحنا عندنا بردوا الحاجات دى ....
بس الأعلام عندنا مابيقولش كل حاجة ....

مش معقول تكون حضرتك شايف أن الناس فى مصر عايشيين أحسن من الغرب ....
دة أبسط أبسط أبسط حقوقنا أحنا مش واخدنها ....
يعنى الهوا اللى بنتنفسة موجود فية أعلى نسبة تلوث فى العالم كلة ....
المية اللى بنشربها فيها بلاوى تودى فداهية ....
مصر أخدت المركز الأول على مستوى العالم ....
فى نسبة الوفيات نتيجة حوادث الطرق ....
التعليم بايظ ....
الأقتصاد منهار ....
الشباب مش لاقي وظايف ....
مفيش زراعة ....
مفيش فلوس ....
مفيش شقق ....
مفيش جواز ....
مفيش .... مفيش .... مفيش ....
وبعد دة كلة حضرتك تقول الناس فى الغرب عايشيين أنكد عيش ....
أمال العيشة اللى أحنا عايشينها دى تبقى أية ؟؟؟؟؟؟

العيشة إلي إحنا عايشنها دي هي كبد الدنيا
ربنا لم يخلقنا لحب الدنيا
هؤلاء سخر الله لهم الدنيا وأخذوا بالأسباب وفازوا بها ولكن يبقى الأهم وهي الأخرة !! من الفائز بها
هذه ليست دعوة للإستسلام للأمر الواقع من الفساد والخراب إلي إحنا فيه ولكن دعوة لتطبيق الإسلام......ألم ترى الكثير ممن ذهبوا إلى الغرب قالوا وجدنا إسلام بلا مسلمين......إحنا عايزين إسلام بمسلمين.......بس الواضح إن إحنا مش عايزين إسلام

المشاركة الأصلية كتبت بواسطة samoevil911

تعقيب اخير لجميع الأعضاء
خاصة من دافعوا عن الأستاذ نجيب

اعجبني بشدة في دفاعكم احسان الظن بالغير ومحاولة ايجاد المبررات
وياريت نشوف احسان الظن هذا مع المشايخ ايضا -ايا كان بقى اتجاهتهم-

يا أستاذ سامو حضرتك جيت على الجرح
هو مش الشيخ محمد حسين يعقوب قال إنه كان بيهذر في موضوع غزوة الصناديق إلي كل ساعة والتانية فالقنا بيها !!!.....ومع ذلك ألسنة مسنة في الهجوم عليه وعلى السلفيين
ولما واحد أحمق يستهزء بلباس فئة معروفة بالمجتمع وتكون هذه الفئة هم السلفيين تجدهم يدافعون عن هذا الفعل بأنه كان مزاحاً ولا داعي لتهويل الموضوع !!!

مع أنى أتحفظ على الاسلوب لكن الراجل جاب خلاصة سبارس

YouTube - ‫ط¬16 ط§ظ„ظ‚ط±ظ…ظˆط·ظٹ ط´ظ„ط. ط§ظ„ط¬ظ„ط§ط¨ظٹط© ظ„ظ„ط¹ظ„ظ…ط§ظ†ظٹط© - ظ†ط¬ظٹط¨ ط³ط§ظˆظٹط±ط³ 1ظ…ظ†14‬‎

مع كامل احترامي لكل وجهات النظر, و اسمحولي اخرج بره الموضوع الاساسي بعد اذنكم
و ارد على الأعضاء الكرام m3_dolphen و الباشمهندس otefa من وجهة نظري...

نعم ربنا علينا لا حصر لها طبعاً, بس اللي احنا فيه في البلد دي مش فرض علينا اننا نعيشه,
و بمعنى آخر... ممكن اي شخص يسيب البلد و يعيش في بلد تانيه, و بردو ربنا يكرمه عادي

مش معنى ان الغرب عندهم مشاكل لانهم غير مسلميين, يبقى العيشه في بلادهم نكد او غير مناسبه

هما ليهم دينهم, و احنا لينا ديننا... لو خدنا مثال ان شخص مسلم عايش في الخليج, او كندا, او استراليا...

هو الشخص ده مش هيكون عايش بشكل محترم جدااا و افضل من العيشه في مصر ألف مره ؟؟
و ده على اعتبار انه قدر يلاقي فرصة عمل مناسبه, و ان ربنا وفقه و كرمه...

هتقوللي دي مش بلده... هقولك على مستوى الخليج صح مش بلده و ممكن يحصل اي حاجه و يستغنوا عنه,
طيب ما هنا في مصر ممكن يحصل اي حاجه و بردو يستغنوا عنه, و ده حصل بالفعل كتييييير

لو في استراليا او في كندا, يبقى ممكن يقدم على هجره و يبقى مواطن كندي او استرالي رسمي
و يحمل جنسية البلد, و بالتالي بيتعامل معاملة المواطن الكندي او الاسترالي او غيره...

لو عايش في كندا او استراليا, و قدر يلاقي شغل مناسب و ظبط اموره مش هيبقى مرتاح ؟؟؟؟؟؟؟؟

و مع كل ده... مازال مسلم و ملتزم و بيصلي و يصوم و يزكي و يتصدق و كل حاجه... ايه المشكله ؟؟؟

في المقابل... هيلاقي تعليم محترم, و مستوى معيشه محترم, و حياة راقيه, و نظام محترم, و بياخد حقه,
و الأهم من كل ده... بيتعامل على انه انسان (بني آدم) ليه حقوق و عليه واجبات و من حقه يعيش
حياة كريمه بشكل محترم و آدمي و انساني و يتعامل بنفس الشكل بردو... ده مش هيفرق بردو ؟؟؟؟

هل تقبل تعلم اولادك بالمستوى الحالي للتعليم في مصر ؟؟؟؟ ( انا شخصياً لا اقبل )

احنا في مصر بنصبر نفسنا بكلام كتييييييييييير, بس ده مجرد كلام ليس له ادنى علاقه بالواقع للأسف

انا في يوم من الايام كنت عايش في الخليج, و مولود هناك اصلاً, و سافرت اكتر من بلد في الخليج
و ناس كتييير عارفه حق المعرفه مستوى المعيشه هناك عامل ازاي, و الحياة هناك شكلها ايه ؟؟؟

يا سيدي الفاضل احنا في مصر عايشيين بأقل من أقل مستوى في دول كتيييييير حوالينا المفروض
ان احنا (بالأسم بس) احسن منهم, و بنطنطن بكلام رنان زي مصر ام الدنيا, و مصر الحضارة,
و مصر هي قلب الوطن العربي.......... كل ده كلام جميل, لكن احنا فين فعلياً منه ؟؟؟؟؟؟؟

احنا فعلاً عندنا حضارة هي الأعرق و الأقدم في العالم كله... و لكننا بلا حــاضر للأسف

مش هقول و بلا مستقبل, لان ده في علم الغيب و لا يعلمه إلا الله سبحانه و تعالى, لكن يا رب يكون في مستقبل

بلاد كتيييييييييير حوالينا بلا حضارة, لكنهم يملكون حاضر مشرف و حافل بالانجازات, و مستقبل
مشرق جدااااااااا لا تغيب شمسه ابدااااا لما ينتظرهم من ازدهار و تقدم و نمو على كل المستويات...

الحمد لله على كل شئ و على كل نعمة انعم بيها علينا طبعاً, لكن لازم نحمد ربنا مليون مره
على نعمة العقل اللي ربنا انعم بيه علينا علشان نفكر و نتدبر امورنا و نختار مصيرنا و مستقبلنا,
لان الانسان مخير و ليس مسير, و بالتابعيه لك الحق في ان تختار مستقبل افضل و حياة افضل
و كل ده بنعمة العقل و التفكير بشكل سليم لنفهم واقع الامور و نقرر ماذا سنفعل بصدد هذا الواقع...

انا مش بقول نسيب البلد, لكن لو الحياة في بلدك اتسدت في وشك تماماً, فلا مفر من انك تسيبها
و ارض الله واسعه و رزق ربنا كبييييير و في كل مكان, و ماحدش عارف الخير فين...

اسف جداا على الاطالة, و ارجو ان اكون قد شرحت وجهة نظري بشكل واضح و بسيط...

تقبلــوا تحيــاتي...

YouTube - ‫ط¬17 ط§ظ„ظ‚ط±ظ…ظˆط·ظٹ ط´ظ„ط. ط§ظ„ط¬ظ„ط§ط¨ظٹط© ظ„ظ„ط¹ظ„ظ…ط§ظ†ظٹط© - ظ†ط¬ظٹط¨ ط³ط§ظˆظٹط±ط³ 2ظ…ظ†14‬‎

دول 14 جزء العايزهم يدخل على يو تيوب