albasem ارسل تقريرا عن مشاركة.

السبب:

الساده / ادارة المنتدى ... السلام عليكم ورحمة الله وبركاته ،

أرجو التفضل بإدراج ملف الفيديو ( http://www.youtube.com/watch?v=zR4fs...layer_embedded )

وذلك تحت العنوان الرئيسى : المشكله رقم ( 6 ) طرق و بدائل السمكره الغير تقليديه - النقطه رقم 2 - السمكره بالهواء الساخن ، وذلك لوجوب وضرورة التصحيح لإفادة كل أعضاء المنتدى

وتقضلوا بقبول فائق الاحترام
المشاركة: أفكار ذكية تخلى صيانة اللوجان إقتصادية - المشكله رقم ( 5 ) + رقم ( 6 )
المنتدة: قسم خاص بالسيارة لـــوجـــــان
المراقبين: Dr Ahmed, أبو عبدالله, MMamdouh, Sharky, Ahmed Hassan, Ahmed A.Maksoud, damasry, أحمد كمال, S A M A, مراقب المنتدى, لجنة فض المنازعات 2, لجنة فض المنازعات 3

أضيفت بواسطة: albasem
المحتوى الأصلي:
السلام عليكم ، هنكمل موضوعنا عن أفكار الصيانه الذكيه ، وهنبدأ بموضوع للزميل العضو المحترم / Xlance2010
لحل مشكلة نور الصالون ( المشكله رقم 5 ) ، الموضوع من إقتراح وعرض الزميل بالكامل ، أنا ماليش أى يد فيه غير إنى نقلته بالنص لإفادة الجميع ، ودا الموضوع :

المشكله رقم (5) : إصلاح نور الصالون للوجان

(( أرجو اضافة المشكلة رقم (5) حول نور الصالون فى اللوجان حيث انى لاحظت انها مشكلة عامة فى جميع السيارات وتكرر الامر هنا فى المنتدى وكذلك على صفحة اللوجان على فيس بوك وهى استمرار نور الصالون مضاءا وكذلك مؤشر الابواب مفتوحة فى التابلوه وهذه المشكلة ترجع الى ان سوستة زر فتح وغلق الابواب - زر الثلاجة - بتكون شديدة ولا تفصل بسهولة وايضا بعد الصاج عن مدى فصل الزر .

وحل المشكلة يتمثل فى احد الحلول التالية .
1- وضع شريط لاصق (دبل فيس ) امام الزر اسفل الابواب ويمكن شراء الدبل فيس من محلات بيع الادوات الكهربائية الكبيرة او قطع غيار السيارات او المحلات الكبرى مثل كارفور او فتح الله ماركت .
2- فى حالة تعذر الحصول على الدبل فيس يمكن شراء بدج لحام كاوتش من اى محل اصلاح كاوتش ووضعهم بنفس الطريقة .
3- فى حالة تعذر الحصول على كل ماسبق يمكن استخدام قطعة اسفنج من المستخدمة فى السيارات الجديدة لحماية اطراف الابواب ووضعها فى نفس المكان بنفس الطريقة .

فى حالة عدم وضوح الحل ارجو ابلاغى لتصوير طريقة حل المشكلة ورفعهم على الموقع فى اقرب فرصة ممكنة واعتذر للاطالة ))

.................................................. .................................................. ........................................*

المشكله رقم (6) : طرق وبدائل السمكره الغير تقليديه

موضوعى النهارده عن إستعدال صاج العربيه من غير سمكره ولاحرق ، الموضوع فكرة الزميل / elbegawy ، هو إللى إقترح نعمل موضوع عن السمكره بالشفط ودى كانت فكره جديده شجعتنى أدور على طرق وبدائل السمكره الغير تقليديه ، وهأعرض على حضراتكم أكتر من طريقه والحالات إللى تناسب كل طريقه :

1 - السمكره بالثلج الجاف : الثلج الجاف هو ( هو عبارة عن ثاني أكسيد الكربون في الحالة الصلبة بدرجة 78م. يتسامى الثلج الجاف، أي يتحول مباشرة من الحالة الصلبة إلى الحالة الغازية عند الضغط الجوي العادي. هذا التحول المباشر من صلب إلى غاز يجعل من الثلج الجاف من وسائل التبريد الفعالة، خاصة أنه أبرد من الجليد ولا يترك آثاراً رطبة وراءه. ) " منقول عن موسوعة وكيبيديا" ، وفكرة الطريقه دى هى تحفيز المعدن ( الصاج ) على الانكماش نتيجه للبروده - مما يزيد قوة الجذب بين جزيئات المعدن ، ويدفع الصاج المنحنى للإرتداد للوضع المستقيم بشكل تلقائى من غير طرق ولا سحب ولا دفع .
زى ما حضراتكم هتشوفوا الفيديو المرفق الطريق دى تستخدم لإستعدال الصاج المنحنى للداخل سواء كان الانحناء بسيط أو متوسط أو كبير ، ولكن فى المناطق المستقيمه وبعيد عن الزوايا الحاده من هيكل السياره .

....* الفيديو : YouTube - ‫طھطµظ„ظٹط. ط§ظ„ط³ظٹط§ط±ط© ط¨ط§ظ„ط«ظ„ط¬‬‎

اماكن بيع الثلج في جميع المحافظات ( نقلا عن موقع الصيد فى مصر )

القاهرة والجيزة
مصر للتبريد و التخزين و صناعه الثلج المريوطيه - كفر الجبل الهرم نهايه اتوبيس 333 ت : 33856260 - 33856601 - 33856592 - 33880016 - 33856893
القاهره للثلج و التبريد رمسيس - رمسيس 22 ش الجلاء ت : 25754416 - 25756214
المصرية العامه للثلج المهندسين - 8 ش رمسيس مدينه الاوقاف ت : 33467606
محل بيع ثلج سيد عبد الغنى عبد العال الدقى - 5 ش وزاره الزراعه ت : 33353112
المصرية لصناعه الثلج العباسيه - 745 ش السيد امام شركه فلكور غمره ت : 24826013
المصرية للثلج و التبريد رمسيس - المبنى المجاور للرقم 22 ش الجلاء ت :25759671
ثلج غمره الفواله - 22 مكرر عطفه البحيرى ش ابراهيم عابدين ت : 23917268
مصنع الثلج شركه الاسكندريه للتبريد رمسيس - 22ش الجلاء ت :25797765
مصنع الصياد لصناعه الثلج - العبور - المنطقه الصناعيه ا قطعه 19 بلوك 13040 - ت : 46650458
مصنع الاشراف للثلج مدينه السلام - كفر ابو صير متفرع من ش مؤسسه الزكاة ت : 26267440
مصنع ثلج سيد على أحمد أبو سعدة شبرا الخيمه - ش الترعه بجوار مسجد ابو سعدة ت : 42200425
مصنع ثلج مسطرد محمد عاشور الجمال شبرا الخيمه - مصنع ثلج مسطرد شبرا الخيمه ت : 42205080
الدوليه للثلج الجاف الخانكه - القلج مصنع الثلج ت : 44632696
واحب اضيف برضه فيه كام تلاجه خلف مستشفي السرطان عند ابورامي بتاع
في واحد اسمه منعم اول شارع يمين بعد مؤمن ميدان تريانف في اتجاه سانت فتيما 0104313019
في واحد على نصية ش هارون مصر الجديده محل عصير بس عنده مخزن ثلج
في و احد اخر ش الطيران اسمه محمد 0161898532
فى و احد خلف الحديقة الدوليه عباس العقاد عند السوق
فى و احد خلف التوحيد والنور المنيل بجوار محل اشرف
يوجد مصنع جنب محطه مترو انفاق المطريه فى حته اسمها الخارجه
شارع الأهرام ميدان الجيزة خلف صلاح الدين للادوات المنزليه و الاكسسوار مدخل سوق الجيزة
شارع الاهرام قبل ميدان الجيزة بجوار مكتب تفتيش مديرية التموين
شارع المنيل بعد بنزينة بعد ميدان الباشا ناصية محل جزارة (حارة) اتجاه القصر العينى
المنيل الروضه بجوار التوحيد و النور و محل اشرف لادوات الصيد
فى مصنع وبه منفذ بيع تلج فى الكيت كات خلف شركة المياة وفى منفذين بيع هنا فى المهندسين بجوار نادى الترسانة والتانى فى شارع وادى النيل
فى مصنع رئيسى للثلج فى الاميريه البلدخلف مصنع سيما للحلويات يطل على ترعه
الاسماعيليه تحت الكوبرى القديم يعنى تروح ميدان السواح وتسأل على مصنع الثلج
وهو قريب جدا من ميدان السواح وشغال 24ساعه

الاسكندرية
فى محل بع ثلج فى شارع خالد بن الوليد عند سينما المنتزه
فى مرسى مطروح عند مدخل البلد من الطريق الصحراوى جنب محطه السكه الحديد
في مصنع للتلج في الحضرة علي ترعه المحموديه بجوار مصنع كا بو
مصنع تلج 24 ساعة في المكس فوق كوبري المكس عند بياعين السمك

بورسعيد
الحميدى و بنى سويف برضة تلاجة بيع
مساكن التصنيع مصنع التلج فاتح 24 ساعة
فى منفذين بيع جنب بعض فى الحميدى وفى مصنع جنب سوق السمك الجديد
فى القنطرة وانت رايح السلام او البردويل فى مصنع تلج 24 ساعة وبيعملك التلج وانت واقف ده على الطريق ادام محطة البنزين اللى بعد القنطرة ب 2 كيلو

العين السخنى
فى مصنع تلج بعد وادى الدوم بحوالى كيلو

طنطا
مصنع ثلج يقع أسفل كوبري سيجر
ومنفذ بيع بجوار فندق جرين هاوس
ومنفذ آخر أول طريق المحلة الكبرى

السويس
في مصنع في حلقه السمك القديمه في الاربعين
و في مصنع قبل محطه الكهرباء بحوالي 2 كيلو بمنطقه عتاقه

الاسماعلية
فيه محل بيع ثلج اخر شارع الثلاثيني عند تقاطعة مع شارع محمد علي النصيه المقابله للمدرسة الاعدادية امام محلات تجارة البزور
و شغال 24 ساعة

البردويل
موجود مصنع تلج 24 ساعة جنب حلقة السمك .... امام مكان ركوب الصال

مدينة الطور
في مصنع امام المحكمه

بحيرة ناصر
مصنع تلج امام ميناء الصيد بمدينه أبو سمبل

سفاجا
في بياع امام ميناء الصيد بجوار محل اسماك سمكمك

القصير
في بياع امام بنزينه التعاون في وسط المدينه

.................................................. .................................................. ........................................*

2 - السمكره بالهواء الساخن : وتتم باستخدام مجفف الهواء ( السيشوار ) وتصلح فقط لسمكرة الأكصدامات والأجزاء الفبر من السياره ، وفكرتها تتلخص فى تسليط الهواء الساخن باستخدام مجفف شعر قوى لمدة كافية على مكان الانحناء حتى يلين الفبر من الحراره ويمكن ببساطه دفعه من الخلف أو سحبه من الأمام لو أمكن ليرتد بمنتهى البساطه إلى وضعه الأصلى .

....* الفيديو : YouTube - ‫طھط¹ط¯ظٹظ„ طµط¯ظ…ط§طھ ط.ط¯ظٹط¯ ط§ظ„ط³ظٹط§ط±ط©.flv‬‎

.................................................. .................................................. ........................................

3 - إستعدال الصاج يدويا ً : وفكرة الطريقه دى هى محاولة رد الصاج بدفعه عكس إتجاه الإنحناء للخارج لإعادته إلى وضعه ، وتستخدم الطريقه دى فى حالة وجود إمكانيه للوصول إلى الصاج من الداخل ، بمعنى لو الانحناء فى الشنطه يمكن فك الفرش الداخلى للشنطه ودفع الصاج المعووج من الداخل للخارج ، ولو فى الباب نفك فرش الباب من جوه وندفع الانحناء لبره ، ولو الرفرف نفك الكارتيره وندفع ، ولو غطا الكبوت أو غطا الشنطه يبقى أسهل لأن اللوجان مافيهاش فرش داخلى لغطا الشنطه ولا الكبوت ، لكن غطا الكبوت ممكن تحتاج مطرقه لأنه تقيل ومش سهل استعداله باليد .

.................................................. .................................................. ........................................*

4 - شفط الصاج على البارد : باستخدام معدات مخصصه للشفط بحيث يتم توسيط ماده لاصقه فى مركز الانحناء وبعدين تلصق وسادة شفط ويتم سحبها للخارج بواسطة ليى ( سوسته ) أو رافعه قويه لجذب تجويف الانحناء إلى الخارج ورده للوضع الأصلى وبعدين إزالة الماده اللاصقه بالكيروسين أو التنر ، ودى فى منها نوعين :

* نوع للمستخدم الشخصى العادى ( بواسطة مالك السياره ) يستخدمه بنفسه لرد التجويفات البسيطه إللى فى أماكن ظاهره و مافيهاش زوايا أو قوايم صلابتها مضاعفه ، وحتى الآن غير متوفر فى مصر حسب معلوماتى ، لكن ممكن تشتريه على النت من مواقع البيع من خلال الشحن زى Ebay - Amazon ، وغيرها ، شاهد الفيديو :

YouTube - ‪Dent Repair-Dent Out-Do It Yourself Dent Repair‬‏
أو
YouTube - ‫ط¬ظ‡ط§ط² ط§طµظ„ط§ط. ط§ظ„ط¶ط±ط¨ط§طھ ط§ظ„ط®ظپظٹظپط© ظ„ط¨ظˆط¯ظٹ ط§ظ„ط³ظٹط§ط±ط§طھ ظ„ظ„ط·ظ„ط¨ 0544223290‬‎

* نوع إحترافى لإستخدام الورش والمتخصصين ودا يلزمه تجهيزات خاصه وتدريب على إستخدامه
وبعضها مزود بروافع هيدروليك أو كهربائيه أو ميكانيكيه أو بيتوصل بكمبوريسور الهوا المستخدم فى نفخ اطارات العربيه ، ويستخدم للحالات الحرجه والانحناءات الحاده فى الأماكن الصعبه ، شاهد الفيديو :

YouTube - ‫ط¬ظ‡ط§ط² ط§طµظ„ط§ط. ط§ظ„طµط¯ظ…ط§طھ ط¨ط¯ظˆظ† ط³ظ…ظƒط±ط©‬‎
أو راجع الموقع :
.ط´ظپط· ط§ظ„طµط¯ظ…ط§طھ, ط³ط.ط¨ ط§ظ„طµط¯ظ…ط§طھ, ط¨ط¯ظˆظ† ط³ظ…ظƒط±ط©
.................................................. .................................................. ....

المشكله رقم (1) : إصلاح فلانشة الشكمان - تكلفة تغييرها فى التوكيل 6000 جنيه .

حجزت علشان أعمل صيانة ال60.000 كم ، وكانت العربيه صوتها عالى عشان فيه تسريب فى العادم من الشكمان ، وبعد الكشف على العربية فى المقطم كانت المفاجأه إن إصلاح الشكمان تكلفته 6000 جنيه ، لأن الفلانشه ( مأخذ توزع و سحب وتفريغ العادم من الماكينه ) كانت متآكله ولازم تتغير ، طبعا حضراتكم عارفين إن صيانة ال 60000 هى صيانه كبرى يعنى أصلا مكلفه ( حوالى 2500 ) لأنك بتغير كاتينه كامله وطلمبة الميه وجميع الوصلات والسيور والفلاتر و شمعات الاحتراق و كوع الميه وغالبا الترموستات ، غير الضريبه + أنا كمان غيرت موتور مروحة الرادياتير ، من الآخر كان مستحيل أدفع كمان 6000 جنيه ( الفلانشة جديده بس أكتر من 4300 بدون الضريبه والمصنعيات ) ، لكن أكتر حاجه كانت مستفزه إن العيب ده بدأ يظهر فى لوجان تانيه مع واحد صاحبى وكنا عاوزين نشوف حل لأنه بيأثر على سحب العربيه + الناس كلها بتتفرج عليك وأنت ماشى طبعا رد فعل لا إرادى للصوت المزعج إللى العربيه بتعمله .

* طبعاً كنت مضطر إنى أسأل أكتر من واحد و أشغل عقلى رغم إنى ما بأحبش ، وكانت الاختيارات انحصرت معايا فى واحده من إتنين ، ده طبعا بعد ما مريت على أهم ناس أعرفهم شغالين فى قطع غيار وصيانة اللوجان:

1 - تفصيل الجزء المطلوب ( شغل مخرطه ) عن طريق صنايعى شكمان يكون معلم ، الاختيار ده كانت صعوبته إن محدش كتير إشتغل الموضوع لأن العربية لسه جديده فى السوق المصرى و ده يعنى عربيتى هتكون أول تجربه وعلشان كده لازم أشدد على إن الصنايعى يكون شكمانجى محترم ومفتح .

2 - الحل البديل التانى هو إنى أشترى الجزء المطلوب استيراد أو متقطع من أى عربيه عملت حادثه ، وده مشكلته إن الجزء اللى هيتركب حتى لو عرفت ألاقيه عند حد ، هيكون مستعمل يعنى كفائته مشكوك فيها وممكن يكون فيه نفس العيب حتى لو نسبته أقل + سعره مش هيكون رخيص لأن التاجر هيسأل على سعر الجديد قبل ما يبعلى وبعدين ممكن يدينى المستعمل ب 50:60 % من سعر الجديد ، طبعاً كانت مخاطره كبيره .

أستخرت ربنا وقررت أروح لمعلم الشكمان ، بس الجزء الأهم هو الجوان اللى بيركب ما بين الفلانشه والفرن ( مابين جزء تفريغ العادم و منطقة خروجه من الماكينه ) وهو ده الدرس التانى اللى إتعلمته ، الفلانشه ممكن تعيش 100 سنه لو الجوان ( الأولسيه ) اللى راكب مظبوط وقافل أى فراغ يعنى ما فيش تسريب للعادم لأن تسرب العادم هو اللى سبب تآكل الفلانشه ، تعرفوا الجوان اللى بأتكلم عليه تمنه كام ؟؟؟؟ ( فقط عشرة جنيهات مصرية لاغير ) وصناعنه تركى ، تخيلوا 10 جنيه سببت خسائر كانت ممكن توصل إلى 6000 جنيه + التعطيل والازعاج وفرجة الناس.

* اشتريت الجوان ( الولسيه ) وفصلت الفلانشه مخرطه وركبتها شغاله زى الفل ليها أكتر من 25 يوم من غير صوت ولا نفس وكمان وفرت تمن الأفيس بتاع الشكمان لأن التوكيل بيغيره كل ما يفك الشكمان وتمنه 180 جنيه من غير الضريبه ومصنعيات التركيب ، وكانت التكلفة الاجماليه شامله المصنعية ( 280 ) جنيه لاغير .

المشكله رقم (2) : استبدال الزجاج الأمامى - تكلفة تغييره فى التوكيل أكتر من 2000 جنيه.

قبل سبع شهور كنت راكن العربيه تحت البيت ولقيت الانتركم بيدق ، ولاد الجيران بلغونى إن بنوته بتلعب رمت زلطه شرخت الزجاج الأمامى شرخ يوجع القلب ، اللى زاد الموقف سخونه إنى كنت المفروض أجدد رخصة العربية فى خلال شهر ، وطبعا حضراتكم عارفين المرور كان أد إيه حبوب ومتعاون قبل الثوره ، يعنى حاره سد لازم أغير الزجاج الأمامى ،

بالفعل الفحص ادانى مهله شهر لتغيير زجاج أمامى ، وطبعا أسعار التوكيل معروفه كانت أكتر من 2000 جنيه فى الوقت ده ، وعنها وسألت وعرفت إن أفضل زجاج محلى هو د / جريش وطبعا أتأكدت من جودته وطرق تصنيعه قبل ما أخد قرار وأشتري ، ممكن تراجوا الموضوع بعنوان " كل ما تريد معرفتة عن زجاج السيارة " على الرابط < http://www............com/vb/showthread.php?t=23482 > ، وكده إطمنت على جودة الزجاج البديل وباقى أعرف مين يركبه ، سألت وعرفت( محلات الحاجه لتجارةزجاج السيارات ) 142 ش حسن الانور ، مصر القديمه ،
التليفون: 02-25321154, 012-0010103

أخدت العربيه ورحت بعد ما اتصلت بيهم وأكدولى إنهم جابوا زجاج اللوجان ، لكن السعر المطلوب كان 700 جنيه ، وتم التركيب بعد الاتفاق النهائى على سعر 450 جنيه ، وصدقونى حضراتكم أنا حاسس أنه أحسن من الأصلى .

المشكله رقم (3) : استبدال زجاج وش الفانوس الخلفى - تكلفة تغييره فى التوكيل 275 جنيه .

واحد من الاعضاء المحترمين كان بيسأل على امكانية تغيير وش الفانوس الخلفى بدل ما يغير الفانوس كله ، وأنا سبق وسألت عن الموضوع ده ، وأنا رديت عليه وهأنقل الرد هنا لحضراتكم علشان نتعاون كلنا ونساعد بعض ،

أنا قولتله " ان الوش لوحده ممكن يتفصل عند الشركه المصرية اللى فى شارع زكى فى التوفيقيه ، بس هيطلب منك تفك الفانوس كله علشان ياخد مقاساته ، وبعدين يديك معاد بعد يوم أو إتنين لحد ما يبعته المصنع و يرجعله متفصل ، لو سألت فى شارع زكى هتلاقيه على الصف المقابل للمول إللى فيه جمال البدرى (رقم 7 ) ، سعره ممكن يكون 30 : 40 جنيه ، مش عارف بالظبط ، بس دا مجرد وش بلاستيك ما أفتكرش يزيد عن كده ، التفصيل والمقاس بيطلع نسخه من الأصل بس العيب ممكن يكون فى خامة البلاستك يعنى محتمل بعد فتره لونه يبهت شويه ، بس مش دايما الوش التفصيل بيبهت يعنى مش قاعده . ".

للآمانه أنا ما ركبتش وش متفصل أنا بس سألت وشفت العينات عند الشركة دى ، كانت فاترينة الشركه مميزه لأنها كلها فوانيس اشاره خلفيه لكل المقاسات والانواع ، معلش أنا مش فاكر رقم التليفون ومش متأكد من الأسعار علشان محصلش تعامل ، بس للأمانه كان لازم أقولكم على المعلومه لأن معظم الأعضاء المحترمين بيضطروا يغيروا الفانوس كله علشان مجرد كسر بسيط .

المشكله رقم (4) : إصلاح شروخ زجاج السيارات
طبعا شروخ الزجاج غالبا بتحصل معانا كلنا من غير ما نكون غلطانين ، وأكيد مزعجه جدا بس مش لازم تفكر إنك تغير الزجاج كله لأنها ممكن تتصلح ، بس تاخد بالك من تلات حاجات مهمه بتقلل كفاءة نتائج عملية لحام الزجاج :

- استخدام الماء والمنظفات فى تنظيف الزجاج بعد حدوث الشرخ ( لأن الشرخ مهما كان بسيط بيسبب تباعد بين جزيئات الزجاج ، وعملية اللحام مهمتها ملء الفراغ الناتج عن حدوث الشرخ وكل ما كان الفراغ أقل كانت عملية اللحام أكفأ ، ودخول السوائل والمنظفات فى فراغ الشرخ بيسبب زيادة مسافة التباعد بين جزيئات الزجاج ) .

- طول الفتره ما بين حدوث الشرخ وعملية إصلاحه ( لأن مع طول الفتره وزيادة استخدام العربيه وعمليات الإهتزاز نتيجة المطبات وحركات المناوره أثناء القياده بتساعد على زيادة إتساع الشرخ ، وطبعا كل ما كان ضيق كان اللحام أكفأ ) ، وعلشان الشرخ ما يتوسخش بستحسن تلصقة بسوليتب وتسرع فى إصلاحه.

- زيادة تعرض الزجاج للأتربه والأوساخ أثناء سير العربيه ، جزيئات التراب والرمل والأوساخ بتتسرب داخل الشرخ وبتعمل عازل ما بين الجنبين + بتساعد على اتساع الشروخ ودا كله مش فى صالح عملية اللحام .

ولازم نلاحظ إن اللحام بينجح جدا طالما كان الشرخ دقيق وكان مجرد شرخ ، لكن لو حصل كسر أو لاحظنا وجود نقره فى الشرخ بتزيد صعوبة عملية اللحام ، لأن دا معناه إن وجود كسور صغيره سببت تطاير أجزاء من الزجاج ، واللحام مش بيضيف للزجاج مكان الأجزاء اللى فقدها ، دا بس بيحاول يملأ الفراغ بماده لاصقه قويه وشفافه وتركيبها قريب من تركيب الزجاج ، لكن مش بيزود قطع زجاج .
نقلا من منتديات حب جديد :



المهندس لأصلاح زجاج السيارات
نقدم لكم شرح بالصور لعمليه أصلاح زجاج السيارات
ماذا تفعل أذا واجهك كسر مثل هذا في سيارتك

1-يجب ان تكون معك معدات الاصلاح

ماده لحام الزجاج وهما نوعان نوع يسمي ستار والنوع الاخر يسمي كراك والثاني يستخدم في الشروخ فقط

2-Bridges اي الجسر ومسبت به الحقنه التي يوضع بها ماده اللحام


3-بعد حقن الزجاج بالماده يوضع ورق بلاستيكي ويسمي ورق افلام

بعد ذلك يتم تسبيت جهاز الاشعه فوق البنفسجيه لتجفيف الماده

4- بعد تجفيف الماده بالاشعه يتم اذاله الجهاز ويتم قشط ورق الافلام من علي الكسر

بعدها لن تري الكسر الذي كنت تعمل عليه

اضغط هنا لمشاهدة الصورة بالحجم الطبيعي.

حصريا عرض بالفديو لطريقه أصلاح زجاج السيارات بمعدات دلتا الامريكيه


علي أستعداد كامل لمن يريد التدريب او شنطه المعدات او المواد المستخدمه
مع تحياتي فني أصلاح كسور وشروخ زجاج السيارات
محــــــــــــــــــــمود حســــــــــــــــــني


كما يمكنكم زيارة موقعنا علي الرابط التالي
www.windshieldrepairkits.blogspot.c om



لو عاوز تتعلم إزاى تصلح زجاج السيارات ...........

ممكن تشترى معدات لحام الزجاج من عند الدبيكى وتتعلم ازاى تلحم زجاج السيارات ببلاش ويوجد عندهم جميع خامات لحام الزجاج ويقوم بالتجربة بالمادة قبل الشراء
* حدائق القبة : 107ب شارع مصر والسودان ( رابع عمارة بعد كنتاكى )
ت : 0124309024

* شارع 6 أكتوبر - مساكن عين شمس بعد مصنع كوفرتينا ب 500م قبل النادى الثقافى .

ت : 0121922487


دى مجموعه عناوين لشركات لحام زجاج :
. مجموعة معوض لتصنيع الزجاج

- المنطقة الصناعية, بجوار مصنع 18 الحربى, الخانكة, القليوبية


. د. خالد - اصلاح كسور وشروخ زجاج السيارات

84 ش الميرغنى - كلية البنات, مصر الجديدة, القاهرة


. الدولية لزجاج السيارات

ش السادات, مدينة السلام, القاهرة


. دوسو

44 ش دمشق, مصر الجديدة, القاهرة


. الورشة الفنية لتركيب زجاج السيارات

3 ش الشيخ معروف, وسط البلد, القاهرة


. محمد حسن بكر

18 أ ش شامبليون, وسط البلد, القاهرة


. امان اند سيفتى جلاس جروب

المنطقة الصناعية الثالثة, السادس من اكتوبر, الجيزة


. د. خالد - اصلاح كسور وشروخ زجاج السيارات

73 ش جامعة الدول العربية, بجوار مطعم اسماك الدوران - ملك الجمبرى, المهندسين, الجيزة


.السباعى لزجاج السيارات

17 ش صلاح الدين, مصر الجديدة, القاهرة


الشبراوى

34 ش ترعة الزمر, الهرم, الجيزة
زجاج سيارات عمرو

3 ش حافظ رمضان, مدينة نصر, القاهرة

الحاجة لتجارة زجاج السيارات

32 ش سور مجرى العيون, مصر القديمة, القاهرة


....*دلوقتى هأعرض على حضراتكم فكرتى مره تانيه إننا نعمل مع بعض موضوع عباره عن مرجع صيانه شامل لكل مشاكل اللوجان النادره وإللى بتحتاج تكالف مرتفعه لإصلاحها ، طبعاً أقترح إن المرجع ده يكون متخصص فى الأفكار الجديده ، والأفكار اللى بتظهر نتيجة تجارب واقعيه + يشمل عناوين ومصادر الأماكن والورش والمحلات والناس المتميزه اللى ساعدت صاحب أى مشكله نادره فى حل مشكلته ، وطبعا بدأت بنفسى وعرضت حل المشاكل اللى واجهتنى وادتها أرقام (1) ، (2) ، (3) ، (4) وهأضيف مع تجربتى عنوان وتليفون أشهر مصدر لبيع قطع غيار اللوجان الجديده بالتوفيقيه و هو جمال البدرى ( 7 ش زكى التوفيقيه - الدور الثانى ت: 25752633 ، محل رقم 18 ، موبايل 0182099061 - 0110451620 ) + ورشه متخصصه فى إصلاح وبيع قطع غيار اللوجان المتقطعه ( استيراد ) + جديد ودا اسمه رينو المعادى - خالد ويحي ‘ ومحله فى صقر قريش ( المعادى 85 مساكن صقر قريش الأوتوستراد - الحرفيين ش تبارك أمام بلوك 6 - موبايل 0101718206 ، 0124746102 ) .