الموضوع: خشونةة مجننانى

يا جماعة معايا لانسر 2002 مانيوال عملت فيها شغل عفشة وكانت العربية ناعمة جدا وبعدين ركب للسوست علايات وشال الكوتشة الرقيقة الللا بين السوستة وبين طبق المساعد ومشيت بيها فترة بس لما امشى على اسفلت خشن يسمع فى جسم العربية جامد وبعدين كنت مرة ماشى على الاول وهادى جدا سرحت ورحت دخلت فى كوة رمل علية ومن بعدها بحس بالخشونة اكتر رحت للعفشجى فك لاقى كوبلن داخلى مبوش على خفيف وفاضى شحم وملاه شحم وقفله ولاقى الكوبل اليمين الخارجى فاكك من بعضه لان التيله اتكسرت ركب تيله وقفله وبرده الخشونة قاعدة رجعتله قالى بلى الفتيس خشن رحنا لبتاع الفتيس قالى الفتيس زى الفل غيرنا بلى العجل الامامى وبوظلى سرتين العجل وتم تغييرهم وبرده الخشونة قاعدة والقنطرة الطولية من كتر الرفع بالكوريك اتعوجت وبقيت المسافة بينها وبين الفتيس اقل من سنتيمر ولاحظت ان الخشونة فى العربية مع الاسفلت الخشن بتسمع جامد ومع الاسفلت الناعم العربية افضل
فما السسب فى الخشونة هل عدم وجود الكوتشة بين السوسته وطبق المساعد بتسمع الخشونة
ام بلى الكوبلن يكون هو اللى بيسمع الخشونة ويكون باظ لما فك الكوبلن الخارجى من عمود الكوبلن وفضلت ماشى عليه مسافة 200 كيلو مع العلم انى باتوقع انه فك من بعضه لما دخلت فى الرمل ومن بعدها الخشونة جت فى العربية
او يكون عيب كاوتش امامى
او اعوجاج القنطرة الطولية
ادونى حل لانى ذهقت وتعبت من العربية ومن المصاريف على الفاضى ومفيش فايدة وبفكر ابيع العربية مع انها فابريكة جوه وبره