عايز حد يشرحلي بالتفصيل الممل و يفضل بالصور ازاي أعمل ساندوتش كبدة اسكندراني زي بتاع الفلاح اللي في محطة الرمل ؟ و كمان ساندوتش السجق بتاعه .........
جعان يا رجالة و نفسي فيه ..... والله زمان يا الكس
عرض للطباعة
عايز حد يشرحلي بالتفصيل الممل و يفضل بالصور ازاي أعمل ساندوتش كبدة اسكندراني زي بتاع الفلاح اللي في محطة الرمل ؟ و كمان ساندوتش السجق بتاعه .........
جعان يا رجالة و نفسي فيه ..... والله زمان يا الكس
الفلاح ده يوم مابتعمل اوردر منه بتبقي ريحة الشركه كلها كبده والواحد بيقوم ب 12 سندوتش
في واحد بقي في مينا البصل بس بصراحه مش فاكر اسمه كل يوم اتنين بنروحله والكبده بتاعته تحفه
ايوة هيه دي اللي انا عاوز وصفتها
الحقني بيها
بص يا باشا اللى اعرفه
حتجيب الكبده وتقطعها قطع صغيره بس مش عارف بتتغسل الاول ولالا
المهم وبعد كده تحط الثوم فى الزيت بعد طبعا ميكون الزيت سخن على النار
وتحط الكبده بعد الثوم وبعد ثوانى تحط عليها خل حوالى كام معلقه خل كده وطبعا معاهم كبشه فلفل حراق
وتستنى لحد متستوى طبعا وهى مش حختاخد دقائق لان الكبده بتستوى بسرعه جدا
وبس كده
بس طبعا الفلاح والناس دى بتحط حبه بهارات او خلطه بتاعتها مع الثوم والخل وكل واحد وليه طريقه
بس الطريقه اللى قولتلك عليها دى هى الطريقه المعروفه
على فكره حوار الخل والطريقه دى انا عرفتها من بتاع كبده مش دى الطريقه اللى بتتعمل فى البيوت
بس اوعى تشم الريحه بعد متحط الخل والفلفل عشان حيجيلك كريزه كحه وعينك حتحمر هههههههههههه
وطبعا متنساش تفضل تقلب فيها طول مهى على النار
والثوم يكون مهروس او مطحون
الفلفل قبل الكبدة لانها بتاخد وقت شوية على النار
ويستحسن الفلفل ثم الثوم ثم الكبده
قلبي .مش قادر . حرام عليكو دانا حموت عليها في الغربة
الرحمة حلوة
مهو كل شيخ وليه طريقه يا باشا فيه ناس مش بتخلى الفلفل يستوى بتخليه نص سوى يعنى
وكده كده الثوم لازم يتحط قبل الكبده سواء حابب تسوى الفلفل او تخليه نص سوى
كل واحد على حسب ميحب بس انا بقول اللى بيعملوه اغلب بتوع الكبده
غير كده الفلفل حيبقى متقطع حلقات صغيره والزيت حيبقى سخن مولع يعنى حيشم النار شويه حيبقى تمام
جوعتونااااااااااااااااااا اااااااااااا
يا شباااااااااااب