استفسار في فرامل البوما بدون abs

**medociv** · 26-06-2011 11:05 AM

السلام عليكم ورحمة الله وبركاته
يا شباب قسم متسوبيشي الكرام وكل مقتني للانسر او مجرب لها يا ريت تفيدوني في فرامل اللانسر بدون ABS ؟
هل هي سيئة - جيدة - جيدة جدا - ممتازة
وهل هناك فرق كبير بينها وبين الفرامل ال abs
حيث اني افكر جديا في شراء اللانسر من التوكيل الجديد وهي للاسف بدون ABS
في انتظار ردودكم ونصائحكم وتجاربكم
وجزاكم الله خيرا

**medociv** · 26-06-2011 01:56 PM

ايه يا جماعة مفيش ولا رد !!!

**Dawns_Mist** · 26-06-2011 02:31 PM

أنا معايا لانسر بومه 2005 أوتو ... و رأيي في فراملها جيدة ... أما رأيي في فرامل السوبر أكشن إنها جيدة جدا

**medociv** · 26-06-2011 02:42 PM

متشكر جدا

**tarek72** · 26-06-2011 03:34 PM

معى لانسر 2005 اتومتيك فراملها زفت بالرغم من الكشف اكتر من مره على كل شئ
نصيحتى وانا معى لانسر متجبهيش ده صيت على الفاضى
وادخل على انواع اخره واسال كل الجربه هل هى تساوى مادفع فيها ولا لا
خليك مع تويوتا او المانى او او هيونداى
بكلمك بعد استخدامها وتجربتها
حد يصدق عربيه ب90000 الف اتومتيك اخر سرعته 150 كم ساعه ديه لو جبتهم اصلا يعنى الدايو والاكسنت افضل
بالاضاف للعفشه الذى الزفت
ابعد واسمع كلامى
اخوك طارق

**MMamdouh** · 26-06-2011 03:49 PM

الABS مش حيفرق معاك فى قوة الفرامل خالص لو دة قصدك

MMamdouh

**haythoomatos** · 26-06-2011 04:03 PM

السلام عليكم... انا معايا لانسر بومة 2008 مانيوال 1300 سى سى خليجى.. و انا مشغل التكييف على اخره و العربية محملة 5 اشخاص ببقى ماشى على طريق مصر اسكندرية على 140 و لو عاوز ازود عن كده ازود بس الناس اللى معايا اساسا كل شوية يقولو يابنى هدى السرعة شوية... و خاصة لو امى هيه اللى راكبة جمبى بتقعد تزعقلى و تقولى حرام عليك... و الفرامل بتاعتها كويسة جدا و انا شايف انها ممتازة...و قبل كده الفرامل انقذتنى من مصيبة كانت هتحصلى كنت طالع على كوبرى روض الفرج و كان قدامى اوتوبيس و جيت اعدى منه لقيت توك توك واقف فى وشى... كنت هلبس فيه و كنت على 90 و ضغطت فرامل بكل قوة و الكاوتشات صرخت و كانت المسافة بينى و بين التوكتوك حوالى 20 متر او حاجة كده... و الحمد لله العربية وقفت قبله بمسافة حلوة

**medociv** · 26-06-2011 04:17 PM

متشكرين جدا جدا يا جماعة وفي انتظار المزيد من الردود
ا طارق : انا بس اقصد اخبار الفرامل بتاعتها ايه؟ وحشة ولا حلوة وهل اللي معاك ب abs ولا من غير ؟

**tarek72** · 26-06-2011 04:43 PM

المشاركة الأصلية كتبت بواسطة medociv

متشكرين جدا جدا يا جماعة وفي انتظار المزيد من الردود
ا طارق : انا بس اقصد اخبار الفرامل بتاعتها ايه؟ وحشة ولا حلوة وهل اللي معاك ب abs ولا من غير ؟

من غير بس انصحك من اخ قرات كل الاتكلم فى مشاكل الانسر حققيه
انا مرت بيه وبحاول اعالجها بس مفيش فائده
فرامل وحشه جدا ومتقولش ساعدتنى الفرامل فى الوقوف وكان امامى 20 متر لان ده دليلل على ان السياره فراملها ضعيفه
ومحتاجه مسافه علشان تلحقك بالرغم انك لازم تضغط بقوه على الدواسه
اهتزازات فى الطاره بعد 100 كم وملهاش حل ومهم تعالج ترجع تانى
الدايو او الاكسنت بتجيب اعلى منها فى السرعه ومفيش الاهتزازت
يعم فكك وهات اى حاجه تانيه وانصحك جرب قبل ماتشترى واسحب بالسياره واتفرج على الطاره وعلى اقصى سرعه ممكن توصلها انا بقولك فعلا عن تجربه صيت على الفاضى وان شاء الله هخلص منها قريب
اما ثابتها علشان الحق كويس