رد مع اقتباس
محدش نسيك يا ابو عمرو
ليك وحشة والله
طمنى عليك
النتائج 1 إلى 10 من 18
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 26525
تاريخ التسجيل : 30Nov2008
المشاركات : 436
النوع : ذكر
الاقامة : القاهرة
السيارة: Beetles
السيارة[2]: Excel
دراجة بخارية: كان زمان
الحالة :
اعادة رفع مواضيعى القديمة ...........لعل الناس تفتكرنى -
انشر الموضوع فى : hasad">ادى جزاء اللى يخرج فى العيد ........
صباح الخير......
الزمان : تالت ايام العيد ... الساعه 3 العصر .... المكان : عندى فى البيت
المدام : احنا يومين مخرجناش .... عاوزين نتفسح شويه ... العيال زهقت ... كلامها زى الرصاص جالى و انا مرزوع قدام المخروب الكمبيوتر بشوف ضرتها نايل موتورز ...
انا : طيب لبسى العيال ... و حضرى الاكل اللى هتاخدة معانا ... و لما تخلصى قوليلى ...
العيال : زى الهبل ..هيه هيه هنحروج الجنينه.... هنروح الجنينه ... و عمالين يشدونى من البنطلون ... و المسفوخ الصغير بيقولى : اللى فيها ملاهى يا بابا ... هه اللى فيها ملاهى .... و انا عاوز اقوله .. يا شيخ روح اتلهى انت و امك ......
قامت هى زى الصاروخ لبست العيال و اتارى الاكل جاهز و محطوط فى الاطباق و الفويل و الدنيا متظبته .. الكبير لهف مفتاح العربية و طار علشارع و الصغير قافش فى ايدى كانه ماسك حرامى بعد ما لم كل العب بتاعته و حطها فى جيبه .. زى ما يكون هيفرش بيها فى الجنينه ... و الست حرمنا المصون قفشت فى الدراع اللى فاضل و انا نازل عامل زى المقبوض عليه .......
المدام : انت زعلان انك هتخرجنا ...
انا : انا ... ابدا .. ده انا حتى نفسى اخرج من زمان .... ها عاوزين تروحوا فين بقي .... المسفوخ يرد زى المكوك : الملاهى ... الملاهى يا بابا ..
المهم فتحت شنطه العربيه و حطيت الاكل و الحاجه الساقعه و ركبوا البهوات ورا و المدام جنبى و طبعا بتقولى مودتش العربية تتغسل ليه .....
اتا دورت من هنا و هتحرك لاقيت معركه طاحنه فى الكرسى اللى ورايا ... المسفوخ الصغير اخد لعبة من بتوع الكبير " قوتا و اقتدار " و الكبير طبعا ماشى بمبدا ما اخذ بالقوة لا يسترد الا بالقوة و حاجات بيطير بيجى قى قفاية من ورا... مش شايف حاجه فى المرايا ..
انا : يا ولا يابنى ... هنرجع البيت تاني .. طب مش هنخرج .... ترد المدام : خلاص يا بابا .. هيسمعوا الكلام .. اتاريها هى اللى عاوز تخرج...
ماشى بقى انا فى السكة ترد المدام و تقولى : ايوة .. اقف هنا ده جنينه حلوة .. و كمان فيها ملاهى ... و يرد المسفوخ الصغير و يقول : و كمان فى العاب ناريه ... نعم " العاب ناريه " المصطلح ده اتا معرفتوش الا فى ثانوي ..... المهم ركنت و نزلنا و دخلنا الحديقه ... و اول ما دفعت التذاكر و بخش على البوابه لاقيت الاولاد طاروا على الملاهى و انا شايل الشنط و جيت على مكان نجيله كده وو فرشت الكوبرته على الحشيش و قعدت و ربعت و هى بقى جنبى و طلعت الاكل و كلنا بعد ما حلف للعيال انى هدخلهم الملاهى بعد ما يكلوا ... و قعدت انا و المدام نفتكر خروجتنا ايام الخطوبه و خصوصا فى العيد و الدنيا جميله و يقوم المسفوخ الصغير اللى يصعب عليه انى اشعر بالاستمتاع يجرنى من هدومى زى المعوق : يلا دخلنا الملاهى ..
الهانم تأكد على كلامه و تقولى ايوة خش معاهم و اركب جنب الواد علشان بيدوخ و خلى بالك .. لسه واكلين ممكن يرجع ... نعم اركب جنب مين ؟؟؟
ده انا لما باخد مطب بالعربيه بدوخ .. عاوزانى اركب ملاهى كمان ... المهم جرجرونى الاتنين و دخلت الملاهى و اخترت اسهل لعبه و مراتى وقفه بتتفرج علينا من برة .... و بتشاور و هى بتأكد انى اركب معاهم ... طيب العيال مش خايفه انا اللى هخاف خصوصا بعد ما قالى المسفوخ الصغير مستنكرا .. انت خايف يا بابا ؟؟؟؟ لا يا حبيبى هتنيل اركب معاكم ... حاضر .. اليوم باين من اوله .. و طبعا قولت للراجل يلف البتاعه ده على اقل سرعه متحججا بان العيال الصغيرة لسه واكله و ممكن ترجع ... المهم ركبت و انا بتشاهد ... و زنننننننننن كانك يا عم فى الخلاط و طبعا جالى حول مش عارف مين اللى كان ماسك التاني ... تقريبا العيال هم اللى كانوا مسكنى .. انا بقى اللى كنت هرجع ... ايه ده .. وقف يا عم .. يا عم اقف لوجه الله ... يا خررراااااااااااااااابى .... نزلت مدروخ و المدام فتحه بؤها من ودانها ده لودنها التانيه و فطسانه عليه ..... المهم قولتلها ادى شورتك السودة مفيش مراجيح تاني ... العيال دخلتهم النطاطه " السوسته ده" علشان يتهدوا شويه و يرحوا يناموا على طول بدون مراسم قبل النوم ده...
حلو كده.. سربت العيال و قاعد انا و النص التانى بتكلم ... وفجأءة يا سيدى قابلنا الست " كزرونه " ايه بقى حكايه "كزرونه" ده .. ده واحده جارتنا الناس مسمينها كده علشان هل كل ما تعمل اكل تدخل للجيران منه فى كزرونه ... متهيألى ده لما جات تجهز شقتها جابت طقم كسرولات بس معندهاش اطباق ..كل حياتها كسرولات ... المهم جت الست كزرونه دة و معاها 3 اطفال .. (اكتشفت لاحقا انهم عفاريت مش اطفال) ولدين و بنت لا اسف مش بنت ده ماكينه صراخ متركبلها طفله .. اللى انا درسته فى الاحياء ان الانسان عندة احبال صوتيه ... ده بقى عندها "سلب " اللى بيربطوا بيه العربيات النقل ده ..... و طبعا المدام عندى عشريه شويه ... و اتقضلى و لاقيت الكوبرته اتسحبت من تحت منى و قعدت الست كزرونه ده عليها و حطت ايدها فى شنطه كانت معاها و طلعت بكبشه ترمس و اتفضل يا ابو عمرو !!!!!!!
انا : ربنا يخليكى ... و الله لسه مرجع ... قصدى لسه واكل ...
كزرونه : ده حلو .. ده لسه متخلل طازة ... بس دوقوه بس
المدام : خد بقى متسكفهاش ....
انا : حاضر شكرا يا ستى ... و اخدت واحدة و بلعتها زى برشامة الصداع ... خلاص بقى .. شكرا
المدام : خد شيل " منه " ... جميله .. عاوزين واحدة زيها .. " منه ده ماكينه الصراخ الالى "
و انا زى الدهل اخد الست " منه " ده ..... و الهانم تشتغل صراااااااااااخ و اخدت الموبايل و مفاتيح العربيه و عندى قميص فى حته معدن كده ... وده راسها و الف صرمه تخلع الحته المعدن ده .. اعمل ايه ؟؟؟ .. و عماله تصرخ لمت علينا الناس و امها الست كزرونه ولا ف الدماغ و سايبه الكنكه الصغيرة ده تبهدل فيا ....
المدام : حسام .. روح هتلنا بسرعه شويه حلويات علشان العيال و حاجه بارده .. طيب سلكيلى الموبايل بتاعى من الشبطه ده علشان فى مكالمات مهمه بتجيلى .... المهم اخدت الموبايل و جريت على باب الجنينه و بتاع الامن حواليه زحمه المهم رفعت صباعى لفوق قالى : خير يا استاذ .. انا هخرج اجيب حاجه و ارجع تانى .. علشان مدفعش تاني .... خلاص اتفضل
خرجت على برة لاقيت المدام عالموبايل بتقولى : بدل الحاجه الساقعه هات لب سوبر و لب سورى و حلويات ... طيب ماشى
رجعت و معايا الطلبات ... و العيال هجموا عليا و كيس الحلويات اتقطع و طلعت من المعركه ده بكيسين اللب بس و اخدت شويه و قولت أ أزأز براحتى..
شويه ... الاقى المسفوخ الصغير جارر بتاع غزل البنات ما بنطلونه و واخد كيس و فاتحه و بياكله و جايبهولى على الدفع .. طيب بسيطه .. لكن الهانم الصغيرة ده تشبط فى الزمارة بتاعته ده بقى اللى لا يحتمل و كده كده هتصدع ... صوتها اسخم من الزمارة ... ناقص انا ...
ابص للمدام : تهمس و تقولى خلاص اهى خروجه و السلام ... معلش اقولها قومى يعنى ...
المهم فتحوا مع بعض حوار بقى عن البطاطس التحمير و اللحمه و طرق الاكل و الطبيخ و انا سرحان فى ملكوت تانى ... تقوم مراتى تقولى فجأة :
قولها يا حسام على الفسيخ اللى كنا مخللينه !!!! " يا لهوى ... هى وصلت لكده " فسيخ ... طيب ..
انا : حلو ... جميل .. مش نروح بقى الدنيا سقعت .. و طبعا هيركبوا معايا العربيه .. مفيش مشاكل بس مش عاوز دوشه علشان اعرف اسوق..
لميت العيال بالعاقيه بعد ما حلفتلهم بأغلظ الايمان انى هجبهم تاني .. و جت الست "كزرونه " ده و بالمناسيه هى تخينه اوي ... تقريبا اكلت الخروف كله لوحدها ... اول ما ركبت على الكنبه اللى ورا .. العربيه بقت عاملة زى الصاروخ .. بوزها لاعلى كانى هنطلق للسماء .. المهم مشبت العربيه و هى بتنهج .. و الحمد لله ان البيت كان قريب و طلعت اترميت على السرير زى القتيل .. فى كده بذمتكم ؟؟؟؟[gdwl]لا يستطيع رفع صور للتوقيع[/gdwl]
-
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
-
A.Saad
-
رقم العضوية : 49702
تاريخ التسجيل : 12Oct2009
المشاركات : 3,421
النوع : ذكر
الاقامة : om el donya
السيارة: - suzuki maruti - lanos
السيارة[2]: chevroletspark
دراجة بخارية: CBR 250 FIRE
الحالة :
-
حمد لله على السلامة فينك ياراجل جيت امتى من نيوزيلاندا ...!!!
[mshosh2]http://www7.0zz0.com/2013/05/08/17/903528565.jpg[/mshosh2]
-
رقم العضوية : 27652
تاريخ التسجيل : 14Dec2008
المشاركات : 5,477
النوع : ذكر
الاقامة : giza -harm
السيارة: النترا HD
السيارة[2]: بولو سابقا-ألنترا 2006-سكودا ايه 4
دراجة بخارية: لايوجد
الحالة :
-
والله وحشنا يراجل انت والمفسوخ الصغير بمغمراته حمدالله على السلامه ومتغيبش علينا يراجل بمغمراتك الجميله
It’s not about having the perfect relationship.. But its finding someone who matches you and would go through everything without giving up.
-
رقم العضوية : 53767
تاريخ التسجيل : 23Nov2009
المشاركات : 1,794
النوع : ذكر
الاقامة : Egypt
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
-
رقم العضوية : 62792
تاريخ التسجيل : 20Feb2010
المشاركات : 2,961
النوع : ذكر
الاقامة : Almaza/Nasr City
السيارة: الحمد لله
السيارة[2]: New Accent
دراجة بخارية: None
الحالة :
-
كنت متابع جيد لحكاياتك واتضايقت لما سمعت عن مشكلتك الاخيرة فى الشغل واتمنى من الله تكون الامور اتحسنت ليك ولينا بامر الله اجمعين.
[marq="3;right;3;scroll"]لا حول ولا قوة الا بالله العلى العظيم
[/marq]
-
رقم العضوية : 11902
تاريخ التسجيل : 30May2008
المشاركات : 4,959
النوع : ذكر
الاقامة : cairo
السيارة: Now : Honda Civic 4G A/T F/O
السيارة[2]: Was:Peugeot-Fiat-Mazda
دراجة بخارية: God Willing Dodge Tomahawk
الحالة :
-
ويلكـم ... بــــاك .
وَمَا رَبُّكَ بِظَلَّامٍ لِّلْعَبِيدِAll The Power On Earth Can't Change Destinyアフマド アミン
-
رقم العضوية : 60554
تاريخ التسجيل : 31Jan2010
المشاركات : 2,471
النوع : ذكر
الاقامة : KAFR EL SHEIKH & MANSOURA
السيارة: SUNNYنبيتىEx automatic 2010
السيارة[2]: NUBIRA 2001 AUTO BLACK
دراجة بخارية: لا
الحالة :
-
عودا حميدا يا ابو سيف
-
رقم العضوية : 14360
تاريخ التسجيل : 07Jul2008
المشاركات : 3,083
النوع : ذكر
الاقامة : جوه البطيخه
السيارة: كتير
السيارة[2]: كتير
دراجة بخارية: لا يوجد
الحالة :
-
افهم من كده ان كل يوم الصبح هنشوف مواضيعك تانى
المهم طمنا عليك اخبارك ايه واخبار الدنيا معاك(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !)
-
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
-
hasad">عارفها الخروجة دي
أصلي خرجت زيها[mshosh2]http://www.4shared.com/photo/lCkSz74F/morsee.html[/mshosh2]
المواضيع المتشابهه
-
اعادة انتاج السيارات القديمة
بواسطة Ramy_Ali في المنتدى المنتــــــدى العـــــــــــام للسيــاراتمشاركات: 5آخر مشاركة: 15-09-2008, 03:32 PM -
هو ليه محدش بيرد على مواضيعى
بواسطة firstabdo في المنتدى هيــونــداىمشاركات: 9آخر مشاركة: 16-07-2008, 01:40 AM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات