الموضوع: ان كنت ترى اننا على الطريق الصحيح فهذا الموضوع لا يهمك

المشاركة الأصلية كتبت بواسطة adelseliem

انهى صف اللى بشقه

صف الدستور قبل الشعب

• الحمد لله اتشال و انا عن نفسي من اعداء فكرة الدستور اولا لو بتقرا مشاركاتي, و لو قريت المطالب و البيانين هاتلاقي ان المطلب ده اتشال علنا
  

ولا صف الأعتصام فى التحرير

• و ماله ؟؟؟

ولا صف الدستور الثورى اللى صيغته قدامك

• طالما مش في المطالب ما يلزمنيش

ولا صف المطالب اللى مالهاش سقف

• برده و ماله ؟ كلها لصالح الشعب و ماحدش يقدر ينكر كده , و يوم ما اتحط الدستور اولا انا اول واحد قلت مش نازل

ولا أنت شايف أن المليونيه دى مش لشق الشعب

لأ مش لشق الشعب , او ممكن تكون لشقه لثو


تفتكر كام واحد موافق عليها , 1 ,2 أو حتى 4 مليون هينزلوا
شوف كام مليون رافضينها

• كام مليون ايه رافضين ايه ؟ انت مدرك ان معنى كلامك ان اللي رافضين دول رافضين حد ادنى و اعلى للأجور و ظبط الأسعار ؟ و تكريم الشهداء و المصابين ؟ و محاكمة القتلة و الفسدة و المفسدين اللي خربوا البلد سنين طويلة ؟ و تطهير مؤسسات البلاد ؟ ازاي حد بيحب بلده و بيحب الناس يرفض حاجة زي كده ؟ انا اكيد فاهمك غلط

ولا أنت لسه مش مقتنع أن دول بتوع الدستور أولا

• حاليا هما بتوع المطالب المكتوبة , هما بقى مين , ما يلزمنيش طالما المطالب في صالح الشعب, بس

المشاركة الأصلية كتبت بواسطة afrtow

ميدان التحرير دلوقتي اصبح مهنه من لا مهنه له
امال ايه اللي يخلي التليفزيونات والاعلام يصورهم
واذاي يخدوا تمويلات من المعونه الامريكيه وما شابهها
هيه سببوبه عند اغلبهم والباقي بيجري وراء السراب
ربنا يعدي الشهور الجايه علي خير عشان انا مش مطمن
وشكرا

اه و الثورة عملها عملاء امريكان و اسرائيليين و ايرانيين و حماسيين و خلية حزب الله و ولا يوم من ايامك يا مبارك , فاهم انا
رجاء النظر الى عنوان الموضوع

استاذ تامر .تقديرى واحتلرامى لحضرتك .انا اعلم ان حضرتك نيتك خير وعايز فعلا ان المطالب دى كلها تتحقق .وعايز مصلحة مصر والمصريين .لكن فى النهاية ده مش غرض الناس كلها ولا هدفهم واكيد بين الناس دى كتير مش نيتهم مصلحة البلد .فى ناس بتدور على مصالح شخصية .
وفى ناس مش عايزين الاستقرار نهائى .
وفى ناس عايزة تخربها .
وفى ناس مش فارق معاها لا الشهداء ولا حقوق اهاليهم .
بس هيه شعارات حلوة تمس قلوب المصريين العاطفيين بطبعهم . .
يعنى صعب ننساق وراء اى هدف نبيل لاْن احيانا بتبقى الناس اهدافها مغرضة وغير نبيلة .ولا اهداف بناءة لمصلحة مصر وشعبها
اتمنى اكون وضحت لحضرتك وجهة نظرى
واخيرا تقبل احترامى