ما يشاهده الأطفال

**M_ashraf** · 30-04-2008 08:34 PM

بما انكم هنا من هواة الكرتون القديم زيي فولترون وخماسي وطمطوم والحاجات دي
انا عايز اسال سؤال ليكم وخصوصا لعلا علشان هي كانت في السعودية في اول التسعينات
حد يعرف برنامج الاطفال التعليمي المناهل
ده كان برنامج كويس جدا

**airbus320** · 30-04-2008 09:18 PM

:D

المشاركة الأصلية كتبت بواسطة OlaOsman

حتى توم و جيري و الله باحس انه عدواني و كله مؤامرت و أذى.. مع انه مجررررررررررم بيضحك جدا وانا باقعد اشوفه.. انما تو ماتش مقالب و حركات مؤذية

فى نظرية ان توم ده هو رمز للعرب كبير واهبل وجيرى اسرئيل ضغيرة وزكية :D

**OlaOsman** · 30-04-2008 11:19 PM

طيب مافيش برامج معينة مثلا بتنمي الذكاء أو روح التحدي او الإبداع أو بتعلم أخلاقيات على أي قناة من دول؟

**PRO-DRIVE** · 30-04-2008 11:38 PM

الجزيره للاطفال او تحملوا مسلسلات كارتون علي الكمبيوتر

و دا الي بعمله كان عندي مسلسلات كتير بس اضطريت اعمل فورمات :@

و حتلاقوا كتير قوي تورنت

**aliabutaleb** · 30-04-2008 11:44 PM

قناة طيور الجنة
ثم
الجزيرة للأطفال

**mbluethunder** · 30-04-2008 11:59 PM

بكـــــــــــــار :)

**ams** · 01-05-2008 01:57 AM

المشاركة الأصلية كتبت بواسطة casperinoo

انا ابن خالتي كان بيتفرج علي الاطفال ليل نهار...الولد بقي عنيف جدا...وشقي جدا...ويجي يقوم ضربك مره واحده الضربه الحلزونيه الخزعباليه..ويقولك ديه ضربة داي الشجاع.....

نفسى اعرف مين اللى سمى الكرتون :)==> أطفال الاغرب ان فى كمان ناس يتقول عليها "طفال"
انا عن نفسى بحب الكرتون جدا و عندى حوالى من 40ال50جيجا بداية من كابتن ماجد و نهاية ب اينوياشا
(احلى قصة اطفال قريتها -وانا كبير-اسمها "ذات الرداء الاخضر" ايوه انت قريت صح الاخضر قصة عبقرية)

بالنسبة للتعليم انا فاكر زمان كان فى كرتون ابطاله كرات الدم الحمراء و البيضاء و بيحاربو الامراض كان لذيذ جدا و كان فى اتوبيس المدرسة السحرى و حكايات ابله فضيله كانت دايما مسليه وليها معنى

بصراحة مش عارف الاطفال دلوقتى ممكن يتفرجوا على ايه

؟ و يفيدهم و يسليهم ؟

**Mzeid** · 01-05-2008 02:07 AM

أنا مرة أولاد خالتي قعدوا يتفرجوا على مصارعة في التليفزيون ........ أيوة مصارعة:o:D .. و المصيبة إن البرنامج بعد ما خلص حبوا يجربوا الحاجات اللي شافوها في البرنامج في التليفزيون مع بعض .. واحد فيهم عنده 5 سنين و الثاني عنده 7 سنين ..

**aif** · 01-05-2008 10:54 AM

مرة لقيت اولادي ( 3.5 و 6 سنوات )بيلعبو ... تخيلوا بيلعبوا ايه ؟؟؟؟
جايبين فوطه و حاطين في وسطها ارنوب لعبه وماسكينها قصاد بعض من الاربع اطراف ....
وبيجروا بيها .... قلتلهم انتو بتعملوا ايه ؟؟
قالولي ده متعور وح نوديه المستشفي للدكتور ............
من ساعتها بقيت احاول ما اتفرجش علي القنوات الاخبارية وهما قاعدين ..... من كتر البشاعة اللي بنشوفها في العراق وفلسطين .... ايه ذنب الاطفال في العمر ده يتعذبوا زينا .... لما يكبروا ياما ح يشوفو ...
مرة تانية لقيت محمود 6 سنوات بيقولي بابا ... انا عاوز شيكولاته تايجر بالفياجرا ....
انا افتكرت ان اسمها كده ... لكن ده اسم مش عقول يسموه لشيكولاته بتاعت اطفال ؟؟
سألته ايه الشيكولاته دي يا حبيبي ؟..... ونزلت الإجابة علي سمعي كالصاعقة .....
قال : دي شيكولاتة بالفياجرا .... للعجز الجنسي وضعف الرجال .... واستكمل لعبه بمنتهى البراءة
اتاري في اعلان بيقول كدة بالظبط .... وطبعا بما انها شيكولاته يبقى لازم تشد انتباه الاطفال
......
بس .... خلاص .... لا تعليق
الواحد لازم يبذل مجهود اكبر في انتقاء القنوات ....
.....حسبي الله ونعم الوكيل

الموضوع: ما يشاهده الأطفال

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عيادة طب الأطفال

سلامة الأطفال

الكلمات الدلالية لهذا الموضوع

المفضلات

المفضلات

ضوابط المشاركة