رقم العضوية : 18118
تاريخ التسجيل : 06Sep2008
المشاركات : 1,323
النوع : انثى
الاقامة : alex
السيارة: لوجان رومانى 2009
السيارة[2]: لادا سمارة
دراجة بخارية: لا
الحالة :
رقم العضوية : 69189
تاريخ التسجيل : 29Apr2010
المشاركات : 209
النوع : ذكر
الاقامة : مصر
السيارة: لانسر
السيارة[2]: لوجان
الحالة :
من غير معلش ، أنا بأشكر حضرتك على سؤالك المهذب المحترم وعلى تشجيعك الراقى ، شوف يا سيدى :
- ليه بروح التوكيل ؟ لأنى متمسك إنى أعمل الصيانات الدوريه فى التوكيل لخمس أسباب :
1 - التوكيل بيعمل فحص كامل بيخليك تطمن أول بأول على حالة العربيه ، ودا من مصلحة التوكيل علشان يحافظ على سمعته وعلى عملائه + علشان يدور على العيوب اللى ممكن يصلحها والأجزاء اللى محتاجه تتغير علشان يعمل شغل ويحقق أرباح .
2 - عملية تغيير الزيوت والفلاتر والمستهلكات الدوريه للعربيه تكلفتها فى التوكيل قريبه من تكلفتها بره ، يبقى الأحسن إنى أغير بحاجات أصليه وأطمن على عربيتى حتى لو هأتحمل فرق بسيط .
3 - التوكيل دايما بيعمل مراجعه على العفشه و يربط الحاجات اللى محتاجه تتربط كل شويه نتيجة المطبات الكتيره ومشاكل الطرق عندنا ، ودا مش سهل إنك تعمله بره بدون تكلفه زى التوكيل ، ومش هيكون بنفس الجوده .
4 - لما بتغير أو تصلح أى حاجه فى التوكيل بتاخد فترة ضمان على التصليح أو القطعه اللى غيرتها ، ودا مش موجود بره .
5 - علشان أرشد النفقات أنا قسمت متطلبات العربيه لمتطلبات أساسيه ودى لازم أشتريها أصليه لأنها بتطول عمر العربيه وتحافظ على سعرها وبتحقق الأمان لأرواح ركاب العربيه ( زى الأجزاء الميكانيكيه وأساسيات الكهربا زى الدينامو ) ، ومتطلبات فرعيه زى المرايات مثلا والفوانيس ( الأكسسوارات + أجزاء الهيكل الصاج زى الرفارف + فرش ومستلزمات صالون العربيه .... وخلافه ) وزى علب الشكمان ، ودى حاجات ممكن أشتريها تجارى من التوفيقيه وغيرها أو مستعمله من عربيات متقطعه .
أما سؤال حضرتك عن التكلفه فهى ثابته بالنسبه لمستهلكات العربيه سواء كانت عربيتك فى الضمان أو خارج الضمان والعميل بيدفعها فى الحالتين ، و كمان بالنسبه لقطع الغيار بس تفرق لو عربيتك فى الضمان التوكيل بيتحمل بتكلفة قطع الغيار لو العطل ظهر نتيجة عيب صناعه ، لكن لو نتيجة سوء استخدام بيتحملها العميل ، يعنى المسأله محسومه .
رقم العضوية : 18118
تاريخ التسجيل : 06Sep2008
المشاركات : 1,323
النوع : انثى
الاقامة : alex
السيارة: لوجان رومانى 2009
السيارة[2]: لادا سمارة
دراجة بخارية: لا
الحالة :
حضرتك وضحتلى نقط كتير ومهمة
بس الفكرة فى الفرق بين بره والتوكيل مثلا فى صيانة ال 20000 من كلام بعض الاعضاء وفى حالة شراء قطع الغيار الاصلية من التوكيل برضه حيتم توفير 200 - 300 جنيه
ايه رأيك فى الحالة دى طيب قطع غيار اصلية حتى الفلاتر بس تركيبها بره حيوفر ضريبة ومصنعية اللى هى حوالى 200 او 300 جنيه ... هل ده ممكن يكون حل معقول لان ده اللى فى دماغى حاليا للمستقبل
واعتقد ان قطع الغيار كده حيبقى ليها ضمانها برضه لمجرد الشراء من فرع التوكيل ... صح ؟
اما بالنسبة للحاجات اللى ممكن تحتاج كشف احتياطى فعندك حق وانا كان نفسى الاعضاء اللى عندهم خبرة يفيدونا فى ايه الحاجات اللى محتاجة تتبص عليها كل عدد كيلوات معينة زى مثلا التيل وهكذا بحيث حتى الواحد لو بيعمل الشغل بره يبقى فاهم احتياطى يبص على ايه وهكذا بغض النظر عن معرفة او عدم معرفة الميكانيكى اللى شغال معاه
اخر حاجة هل التوكيل بعد الضمان ما يخلص هل لو عند حضرتك اى ملحوظة او مشكلة خارج جدول الصيانة المحدد واللى تكلفته معروفة ... هل بيتم اضافة تكلفة للحاجة دى ؟؟ .... زى مثلا تربيط عفشة ظبط التكييف صوت فى اى حاجة .... اين كان يعنى كل الحاجات دى اللى الواحد بيطلبها فى الصيانات داخل الضمان وفى الاخر بيدفع تمن الصيانة بس .. ايه نظامها
انا اكيد فى انتظار رد حضرتك عليا يمكن يكون تفكيرى مش مظبوط فى النقطة دى
متهيقلى الكلام ده يوضح اد ايه ضرورى ان كل واحد فينا يبقى عنده ناس معينة ميكانيكى كهربائى بتاع تكييف شكمان وهكذا وقت اللزوم والحاجة ونبقى متفقين عليهم انهم كويسين لوقت الضرورة
شكراا
ربنا ارضى عنا وارحمنا .. امين
رقم العضوية : 69189
تاريخ التسجيل : 29Apr2010
المشاركات : 209
النوع : ذكر
الاقامة : مصر
السيارة: لانسر
السيارة[2]: لوجان
الحالة :
شــــوف حضــــرتك :
1 - أنا بأعمل صيانه كل 5000 كيلو ، يعنى بمعدل كل 3 أو 4 شهور أو أكتر ، أنا لو سلمت إن فرق ال 200 أو 300 جنيه دا مظبوط ، فدا معناه إنى هأتحمل فى الشهر تكلفه زياده حوالى 75 : 100 جنيه ، من وجهة نظرى أنا إن الأمان يستحق التكلفه الشهريه الزياده ، مقابل إنى أكون مطمن + محدش يفتى ويخترع ويجرب فى عربيتى + سعر إعادة البيع لعربيتى هيكون مجزى طالما صيانتها الدوريه منتظمه مع التوكيل + الميزات الاضافيه زى تربيط العفشه ومراجعات المساعدين والسيور واختبار الكهربا وفحص الفرامل وخلافه + دقة المواعيد + الاحترام + النضافه .
2 - لو حضرتك إشتريت قطع غيار أصليه من التوكيل ، الضمان بيكون سارى فقط فى حالة تركيب القطعه بمعرفة التوكيل ، ودا طبعا كلام منطقى ومعقول ، هما التوكيل ازاى يضمنوا الميكانيكى ، ممكن يركب القطعه غلط بطريقه تأثر على عمرها وأدائها وتأثر على أداء العربيه كلها ، وممكن يركب حاجه ويلطش حاجه تانيه ودى حصلت معايا كتير ، آخر مره كنت مع واحد صاحبى بيركب كارتيرة رفرف يمين ، وبعد ما استلم لاقينا الفوانيس اليمين مش شغالين ، وبعد مراجعة الكهربائى كانت النتيجه : تغيير لمبة فانوس الشبوره إللى كسرها الصنايعى ب 35 جنيه + 25 جنيه أتعاب كهربائى فك الفانوسين وغير اللمبه المحروقه وعاد تركيبهم وتوصيل الفيش المفصوله وظبط نور الفانوس اليمين تانى ( مسافة وارتفاع النور على الطريق - يعنى ميزان الاضاءه ) + خسارة اللمبه الأصليه لفانوس الشبوره + الوقت والانتظار .
3 - الحاجات البسيطه التوكيل مش بيحاسب عليها خصوصا لو عربيتك بره الضمان يعنى بتدفع تمن كل حاجه بتعملها ، وبالتالى بتنفع التوكيل ، أنا شخصيا آخر مره كان الايريال واقع ، فى التوكيل فكو تنجيد السقف عشان يربطوه وعادوا تركيب التنجيد بعد ما ركبوا الايريال وقبل ما يسلمونى جربوا لمبات الاضاءه اللى راكبه فى سقف العربيه للتأكيد إن كل حاجه صح من غير أى مصنعيات + كان فيه جزء من التابلوه مش بينور عملوا فحص وغيروا لمبه وخدوا بس 9 جنيه تمن اللمبه الجديده من غير أى مصنعيات ، احسبها لو عملت الحاجات دى بره التوكيل ؟؟
4 - لكن لما تكون حاجه مبالغ فيها ( زى موضوع فلانشة الشكمان ) أو حاجه غير أساسيه أو ليها بديل كفائته عاليه زى موضوع تغيير الزجاج الأمامىى ، يبقى مش ضرورى توكيل .
دا مجرد رأىى ، واالله أعلم .
رقم العضوية : 18118
تاريخ التسجيل : 06Sep2008
المشاركات : 1,323
النوع : انثى
الاقامة : alex
السيارة: لوجان رومانى 2009
السيارة[2]: لادا سمارة
دراجة بخارية: لا
الحالة :
رقم العضوية : 83312
تاريخ التسجيل : 11Dec2010
المشاركات : 87
النوع : ذكر
الاقامة : cairo
السيارة: fiat128
السيارة[2]: fiat128
دراجة بخارية: لا
الحالة :
رايك محترم جدا و عجبني جدا و بارك الله فيكي و يجزيك خير بس ده بتوقف علي امانه التوكيل او مركز الخدمة اللي انت بتتعامل معاه ممكن تفيدنا احسن افروع التوكيل في القاهرة او مراكز خدمة محترمة اللي تغير الحاجة و تكون محتاجة تتغير مش يغيرها علشان يكسب
المفضلات