هيونداي فيلوستر 2012 ، تقترب رسمياً من السوق المصري

**MIVEC.A92** · 25-06-2011 04:02 AM

كوبيه ثلاثية الأبواب ، مستوحاة من الدراجات النارية ، بالطبع إذا ما وضعنا تلك التركيبة على أحدى السيارات لتخيل القارئ أنها ضرباً من الخيال أو مجرد توقعات لكثير من محبي عالم السيارات ، ولكن هيونداي جعلت من تلك التخيلات حقيقة ، يوم أطلقت طرازها الجديد « هيونداي فيلوستر » الجديدة ، والذي أصبح أول كوبيه ثلاثية الأبواب في العالم .
و قد كثرت الأحاديث فى الآونة الأخيرة عن اقتراب موعد إطلاق فيلوستر الجديدة محلياً ، ولكن اليوم أعلنت شركة غابور أوتو، الوكيل الوحيد لعلامة هيونداي لسيارات الركوب محلياً رسمياً، عن الإستعداد لإستقبال « فيلوستر 2012 » محلياً .
فيلوستر 2012 في السوق المصري مقرر لها أن تعتمد نفس المحرك المعتمد في الجيل الجديد من « هيونداى النترا 2012 » محلياً ، وهو محرك رباعي الإسطوانات ، بسعة 1.6 لتر وبقوة 130 حصان ، مع عزم دوران يبلغ قرابة 157 نيوتن متر ، وجاء تسويق كلاً من النترا 2012 و فيلوستر 2012 ، بهذا المحرك عوضاً عن محرك « GDI » الذي انتظره الكثيرين ، بعد إصرار من مهندسي شركة غابور على استبدال محرك « GDI » نظراً لحساسيته الشديدة ، وعدم توافقه من البنزين المستخدم في مصر – وفقاً لما يراه مهندسي الشركة – وهو الأمر الذي ، وبحسب مصادر داخل الشركة ، لم يقتنع به الجانب الكوري تماماً ، إلا بعد تجربة عملية وفقاً لما علمناه .
الانطلاقة الرسمية للسيارة متوقع لها أن تكون أواخر شهر يوليو المقبل ، ولم يتحدد بعد أى خطط سعريه ، ولكننا علمنا ان فيلوستر الجديدة ستسوق بفئتين كلاهما ممتلئ بالتجهيزات مع اختلاف ناقل الحركة فقط ، ونتوقع أن تتنافس فيلوستر محلياً،مع أوبل استرا الجديدة ، على أن يتم تسويقها بسعر اقل منها ولكن ليس بفارق ضخم .

المصدر

**HOSSAM99** · 25-06-2011 06:15 AM

كنت فاكرها ضربا من الخيال و كان فيه عضو معانا كان جايبلها فيديو وقلتله مستحيل تنزل _ لكن علي اللي بيعمله غبور ده من تقليع العربيه من جميع الكمايات هاتنزل
شكرا يا فندم علي الخبر

**Eslam.Elrefaey** · 25-06-2011 07:23 AM

تنافس مييييييييين هوا الراجل ده دماغه مالها اوبل استرا مره واحده ده اخره اوى السيراتو الكوبيه والسيراتو تكسب كمان من وجه نظرى

**Screenplays** · 25-06-2011 11:59 PM

شكلها فضائي و معتقدش انها هتنتشر لان سعرها هيبقي خيالي

**elmkaneeki** · 26-06-2011 12:02 AM

المهم سعرها كام؟

**M.Elwan** · 26-06-2011 12:18 AM

YouTube - ‪â–؛ 2012 Hyundai Veloster‬&rlm;

هى فى الفيديو 5 باب بس اكر الباب ورا زى الفاروميا فى اخر الازاز

**magnifico007** · 26-06-2011 12:36 AM

تصميم فعلا quite interesting بس يمكن الجزء الخلفى محتاج شوية تعود

**SAMER_ENGINES** · 26-06-2011 05:18 AM

المشاركة الأصلية كتبت بواسطة screenplays

شكلها فضائي و معتقدش انها هتنتشر لان سعرها هيبقي خيالي

فضلا عن أنى أسعار الهيونداى و الكيا و الهيونداى بالذات فى رأىى الشخصى بقت اسعار رهيبة و عالية جدااااااااااا بالنسبة لمستوى العربيات و خاصة مثلا الـ i10 و الـ i30 و الفيرنا اللى انا فى رأيى الشخصى جدا انى السيارات دى متستاهلش المبالغ المدفوعة فيها فما بالك بالشكل ده و بإمكانياتها دى حتبقى بكام اعتقد انها عند عمو غبور لن تقل بحال من الاحوال عن 150000 و بكدة فعلا السيراتو كووب تكسب من ناحية السعر و فى رأيى من ناحية الشكل كمان، بس فى النهاية زى م ا بيقولوا اللى معاه قرش محيره يجيب حمام و يطيره.
و كل واحد حر و من حكم فى ماله ما ظلم.

**Screenplays** · 26-06-2011 05:25 AM

المشاركة الأصلية كتبت بواسطة samer_engines

فضلا عن أنى أسعار الهيونداى و الكيا و الهيونداى بالذات فى رأىى الشخصى بقت اسعار رهيبة و عالية جدااااااااااا بالنسبة لمستوى العربيات و خاصة مثلا الـ i10 و الـ i30 و الفيرنا اللى انا فى رأيى الشخصى جدا انى السيارات دى متستاهلش المبالغ المدفوعة فيها فما بالك بالشكل ده و بإمكانياتها دى حتبقى بكام اعتقد انها عند عمو غبور لن تقل بحال من الاحوال عن 150000 و بكدة فعلا السيراتو كووب تكسب من ناحية السعر و فى رأيى من ناحية الشكل كمان، بس فى النهاية زى م ا بيقولوا اللى معاه قرش محيره يجيب حمام و يطيره.
و كل واحد حر و من حكم فى ماله ما ظلم.

+11111111111111111