الموضوع: تقرير صيانة العشرين الف كيلو بالقطاميه

ارجو من حضرتك موافاتي بالتليفون الخاص بمركز صيانه القطاميه الذي تواصلت حضرتك من خلاله مع المركز لاني اريد تحديد موعد الصيانه ولم اعثر علي ارقام المركز وحصلت علي موبايل الاستاذه داليا حافظ من خلال الموقع وحاولت الاتصال بها اليوم ولم اجد اي رد وانا لااريد الذهاب للمركز بدون موعد مسبق لانني سوف احضر من بني سويف ولسيادتكم جزيل الشكر

المشاركة الأصلية كتبت بواسطة ziabassem

ألف مبروك .. وعقبال ما تعمل صيانة المليون إن شاء الله وتكون مبسوط من العربية وراضي عنها .

بالنسبة لموضوع التيل .. وعلى قد خبراتي المتواضعة .. أقدر أقول لحضرتك أنه بصفة عامة فيه نوعين من التيل (في أي عربية) الأول مبيعملش صوت وبيكون حنين على الطنابير ومبياكلهاش بس مشكلته أنه بيخلص بسرعة فعلاً .. والنوع التاني بيكون ناشف شوية وبيعمل صوت وبيكون قاسي على الطنابير وبيقعد كتير بس على حساب الطنابير .

يا ترى حضرتك قبل الصيانة كان فيه صوت صادر من التيل ولا لآه .. وبعد الصيانة هل الصوت هو هو ولا اتغير شوية .. وما هي حالة الطنابير عندك (فيها ريجة ولا مظبوطة) .

أخر حاجة بقى .. ممكن حضرتك تكتب تفصيلة المبلغ اللي دفعته (يعني تكاليف الصيانة بالتفصيل) لإفادة الأعضاء .. وربنا يبارك ليك فيها يا رب ويكفيك شرها .

ربنا يبارك فيك يا باشا

بالنسبه للطنابير هى تمام وزى الفل لكن ماعرفش التيل ده مشكله

لانه بمجرد تركيبه بيعمل صوت لحد ما يتاكل خالص ومش لاقى حل غير انى اغيره كل عشرة الاف

اما بالنسبه للحساب فهو بالتقريب

بوجيهات 80
فلاتر هواء وزيت وبنزين 80
زيت 280
تيل 65
مصنعيه 130
ضريبه مبيعات

اجمالى 660