الموضوع: سؤال لأهل الخبرة والفن

المشاركة الأصلية كتبت بواسطة taiwo

وعليكم السلام ورحمة الله ...
معلش بعتذر عن التأخر ف الرد مكنتش بدخل ...
1- بالنسبة للتابلوة أمره بسيط روح للكهربائي ومش هيدقق معاك ف الفلوس المهم يقفله كويس عشان ميعملش رجرجة وشوف لو هتغير حاجة ف إضائة العدادات طبعا هو اللي هيعملهالك لو فك وتركيب قول 50 ج بالكتير ...

2- بالنسبة للأبواب ... هو أنت عاوز تغير الأبواب نفسها ؟؟؟ ولابتتكلم عن الفرش الداخلي للباب ...
لو كلامك علي الباب كله يبقي ليه ... محدش بيغير الأبواب نفسها إلا لو في حادثة لاقدر الله وماأعتقدش أن في أختلاف ف الشكل الخارجي لعربيتك عن موديلات التسعينات ....وحتي لو في أختلاف لاأنصح بالتغيير أطلاقا دا غير أنك هتحتاج كمان ترشهم بلون العربية ...
.. غير أن الأبواب الستوك بتبقي ليها كبسه معينه كده قليل أوي اللي يعرف يعملهالك زي المصنع ....وعلي كل حال هي هتتكلف كتير ولاأري منها فائدة....حكاية مفتاح الباب دي مش عارف بصراحة لكن لاتنسي أن مفتاح الباب هو مفتاح الكونتاكت وبالتالي لو غيرت بتاع الباب لازم يكون بتاع الكونتاكت مطابق له ...
لو بتتكلم علي الفرش بقي ف ده يطول فيه الكلام ... لو جاهز للعربية نفسها هيعمل مثلا 300 ولو تفصيل أنت وإتفاقك بقي مع السروجي ولكن هي في نفس الرينج ده بردو ...وفي حاجة إسمها طباعة بتودي الفرش الداخلي لباب أمامي وخلفي للسروجي يبعتهولك أي مصنع من المصانع اللي بتعمل فرش للأبواب بالألوان اللي تختارها وده بيكون أفضل في التشطيب ...

بالنسبة لعلبة الدريكسيون ... مش عارف البولونيز سكاترا ولاعلبة دريكسيون عادية ..:u_thin1[1]:
لو العربية سكاترا الأول ممكن العفشجي يعملك حشو ليها ... ولو معمولها قبل كده يبقي تغيرها بقي وأمرك إلي الله ودي إستيراد قول 300 ج ...
لو العربية علبة دريكسيون عادية وده الأرجح هتغير حاجة أسمها التيش العمومي بالبيض بتاعة ( بتاع اللادا ب 150 ج )..
لو العفشجي بقي مصمم أنها لاأمل فيها خده معاك وأنت بتجيب العلبة أو الأسكاترا ...

أهلاً بيك يا جميل واللهى قلقت عليك والحمد لله انك بخير ومنور المنتدى وبجد انا مش عارف اقوك اية على ردودك دى بقيت اتكلم مع الناس زى ماكون كل يوم ببيع عربيات بجد فدنى كلامك اوى واحب اقولك ان فى حاجات اتغيرت فى فترة غيابك
يعنى انشاء الله خلاص استقريبت على كل شئ كمان اسبوعين بس اكون قبضت الجمعية 3000 جنية وحخلصهم عليها انشاء الله تابلوة + كنصلة 500 جنية وعرفت واحد كويس اوى فى الحرافين بتاع فيبر وجابلى واحد جامبة بيشكر فية بتاع سمكرة حيظبطلى الكام خدش وخبطة فيها وكمان يظبطلى البرومة من تحت وبعد كدا بتاع الفيبر اتفقت معاة انشاء الله حيعملى اكصدام امامى وخلفى وعتب كامل للعربية وانشاء الله ناوى اديها كلها رشة فرن نظيفة اوى بس اسف استفسارى المرة دى والأخير علشان عارف انى طولت عليك اوى - بخصوص رشة العربية بس انظف حاجة كلها الراجل قالى 1200 جنية انا حاسس كتير بس معرفش ياريت تفدنى وكمان شوفت محل جنوط اسبور 13 واخر كلام الجنط بأثنين عجل كاوتش علشان الأثنين القدام اللى عندى لسة جداد ب 1500 بس جنوط اندونيسى وكمان خصور عايز اشد الأبواب بجلد ازرق لون العربية وكمان السقف ياريت تفدنى بسعر تغيير فرش الأبواب وكمان السقف انا عارف انى تعبتك معايا بجد بس انا حابب اتعلم من معلوماتك وبجد أتشرفت بيك وأنشاء الله اول ماتخلص اول واحد حيشوف صورها انتا ومعلش ياريت اعرف كمان أعرف لو عايز اعمل نور تحت العربية يبكلف كام وميبقاش غلط علشان العربية لما تتغسل المض تبوظ ولا حاجة ياريت تفدنى والف شكر ليك

بص ياباشا لو هاتجنط يبقى ركب جنط 14 يرسم العربية وهايزود ثبات العربيةو لو على الكاوتشين اللي عندك دول خليهم طواري للاستبن لانك هاتجيب طقم جنوط بيكون 4 جنوط بس والستبن بيكون بتاع العربية ولان كاوتش الاستبن اكيد بعد مدة هايبوظ وهاتغيرو تقوم مركب كاوتش من القديم وبعدين دة اكيد بعد مدة هايبوظ وهاتغيرو تقوم مركب الكاوتش التاني يعني انت مش هاترمي الكاوتشين ال13 انت هتعمل زي ماقلتلك كدة و بدال انت هتكلف وهاتدفع 1500في جنط 13ومش هايرسم العربية اوي طب ما تزود 250 جنية في وهات جنط 14 ملوش حل ويرسم العربية رسمة صح وهايزود ثبات العربية دة رأيي وليك حرية الاختيارطبعاً

بالنسبة للتابلوة اللي هاتجيبة ان شاء الله هيكون تسعينات ولا الاصلي بتاع العربية لو تسعينات هيكون تحفة علي العربية

[justify]
وبالنسبة للون العربية هو في الرخصة مكتوب بترولي ولا ازرق و لا كحلي ؟؟ لو مكتوب ازرق يبقي حماتك بتحبك و يبقي ممكن ترش العربية بدرجات الازرق وهيكون عادي و متخافش فية واحد صاحبي كان لون عربيتة نبيتي و مكتوب في الرخصة احمر وراح رشها احمر ميتالك وعادي ووالدي كان معاه عربية ريتمو بني راح رشها بصلي ميتالك وعادي جدا محصلش حاجة - و لو مكتوب في الرخصة كحلي يبقى خلي الراجل يحطلك علي البوية شوية برونز ويرشهالك ميتالك و لو مكتوب في الرخصة بترولي يبقى مفيش حل غير انك تعدل في اللون فخلي الراجل يحطلك علي البوية شوية برونز ويرشهالك ميتالك وكدة العربية هتكون جامدة ومع اللون الجديد و شغل الفيبر والجنط 14 حتبقي ماشي بالعربية الناس بتبص عليها
[/justify]

وبالنسبة للسقف اعملة سقف ناشف زي بتاع العربيات الجديدة بيكون ب200 جنية وبالنسبة للنوراللي تحت العربية روح اشتري 4 شرايط ليدات(سيريا) كل واحدة متر الواحد بيكون ما بين 20و25 جنية والزقهم علي العتب والكصدامات بحيث ميكونوش باينين وميكونش باين غير النور بتعها علي الارض عشان شكلها يكون حلو واحسن لون عندك يكون ازرق ومش بيتاثروا بالمية عشان بيكونوا متغطيين بطبقة جلد شفاف

سلام عليكم ....
واضح أنك بدأت المعركة ونزلت الحرفيين ربنا يعينك ....
بالنسبة للرش الفرن تكلفته مش هتقل عن اللي الراجل قالك عليه بس لو هترش حاول تجيب أنت الخامات أحسن ...
وأنا كنت بفضل لو العربية كويسه ولونها كويس أنك تعملها تلقيط بس وتلميع بالبولش هيكون أوفر كتير ....
_ فرش الأبواب هتلاقي مكتوب عنه كل حاجة ف المشاركة اللي فاتت ...
Copy :
لو جاهز للعربية نفسها هيعمل مثلا 300 ولو تفصيل أنت وإتفاقك بقي مع السروجي ولكن هي في نفس الرينج ده بردو ...وفي حاجة إسمها طباعة بتودي الفرش الداخلي لباب أمامي وخلفي للسروجي يبعتهولك أي مصنع من المصانع اللي بتعمل فرش للأبواب بالألوان اللي تختارها وده بيكون أفضل في التشطيب ...

الجنوط بقي ....أكيد طبعا ال 14 أحسن من 13 ف الشكل والثبات .... بس لازم تتأكد أنه مش صيني لأن السعر ده مش مطمئن ...

السقف لو سليم ومحتاج تغيير فرش بس بسيطة جدا هتجيب تقريبا 2متر (السروجي اللي هيقولك المقاس الصح لعربيتك ) فرش سقف باللون اللي تختاره ف حدود 80ج وشوية مواد لاصقة هيقولك عليها السروجي (أنا قالي هات كوله ) ف حدود 25 ج وهياخد مصنعية 50 ج يعني كله 150 ج ويبقي السقف زي الفل ... وممكن لو لمبة السقف مش عاجبك إضائتها تغيرها بالمرة أو تغير لون الإضائة ..
ومستنين التقارير ............

المشاركة الأصلية كتبت بواسطة hko

بالنسبة للتابلوة اللي هاتجيبة ان شاء الله هيكون تسعينات ولا الاصلي بتاع العربية لو تسعينات هيكون تحفة علي العربية

أنشاء الله تسعينات بالكنصلة بتاعتة

المشاركة الأصلية كتبت بواسطة taiwo

سلام عليكم ....
واضح أنك بدأت المعركة ونزلت الحرفيين ربنا يعينك ....
بالنسبة للرش الفرن تكلفته مش هتقل عن اللي الراجل قالك عليه بس لو هترش حاول تجيب أنت الخامات أحسن ...
وأنا كنت بفضل لو العربية كويسه ولونها كويس أنك تعملها تلقيط بس وتلميع بالبولش هيكون أوفر كتير ....
_ فرش الأبواب هتلاقي مكتوب عنه كل حاجة ف المشاركة اللي فاتت ...
Copy :
لو جاهز للعربية نفسها هيعمل مثلا 300 ولو تفصيل أنت وإتفاقك بقي مع السروجي ولكن هي في نفس الرينج ده بردو ...وفي حاجة إسمها طباعة بتودي الفرش الداخلي لباب أمامي وخلفي للسروجي يبعتهولك أي مصنع من المصانع اللي بتعمل فرش للأبواب بالألوان اللي تختارها وده بيكون أفضل في التشطيب ...

الجنوط بقي ....أكيد طبعا ال 14 أحسن من 13 ف الشكل والثبات .... بس لازم تتأكد أنه مش صيني لأن السعر ده مش مطمئن ...

السقف لو سليم ومحتاج تغيير فرش بس بسيطة جدا هتجيب تقريبا 2متر (السروجي اللي هيقولك المقاس الصح لعربيتك ) فرش سقف باللون اللي تختاره ف حدود 80ج وشوية مواد لاصقة هيقولك عليها السروجي (أنا قالي هات كوله ) ف حدود 25 ج وهياخد مصنعية 50 ج يعني كله 150 ج ويبقي السقف زي الفل ... وممكن لو لمبة السقف مش عاجبك إضائتها تغيرها بالمرة أو تغير لون الإضائة ..
ومستنين التقارير ............

واللهى يا جميل بعد توجيهاتك انا نفسى أتفتحت اوى للعربية وبجد بقى عندى امل فيها بعد واللهى مكنت طايق اركبها بس حاسس ان 3500 مش حيكفوها ربنا يستر الواحد عايز يعمل حاجات كتير وواللهى بجد انا كل مرة اتكلم فيها معاك بكتسب خبرة أكتر وبحس انى عايز اصرف عليها كمان وكمان وانشاء الله اسبوعين بس اقبض الجمعية اللى عاملها لست الحسن وانزل على طول اظبطلها السمكرة وبعد كدا الاكصدام والعتب وانشاء الله الكهربائى يركب التابلوة واشوف حكاية اللون دى بقى واللهى مش عارف اعمل فية ومليش خبرة فى الرش بتاع العربية اصلها لونها بترولى والرخصة اتسرقت وطلعت عليها جديدة بس مكتوب فيها أزرق فقلت فرصة اغيرة بلون أزرق ميتلك ومش عارف يا جميل اعملة فين وحيتكلف كام بالظبط ربنا يسترها والجنوط انا سألت فى محل كبير اوى بيجيب من المورد على طول ومش بيبيع صينى خالص وقالى بعد الفصال التمهيدى طبعاً الأربع جنود ال 13 + 2 كاوتش 1600وضمان سنتين ومش عارف انتى قلقتنى وبصراحة البياع واحد قالى لو حتجيب هات 14 أحسن والتانى قالى متغيرش وخليك 13 زى مانتا أحسن وبصراحة انا مش عارف انا الكاوتش كان مكتوب علية عندى 185 - 70 r - 13 فياريت تنصحنى بال 13 ولا ال 14 والفرق فى اية ولو عندك حد جنود أشد وارخص ومضمون ياريت تقولى انا ساكن فى القليوبية يعنى لو تعرف حد مضمون وأتعاملت معاه أكيد حيبقى أحسن وبجد مش عارف اقولك اية واللهى