السلام عليكم ورحمة الله وبركاته
معلش يا جماعة انا عاوز منكم طلب صغير جدا وبسيط
دلوقتى احنا فى القسم بتاع ال byd فى ناس مبسوطة من العربية ربنا يسعدهم بيها ويباركلهم فيها
وفى ناس بتواجهها مشاكل فنية مع العربية فى منها اللى بيتحل بزيارة للتوكيل ومنها اللى مبيتحلش وبيخلى صاحبها يبيعها وخلاص

ياريت لو كل واحد قابلتة مشاكل فى العربية يكتبلنا المشكلة اللى قابلتة واذا توصل لحلها يقولنا عليه
ويقولنا برضة اية اهم المميزات اللى لقاها فى العربية دية ومبسوط منها
فى ناس بتبدل قطع غيار فى العربية بقطع تانية متوافقة مع العربية ياريت يقولنا عليها

[overline]يعنى المطلوب باختصار شديد:-[/overline]

1- نوع عربيتك ال byd وموديلها ( يعنى f3 موديل 2009 مثلا )
2- المسافة المقطوعة بالسيارة وهل معظمها سفر وللا جوة البلد ؟؟
3- المشاكل الفنية اللى واجهتك فى سيارتك ال byd وحلها كان اية
4- المميزات اللى عجبتك فى العربية
5- قطع الغيار البديلة للعربية من الانواع الاخرى( يعنى مش بتاعت byd )

ولكم جزيل الشكر ... :))
ربنا يباركلكوا