نيسان صنى 2012 بوجه جديد تقترب من السوق المصري

**HOSSAM_GABRE** · 06-10-2011 08:13 PM

نيسان صنى 2012 تقترب من السوق المصري
صني 2012 ، بوجه جديد تقترب من السوق المصري

من بعد الانطلاقة التجارية الناجحة في أسواق الصين والهند واليابان ، للجيل الجديد من نيسان صني ، يبدوا أن نيسان بدأت في التفكير بتبكير دخول صني إلي باقي الأسواق العالمية ، حيث تنوي نيسان تسويق هذه السيارة بمسميات مختلفة قليلاً في 170 دولة حول العالم .
ووفقاً لتقرير نشر في صحيفة « India Times » اليومية الهندية ، فإن نيسان تنوي أن تكون أول الأسواق المستقبلة لصنى 2012 الجديدة كلياً هي أسواق غرب أسيا والشمال الأفريقي والشرق الأوسط ، حيث تنوي نيسان أن يكون مصنع « تشيناي » الهندي هو محل ميلاد نسخ صني المنتظر تسويقها في تلك الأسواق .
وذكر التقرير ، أن شركة نيسان تقوم حالياً بتطوير هذا المصنع المتواجد في منطقة « أورجادام » بالقرب من مقاطعة « تشيناي » الهندية ، لتحويله لمجمع تصنيعي كبير قادر على تحقيق متطلبات الإنتاج العالمي المنتظر للسيدان الجديدة .
يذكر أن « صنى 2012 » الجديدة ستعتمد على محرك اقتصادي سعة 1.5 لتر ، قادر على توليد قوة حصانيه تصل حتى 112 حصان ، وسيرتبط هذا المحرك مع ناقل حركة أوتوماتيكي مستمر التغير « CVT » .

والآن مع الصور

**walidzakzok** · 06-10-2011 08:21 PM

هما اليابانيين مش واخدين بالهم تصميم العربيات الكوري بقى ازاي هية الناس بتتقدم والا بترجع لورا

**MOUSTAFA_SAAD** · 06-10-2011 08:37 PM

اخيرا جددوا التصميم
بس برده مش قادرين يوصلوا للتصاميم الكوريه

**Ahmed Anwer** · 06-10-2011 08:58 PM

و الله أعلم

أعتقد اليابانيين مبقوش مهتمين بفئة العربيات الصغيرة

زي الكورولا و السيفيك و الصني

و تركيزهم علي العربيات الكبيرة و الماركات الفاخرة اللي بيبدعوا فيها دلوقتي

و دي بالنسبة لهم كده تسالي لدول العالم الثالث

**mohammadrashee** · 06-10-2011 09:39 PM

انا شفت العربيه ديه في الصين حلوه مش وحشه ممكن اصورهالكو على الطبيعه

**raedegypt** · 06-10-2011 09:51 PM

ولا عمرهم ... هيونداى وكيا شوف فين والبقيه فين .. التصميم دة لايمكن ينافس الكورى الان

**SonaSteel** · 07-10-2011 01:41 AM

سؤال بس
علشان الناس مسكت في التصميم
يعني لو عملت تصميم زي الالنترا ونفضتها من الامان والاعتمادية .... وسعرها ضرب زي باقي الكوري ... وبقي كل زرار اوبشن وبسعر اعلي ؟؟
ده هايبقي كويس ؟؟
وهايفتكسوا ايه تاني .... هيونداي شطحت بالتصاميم لخيال تاني اصلا والله كرهتني في اشكال العربيات .
وطبعا الصني ديه مش هاتنزل بسعر الصني الحالية ... اكيد باسم تاني واغلي بالكماليات التانية
بس اكيد باسم تاني .... علشان الصني الموجوده حاليا هي الفرخة اللي بتبيض بيضة دهب لنيسان في مصر
مينفعش تكسرها و تعملها اومليت :))

**harizy** · 07-10-2011 02:04 AM

ووفقاً لتقرير نشر في صحيفة « India Times » اليومية الهندية ، فإن نيسان تنوي أن تكون أول الأسواق المستقبلة لصنى 2012 الجديدة كلياً هي أسواق غرب أسيا والشمال الأفريقي والشرق الأوسط ، حيث تنوي نيسان أن يكون مصنع « تشيناي » الهندي هو محل ميلاد نسخ صني المنتظر تسويقها في تلك الأسواق .
وذكر التقرير ، أن شركة نيسان تقوم حالياً بتطوير هذا المصنع المتواجد في منطقة « أورجادام » بالقرب من مقاطعة « تشيناي » الهندية ، لتحويله لمجمع تصنيعي كبير قادر على تحقيق متطلبات الإنتاج العالمي المنتظر للسيدان الجديدة .

بصرف النظر عن التصميم والاختلاف بشأنه ـ دى أذواق تختلف من شخص لآخر ـ ما لفت نظرى هو كونها هندى، ودى بصراحة حاجة لا تطمئن طب الصينى وقلنا أن لها خبرة فى صناعة السيارات وفى سيارات صينى ـ مع تحفظنا الكبير عليها ــ إنما الهندى دى ؟؟؟؟؟؟!!!!!