موضوع صاروخ و هاااام .. تفسيرنا الخاطئ لكتيب الضمان و الصيانة

أحبائي أعضاء قسم نيسان نادي نايل موتورز


http://img703.imageshack.us/img703/2068/nissano.jpg

النهاردة بقي جايبلكم موضوع مش عادي و غائب علي كتير مننا دا اذا مكانش كلنا و هو كيفية قراءة و استعمال الجدول الزمني للصيانة ؟؟

و انا بقرأ الكتيب لاقيت جملة شدتني و منها ابتديت افر كتيب الضمان و هي : في الصفحة رقم M-5 ان الكيلومترات (الاميال) او الاشهر مدونة في اعلي السجل لتذكيرك بحاجة المركبة للصيانة إما بعد عدد محدد من الكيلومترات (الاميال) او الاشهر , ايهما يسبق ذلك التحديد ..

و اللي مكتوب في اعلي الصفحات لكتيب الضمان الآتي

5000 كيلو / 3 اشهر
10000 كيلو / 6 اشهر
15000 كيلو / 9 اشهر
20000 كيلو / 12 شهر
25000 كيلو / 15 شهر
30000 كيلو / 18 شهر
35000 كيلو / 21 شهر
40000 كيلو / 24 شهر
45000 كيلو / 27 شهر
50000 كيلو / 30 شهر
55000 كيلو / 33 شهر
60000 كيلو / 36 شهر

و هكذا ...........

طبعا يا جماعة انا حطيت في الصيانات لغاية 3 سنوات و هي 36 شهر او 60000 كيلو

عارفيين بقي ايه معني الكلام ده يعني .. معناه اننا بنتعامل مع الصيانات بطريقة خاطئة و هي اننا نعمل الصيانة ايهما اقرب اما عدد الكيلوات او بعدد الاشهر ايهما اسبق

يعني مثال :

انا عربيتي دلوقتي عاملة 25000 كيلومتر و العربية بقالها معايا بالظبط من يناير 2009 و حتي الآن يونيو 2011 يعني بالظبط 30 شهر يعني المفروض دلوقتي اعمل صيانة الـ 50000 كيلو و ليس صيانة الـ 25000 كيلو


طبعا يا جماعة لو شوفنا كتيب الصيانة فيه صيانة في ظروف عاديه و صيانة في ظروق قاسية فمن هنا تفتكروا مصر في اي ظروف مع "البلاعات و المطبات و الجو المتغير بالاتربة .. وهكذا ..

تفتكروا ان المشاكل اللي بتقابلنا في العربيات اللي معانا بسبب ان احنا مش بنقيس صح مدة الصيانات اللي بنعملها و لا ايه الحكاية


أرجوا من كل عضو في القسم و بالمنتدي كله التفاعل لأن الموضوع مش سهل و اكيد في حاجات في العربية ليها وقت و لازم بتتغير لأن مش معقول كتيب الضمان زكر المعلومات ديه بدون داعي ..

منتظر الآراء .....

م / بيشوي

موضوع مهم ولفت نظر هايل يا بيشوى .. بس اكيد فى التوكيل لو فى اى حاجة كانو قالولنا .. هما ماشين بنظام الكيلوهات

والحاجة الوحيدة اللى اعرفها هو الزيت انه ميعديش سنة لو حاطط زيت 10الاف
فيعنى عشان موضوع السوائل والزيوت اللى فى العربية
ويمكن بيجبرك عشان تروح ليهم .. عشان فى ناس بتكون عاملة 5000 كيلو ورافعة العربية ومسافرة سنيتن مثلا .. فممكن يقولك انه كدا خرج بره الضمان


باذن الله حسالكم علي على الموضوع ده عشان مش عاوزين نفتى فيه , ونعرف الصح فى ايه .. فحسال كذا مهندس فى كذا مركز .. عشان احيانا كل مهندس برائ مختلف


واللى عنده الملعومة من الاعضاء والاجابة الصح يجاوبنا .. بس لو عنده ملعومة متاكد منها

اللى حيدخل يقول بالتخيل .. ويثير فتن .. اللى يرضى عليكم بلاش .. وخاليه يكتفى بالمشاهدة افضل

تحياتى

بالمنطق يا بيشوى نفكر فيها سوا
هل اللى هارى العربية مشاوير و سفر زى اللى بيستخدمها خفافى جوه مدينته؟؟؟
من هنا جه الاختلاف

لو من النوع اللى بيجرى و بيعمل مسافات جامدة يبقى يمشى عالكيلوهات حتى لو فاسبوعين تلاتة
و لو من النوع الخفافى يبقى الصيانة كل 3 شهور حتى لو مامشيتش الفين تلاتة

ده الطبيعى واللى معظمنا اظن انه فاهم كدة والله اعلم
برضه اسالو ف التوكيل و شوفو رايهم هناك؟؟

معلومه مفيده جدا يابيشوي

صباح الفل يابيشوي
معلومه جميله وعلشان كده في مواضيعي باكتب الاتنين وبره مصر فعلا بيمشوا كده ولما سألت قالوا لي لان القطع لما بتركب في العربيه سواء بتتحرك بالعربيه او لا هي لها عمر يعني زي الكاوتش والسيور لو بتستهلكها كتير يبقي هنمشي علي الكيلومتر هو الاقرب طيب لو مركونه الخواص بتاع الجلد بينشف وتتغير ويبقي نمشي علي الشهور وهكذا الزيوت وخلافه وده طبعا في اساسيات الصيانه الدوريه (زيت بانواعه-فلاتر-كاوتش.....
شكرا علي ايضاح النقطه دي.
وفي انتظار رد احمد مع الصيانه هنا

اقتباس:

---

المشاركة الأصلية كتبت بواسطة dr_ahmedrady

بالمنطق يا بيشوى نفكر فيها سوا
هل اللى هارى العربية مشاوير و سفر زى اللى بيستخدمها خفافى جوه مدينته؟؟؟
من هنا جه الاختلاف

لو من النوع اللى بيجرى و بيعمل مسافات جامدة يبقى يمشى عالكيلوهات حتى لو فاسبوعين تلاتة
و لو من النوع الخفافى يبقى الصيانة كل 3 شهور حتى لو مامشيتش الفين تلاتة

ده الطبيعى واللى معظمنا اظن انه فاهم كدة والله اعلم
برضه اسالو ف التوكيل و شوفو رايهم هناك؟؟

---

+111111111111111111111

الكلام كدة مضبوط يا وليد

لان الوقت بردو بياثر علي حاجات في العربية فلازم ناخد بالنا من موضوع الوقت دة

اقتباس:

---

المشاركة الأصلية كتبت بواسطة ahmed.tv

موضوع مهم ولفت نظر هايل يا بيشوى .. بس اكيد فى التوكيل لو فى اى حاجة كانو قالولنا .. هما ماشين بنظام الكيلوهات

والحاجة الوحيدة اللى اعرفها هو الزيت انه ميعديش سنة لو حاطط زيت 10الاف
فيعنى عشان موضوع السوائل والزيوت اللى فى العربية
ويمكن بيجبرك عشان تروح ليهم .. عشان فى ناس بتكون عاملة 5000 كيلو ورافعة العربية ومسافرة سنيتن مثلا .. فممكن يقولك انه كدا خرج بره الضمان


باذن الله حسالكم علي على الموضوع ده عشان مش عاوزين نفتى فيه , ونعرف الصح فى ايه .. فحسال كذا مهندس فى كذا مركز .. عشان احيانا كل مهندس برائ مختلف


واللى عنده الملعومة من الاعضاء والاجابة الصح يجاوبنا .. بس لو عنده ملعومة متاكد منها

اللى حيدخل يقول بالتخيل .. ويثير فتن .. اللى يرضى عليكم بلاش .. وخاليه يكتفى بالمشاهدة افضل

تحياتى

---

كلام موزون برضو
عندك حق

متابع باهتمام...

معلومة هامة جدا فعلا
لكن أنا بلاحظ بعد كل صيانه المهندس بيقولي ان شاء الله منتظرينك في صيانة الـ 10000 ( مثلا )
وده معناه انهم ماشيين بالكيلومترات
والله أعلم
ولو حد من الصقور يقدر يسأل مكان موثوق فيه يبقى مشكور

قبل ما ارد علي مشاركتكم في الموضوع عايز انوه علي حاجه فكرت فيها النهارده و هامة جدا و هي :

انتوا عارفين ممكن يكون التوكيل مكبر دماغه من موضوع الصيانات حسب كتيب الضمان ليه ؟ .... يعني مكبر دماغه من موضوع الاطار الزمني لأن لو احنا مشينا بالاطار الزمني يعني بالشهور .. اكيد دا هيكون خراب بيوت للعميل و دا علي ما نعمل مثلا في 3 سنين صيانة الـ 60000 كيلو كده هنكون دفعنا حوالي 1/8 ثمن العربية او اقل بشوية فطبعا بكده محدش هيعتب باب التوكيل و بكده التوكيل هيخسر العملاء .. فممكن يكون ماشي علي استراتيجية الكيلوات رغم الخطأ لأنه غير متبع لكتيب الصيانة عشان يحافظ علي العميل و برده التوكيل كسبان .. ليه بقي .. لأنه لو مشي علي الكيلوات و مغيرش الحاجات اللي المفروض تتغير بعد عدد شهور معينة كما كتب في كتيب الصيانة يبقي كده بيفتحلوا باب رزق جديد من الصيانات او المشكلات التي ستحدث للعربية نتيجة لعدم اتباعه للاطار الزمني لكتيب الضمان و الصيانة و تغيير القطع المستهلكة فعليا و ليكن مثلا البوجيهات اللي بتتغير كل 20000 كيلو مع انها بالاطار الزمني المفروض تتغير كل سنة .

ايه رأيكوا بقي في اللي اتكتب ده ؟؟؟؟

اقتباس:

---

المشاركة الأصلية كتبت بواسطة ahmed.tv

موضوع مهم ولفت نظر هايل يا بيشوى .. بس اكيد فى التوكيل لو فى اى حاجة كانو قالولنا .. هما ماشين بنظام الكيلوهات

والحاجة الوحيدة اللى اعرفها هو الزيت انه ميعديش سنة لو حاطط زيت 10الاف
فيعنى عشان موضوع السوائل والزيوت اللى فى العربية
ويمكن بيجبرك عشان تروح ليهم .. عشان فى ناس بتكون عاملة 5000 كيلو ورافعة العربية ومسافرة سنيتن مثلا .. فممكن يقولك انه كدا خرج بره الضمان


باذن الله حسالكم علي على الموضوع ده عشان مش عاوزين نفتى فيه , ونعرف الصح فى ايه .. فحسال كذا مهندس فى كذا مركز .. عشان احيانا كل مهندس برائ مختلف


واللى عنده الملعومة من الاعضاء والاجابة الصح يجاوبنا .. بس لو عنده ملعومة متاكد منها

اللى حيدخل يقول بالتخيل .. ويثير فتن .. اللى يرضى عليكم بلاش .. وخاليه يكتفى بالمشاهدة افضل

تحياتى

---

متشكر يا احمد علي اهتمامك بالموضوع لأنه مهم جدا فعلا و محتاج السؤال لأكثر من توكيل و كمان عايزك تقرأ المشاركة اللي كتبتها قبل ديه و تقولي ايه رايك..

اقتباس:

---

المشاركة الأصلية كتبت بواسطة dr_ahmedrady

بالمنطق يا بيشوى نفكر فيها سوا
هل اللى هارى العربية مشاوير و سفر زى اللى بيستخدمها خفافى جوه مدينته؟؟؟
من هنا جه الاختلاف

لو من النوع اللى بيجرى و بيعمل مسافات جامدة يبقى يمشى عالكيلوهات حتى لو فاسبوعين تلاتة
و لو من النوع الخفافى يبقى الصيانة كل 3 شهور حتى لو مامشيتش الفين تلاتة

ده الطبيعى واللى معظمنا اظن انه فاهم كدة والله اعلم
برضه اسالو ف التوكيل و شوفو رايهم هناك؟؟

---

انا معاك طبعا في كل اللي انت قولته يا دكتور قلبا و قالبا ً و هو ان اللي بيسافر يعمل صيانته علي الكيلوات و اللي جوا البلد ياخدها بالاشهر ...
لكن بختلف معاك في نقطة و هي ان جوا البلد ميتسماش خفافي خالص بالعكس دا العربية بتتهري جوا البلد و الموتور بيتخنأ غير لما تكون في سفريات او طريق مفتوح .. العربية مش بتتهان في السفريات زي جوا البلد .. يعني مثلا التكييف لما تشغله في السفريات مش زي تشغيله جوا البلد و بيهري في الموتور .. و لما تاخد بيارة مفتوحة عي الطريق السريع و انت بسرعتك مش زي ما تخدها جوا البلد .. طبعا شاكر مرورك و منتظر بقية الاراء

اقتباس:

---

المشاركة الأصلية كتبت بواسطة walidadel

معلومه مفيده جدا يابيشوي

---

لأ يا وليد متدخلش تقولي معلومة مفيدة و تجري :)))) لا يا حبيبي دا انت قناة المعلومات .. عايزك تقول رأيك فعلا و تتناقش معانا لأن الموضوع ده مش لازم يعدي بالسهل كده لأن ممكن تكون المشاكل اللي بنوجهها تكون بسبب الصيانات و الا ايه رايك ؟؟

اقتباس:

---

المشاركة الأصلية كتبت بواسطة samsong

صباح الفل يابيشوي
معلومه جميله وعلشان كده في مواضيعي باكتب الاتنين وبره مصر فعلا بيمشوا كده ولما سألت قالوا لي لان القطع لما بتركب في العربيه سواء بتتحرك بالعربيه او لا هي لها عمر يعني زي الكاوتش والسيور لو بتستهلكها كتير يبقي هنمشي علي الكيلومتر هو الاقرب طيب لو مركونه الخواص بتاع الجلد بينشف وتتغير ويبقي نمشي علي الشهور وهكذا الزيوت وخلافه وده طبعا في اساسيات الصيانه الدوريه (زيت بانواعه-فلاتر-كاوتش.....
شكرا علي ايضاح النقطه دي.
وفي انتظار رد احمد مع الصيانه هنا

---

مساء الفل كابتن سامي .. معلش عشان انا داخل العصر
شوف حضرتك لا يصح الا الصحيح و لازم فعلا ندور جديا ً في الموضوع ده لأن بصراحة انا عربيتي بتعامل معاها زي البيت بالظبط يعني بسيب البيت عشان ادخل بيت تاني .. فلازم ندور علي كيفية الحفاظ عليها و كمان نشوف موضوع الصيانة و ترتيبه من التوكيل ده صح و لا احنا بنفكر غلط مع اني مستبعدها بصراحة

اقتباس:

---

المشاركة الأصلية كتبت بواسطة ahmed_hanafi

+111111111111111111111

الكلام كدة مضبوط يا وليد

لان الوقت بردو بياثر علي حاجات في العربية فلازم ناخد بالنا من موضوع الوقت دة

---

تمام يا احمد باشا و شاكر مرورك الكريم و نورتنا

اقتباس:

---

المشاركة الأصلية كتبت بواسطة sehry

معلومة هامة جدا فعلا
لكن أنا بلاحظ بعد كل صيانه المهندس بيقولي ان شاء الله منتظرينك في صيانة الـ 10000 ( مثلا )
وده معناه انهم ماشيين بالكيلومترات
والله أعلم
ولو حد من الصقور يقدر يسأل مكان موثوق فيه يبقى مشكور

---

ماهو ده اللي انا مستغرب له .. يعني يقولي اشوفك في صيانة بالكيلومتر و هو ميعرفش استهلاكي للعربية اد ايه .. طيب تيجي ازاي ديه ؟ .. شاكر مرورك الكريم

في انتظار التاكد يابشوي بس بره هما بيعملوها اما الوقت او كم ايهم اقرب

أسمحولي أتطفل وأشارك معاكم .. ومعايا وسطتي (المعلم الكبير أحمد تي في) وبتحامى فيه وداخل على حسه حد معترض على حاجة ؟! ومحدش يضرب .. هههههههههه

النظام ده مفعله أبو الفتوح (توكيل اسبرانزا) .. ومن وجهة نظري ده نوع من أنواع الابتزاز للعملاء تحت شعار المحافظة على السيارة ولو ملتزمش بيه العميل بيخرج من الضمان .. وهو بكدة بيستفاد بحاجتين أول حاجة أنه بيسرع عجلة الضمان علشان يخلصه بسرعة (سواء الكيلو متر أو مدة الضمان أيهما أقرب) وبالبلدي كدة بيحاول يخرج أكبر قدر ممكن من العملاء من الضمان للي ملتزمش بالمدة الزمنية (بغض النظر عن الكيلو متر) .

وتاني حاجة أنه بياخد تمن الصيانات دي في أسرع وقت ممكن علشان يسرع دورة رأس المال .. يعني بالبلدي برضه بيحاول يطلع أكبر قدر من الفلوس من العميل قبل ما يطلع من الضمان .

ومن وجهة نظري أن الموضوع ده يكون مفيد في حالة واحدة فقط لو أنا رافع العربية ومش بستعملها بشكل تام لمدة تزيد عن 3 أشهر . إنما لو العربية بتخرج ولو مرة في الأسبوع ولمسافة 10 كيلو مثلاً فده مش حيضر العربية خالص .. اللي يضر العربية فعلاً هو ركنتها التامة بدون استعمال .. وتقبلوا تحياتي يا أحلى صقور .

يا باسم باشا المكان مكانك وبتنورنا دايما بوجود .. وحقيقى شرف لينا وجود انسان محترم مثلك فى قسم نيسان مع الصقور
............
انا سالت فى الموضوع ده .. واللى اتقلى وعرفته كالاتى

الكل ماشى بنظام الكيلو متر .. طالما انت منتظم على الصيانات فى مواعدها

ولكن نظام الشهور ده عشان مثلا .. لو واحد عامل صيانة الف او 5000 وغاب سنتين مثلا او سنة ومجاش عمل صيانات بعد الالف او بعد ال5000.. فبيقولوله انت كدا مفروض تعمل صيانة كذا لان ده معادها حسب المدة اللى انقطعت عليها

لان مثلا لو جه بعد سنتين .. حيخليوه يعمل صيانة الاربعين عشان زيت الفتيس مفروض يتغير .. عشان ميقعدش اكتر من كدا

والكلام ده سالت فيه مركزين خدمة .. ولسه حسال تانى عشان زيادة التاكيد

اقتباس:

---

المشاركة الأصلية كتبت بواسطة samsong

في انتظار التاكد يابشوي بس بره هما بيعملوها اما الوقت او كم ايهم اقرب

---

انا شايف برده يا كابتن ان ده الصح و حضرتك عارف ان بره الطرق مش زي مصر ابدا يعني العربية مش بتتبهدل بره زي مصر .. يبقي كتيب الضمان هو الصح

اقتباس:

---

المشاركة الأصلية كتبت بواسطة ziabassem

أسمحولي أتطفل وأشارك معاكم .. ومعايا وسطتي (المعلم الكبير أحمد تي في) وبتحامى فيه وداخل على حسه حد معترض على حاجة ؟! ومحدش يضرب .. هههههههههه

النظام ده مفعله أبو الفتوح (توكيل اسبرانزا) .. ومن وجهة نظري ده نوع من أنواع الابتزاز للعملاء تحت شعار المحافظة على السيارة ولو ملتزمش بيه العميل بيخرج من الضمان .. وهو بكدة بيستفاد بحاجتين أول حاجة أنه بيسرع عجلة الضمان علشان يخلصه بسرعة (سواء الكيلو متر أو مدة الضمان أيهما أقرب) وبالبلدي كدة بيحاول يخرج أكبر قدر ممكن من العملاء من الضمان للي ملتزمش بالمدة الزمنية (بغض النظر عن الكيلو متر) .

وتاني حاجة أنه بياخد تمن الصيانات دي في أسرع وقت ممكن علشان يسرع دورة رأس المال .. يعني بالبلدي برضه بيحاول يطلع أكبر قدر من الفلوس من العميل قبل ما يطلع من الضمان .

ومن وجهة نظري أن الموضوع ده يكون مفيد في حالة واحدة فقط لو أنا رافع العربية ومش بستعملها بشكل تام لمدة تزيد عن 3 أشهر . إنما لو العربية بتخرج ولو مرة في الأسبوع ولمسافة 10 كيلو مثلاً فده مش حيضر العربية خالص .. اللي يضر العربية فعلاً هو ركنتها التامة بدون استعمال .. وتقبلوا تحياتي يا أحلى صقور .

---

يا باسم باشا انت نورتنا بجد في قسم نيسان و اهلا بيك .. انت عارف الموضوع ده انا عمله ليه مخصوص .. هل استخدمنا لكتيب الصيانة و الضمان خاطئ يعني لو بنعمل الصيانات حسب الكتيب هل مش هنلاقي المشاكل اللي بتقابلنا وسط الصيانات ؟؟ .. و هو علي رأيك هو اصلا ايه مصلحة التوكيل غير انه يلم فلوس و يكبر في رأس المال

اقتباس:

---

المشاركة الأصلية كتبت بواسطة ahmed.tv

يا باسم باشا المكان مكانك وبتنورنا دايما بوجود .. وحقيقى شرف لينا وجود انسان محترم مثلك فى قسم نيسان مع الصقور
............
انا سالت فى الموضوع ده .. واللى اتقلى وعرفته كالاتى

الكل ماشى بنظام الكيلو متر .. طالما انت منتظم على الصيانات فى مواعدها

ولكن نظام الشهور ده عشان مثلا .. لو واحد عامل صيانة الف او 5000 وغاب سنتين مثلا او سنة ومجاش عمل صيانات بعد الالف او بعد ال5000.. فبيقولوله انت كدا مفروض تعمل صيانة كذا لان ده معادها حسب المدة اللى انقطعت عليها

لان مثلا لو جه بعد سنتين .. حيخليوه يعمل صيانة الاربعين عشان زيت الفتيس مفروض يتغير .. عشان ميقعدش اكتر من كدا

والكلام ده سالت فيه مركزين خدمة .. ولسه حسال تانى عشان زيادة التاكيد

---

برده يا احمد انا شايف ان الموضوع فيه إن .. ليه بقي
افرض ركنت العربية فترة فعلا و بعدين جيت اعملها صيانة .. الاقيه بيقولي في الصيانة ديه المفروض اغير مثلا تيل فرامل .. دا علي سبيل المثال ..
لأ الموضوع اكبر من كده و لازم نشوف بنفسنا ايه اللي المفروض نعمله ..

الموضوع مش كبير ولا حاجة .. لان لو فى انا كنت عرفت يا بيشو

خالى بالك لو على كلامك ده حيمشوا معاك بالتقدير .. بمعنى .. حيشوفوا اخر صيانة عملتها امتى بعد ما ركنت العربية .ز وحيكشفوا على العربية ولو التيل مش تمام حيسبوه .. وحيقدورا ايه اللى يتعمل فى العربية من صيانة مثلا الاربعين .. ممكن يقولك حتعمل منها مثلا تغير فلتر هوا وزيت فتيس .. والتيل سليم ومفهوش حاجة .. فبترجع للتقدير .. وبيغيروا الاهم .. اللى بيتضرر من الركنة

والموضوع والحكاية مفهاش اكتر من كدا صدقنى .. ومش قصة فلوس عشان يمشونا عليها .. لو لو جابك بالمدد دى فى حاجات حتكون سليمة وهى بتتغير واكيد الناس واعية بردوا ومش حتوافق بكدا .. لان هو ده الصح

وانا سالت .. والاتنين اللى سالتهم نفس الكلام .. وزيادة التاكيد .ز حتاكد تانى وتالت ..

بس الناس دى كلها شغالة على سستم واحد .. بكل مراكز الخدمة المختلفة .. بنظام الكيلوهات .. مش الشهور

والشهور لو فى حالة الانقطاع مش اكتر

تحياتى

اقتباس:

---

المشاركة الأصلية كتبت بواسطة ahmed.tv

يا باسم باشا المكان مكانك وبتنورنا دايما بوجود .. وحقيقى شرف لينا وجود انسان محترم مثلك فى قسم نيسان مع الصقور
ربنا يخليك يا أبو حميد .. ودايماً عامر قسم النيسان بأعضاءه الجامدين .
............
انا سالت فى الموضوع ده .. واللى اتقلى وعرفته كالاتى

الكل ماشى بنظام الكيلو متر .. طالما انت منتظم على الصيانات فى مواعدها

ولكن نظام الشهور ده عشان مثلا .. لو واحد عامل صيانة الف او 5000 وغاب سنتين مثلا او سنة ومجاش عمل صيانات بعد الالف او بعد ال5000.. فبيقولوله انت كدا مفروض تعمل صيانة كذا لان ده معادها حسب المدة اللى انقطعت عليها

لان مثلا لو جه بعد سنتين .. حيخليوه يعمل صيانة الاربعين عشان زيت الفتيس مفروض يتغير .. عشان ميقعدش اكتر من كدا
طب الزيت ماشي .. إنما لو قطعة غيار جه ميعاد تغيرها (على حسب الشهور)حتتغير برضه .. ولا حيسيبوها لحد ما يجي ميعاد تغيرها (على حسب الكيلو متر) .
والكلام ده سالت فيه مركزين خدمة .. ولسه حسال تانى عشان زيادة التاكيد

---

اقتباس:

---

المشاركة الأصلية كتبت بواسطة peaceman

يا باسم باشا انت نورتنا بجد في قسم نيسان و اهلا بيك ربنا يخليك يا بيشوي بك والقسم منورررررر بأصحابه

انت عارف الموضوع ده انا عمله ليه مخصوص أوعى تقول علشان أخد بالي في صيانات الـ128 بتاعتي ههههههههه

هل استخدمنا لكتيب الصيانة و الضمان خاطئ يعني لو بنعمل الصيانات حسب الكتيب هل مش هنلاقي المشاكل اللي بتقابلنا وسط الصيانات ؟؟ المشاكل اللي بتبقى بين الصيانات واردة في أي عربية لأي ظرف طارئ أو عيب صناعة أو لظروف تشغيلها .. وعلى فكرة كلامك ده وردي عليه بيدعم موضوع الصيانة على حسب الشهور (بس يكون بحسن نية من التوكيل)

---

أنا سألت وأستقصيت على النظام اللي عامله أبو الفتوح بتاع ميعاد الصيانة على حسب الكيلو متر أو كل 3 أشهر أيهما أقرب .. وكان الجواب أنه لو مكملش عدد الكيلو مترات بتاع الصيانة وعدى 3 أشهر يبقى من المفروض يروح التوكيل يعمل "تشك" على العربية ويدفع مبلغ (120ج تقريباً) .. وبعد كدة لما يجي ميعاد الصيانة (على حسب الكيلو متر) يروح يعملها .. وطبعاً مش حوضح الغرض من كدة أيه لأنه واضح للجميع بالرغم من ظاهرية حسن النية ولصالح السيارة .

وفي النهاية أعتقد أن كل ده اللي بيحدده سياسة التوكيل اللي بيتم وضعها على حسب ثقافة المجتمع اللي فيه السيارة .. بمعنى أن مثلاً طبيعة الشعب بتاعنا لا يتقبل موضوع حساب الصيانات بالشهور ويفضلها بالكيلو متر .. بالرغم من أفضلية الصيانة على حسب الشهور .. ويتضح ذلك من تذمر العملاء من توكيل اسبرانزا بسبب هذا الموضوع .. لأن كتير منهم خرج من الضمان بسبب هذا الموضوع .

زي ما فيه ثقافة خاطئة بخصوص الكاوتش اللي المفروض يتغير بعد عدد معين من الكيلومترات مهما كانت حالتها .. إنما عندنا بيحصل العكس بتفضل الفردة راكبة لحد ما يطلع عينها وبعد كدة تتغير رغم أن ده غلط وممكن يتسبب في كوارث .

اقتباس:

---

المشاركة الأصلية كتبت بواسطة ahmed.tv

الموضوع مش كبير ولا حاجة .. لان لو فى انا كنت عرفت يا بيشو

خالى بالك لو على كلامك ده حيمشوا معاك بالتقدير .. بمعنى .. حيشوفوا اخر صيانة عملتها امتى بعد ما ركنت العربية .ز وحيكشفوا على العربية ولو التيل مش تمام حيسبوه .. وحيقدورا ايه اللى يتعمل فى العربية من صيانة مثلا الاربعين .. ممكن يقولك حتعمل منها مثلا تغير فلتر هوا وزيت فتيس .. والتيل سليم ومفهوش حاجة .. فبترجع للتقدير .. وبيغيروا الاهم .. اللى بيتضرر من الركنة

والموضوع والحكاية مفهاش اكتر من كدا صدقنى .. ومش قصة فلوس عشان يمشونا عليها .. لو لو جابك بالمدد دى فى حاجات حتكون سليمة وهى بتتغير واكيد الناس واعية بردوا ومش حتوافق بكدا .. لان هو ده الصح

وانا سالت .. والاتنين اللى سالتهم نفس الكلام .. وزيادة التاكيد .ز حتاكد تانى وتالت ..

بس الناس دى كلها شغالة على سستم واحد .. بكل مراكز الخدمة المختلفة .. بنظام الكيلوهات .. مش الشهور

والشهور لو فى حالة الانقطاع مش اكتر

تحياتى

---

تمام الكلام ده .. وتوكيل نيسان من أفضل التوكيلات في مصر فعلاً لا قولاً .

صباح الخير يابيشوي

متابع معاك حتي نصل لرؤيه واضحه ومحدده.

وياريت تحطلنا الخلاصه للموضوع ان شاء الله بعد كل الي سال في التوكيل ما يكتب الي قالوه علشان يبقي الموضوع مثمر .

وموضوع مهم وقيم لفهم الضمان..

شكرا لك....

اقتباس:

---

المشاركة الأصلية كتبت بواسطة الصياد جروب

لما التوكيل يحب يلغى الضمان معاك هايقول ما بيعملش الصيانات فى توقيتها سواء فترة او كم
طيب لو الامور ماشية تمام و مافيش مشاكل يبقى خلاص يمشى معاك على ال كم

---

الله ينور عليك .. وهو ده اللي بيلعب عليه بعض التوكيلات .. لو عاوز تغير حاجة كبيرة في الضمان يبتدي يدور ليك على أي سبب علشان يخرجك من الضمان .. ولو ملقاش أي سبب يقولك أصل الحاجة مش موجودة .. مع أنك لو سألت على نفس الحاجة علشان تشتريها (مش تغيرها في الضمان) يرحب بيك ويقولك موجودة .

اقتباس:

---

المشاركة الأصلية كتبت بواسطة samsong

صباح الخير يابيشوي

متابع معاك حتي نصل لرؤيه واضحه ومحدده.

وياريت تحطلنا الخلاصه للموضوع ان شاء الله بعد كل الي سال في التوكيل ما يكتب الي قالوه علشان يبقي الموضوع مثمر .

وموضوع مهم وقيم لفهم الضمان..

شكرا لك....

---

صباح الفل كابتن سامي
فعلا احنا عايزيين نتابع الموضوع ده كويس لأن بصراحة انا في حيرة غير عادية و المفروض اني اعمل صيانة و كده قدامي كذا اختيار و مش عارف اعمل ايه و هوضح اكتر في المشاركة اللي جاية ديه
و انا اللي متشكر ليك لمتابعتك الهامة .. الي ss حول

اقتباس:

---

المشاركة الأصلية كتبت بواسطة ziabassem

الله ينور عليك .. وهو ده اللي بيلعب عليه بعض التوكيلات .. لو عاوز تغير حاجة كبيرة في الضمان يبتدي يدور ليك على أي سبب علشان يخرجك من الضمان .. ولو ملقاش أي سبب يقولك أصل الحاجة مش موجودة .. مع أنك لو سألت على نفس الحاجة علشان تشتريها (مش تغيرها في الضمان) يرحب بيك ويقولك موجودة .

---

ربنا يستر و احنا يا جماعة كل اللي عايزينه فقط مدي احترام التوكيل لكتيب الضمان و تعليماته .. هل ده بيشكل خطورة او مشاكل لعربياتنا و لا ايه النظام بالظبط

طيب احنا دلوقتي موصلناش لحاجه خالص و انا واخد الموضوع بخطوات سهلة و قليلة لكن ممكن نسرع الخطوات شوية و هوضع نفسي تحت الاختبار قدامكم و استني منكم تقييمكم اللي هيفدنا كلنا ان شاء الله و ياريت الخبراء يدخلوا و يساعدونا


عربيتي 2009 اوتوماتيك و دلوقتي دخلت في 30 شهر يعني سنتين و نص بالظبط و عاملة دلوقتي 26000 كيلومتر

و المفروض علي سبيل المثال البوجيهات تتغير كل 12 شهر و انا سواقتي جوا البلد كتيرة و كمان بدور العربية و ببطلها اكتر من 20 مرة في اليوم و ده طبعا بيأثر علي البوجيهات و عشان البوجيهات تتغير قدامي لسة 14000 كيلومتر يبقي كده امشي علي الكيلومتر ولا المعدل الزمني اي الشهور و طبعا احنا عارفيين مدي تأثير البوجيهات علي استهلاك البنزين

يا جماعه دي حاجه صغيرة علي سبيل المثال مش اكتر و برده الزيوت و السوائل ليها مدة معينة و لازم تتغير فانا شايف ان المعدل الزمني ده مهم جدا عن الكيلومترات

المهم

انا المفروض هعمل صيانة مثلا بعد 3 شهور
تفتكروا اعمل صيانة ايه الاهم ..
هل الـ 30000 ولا 40000 الف ولا 50000 "اللي المفروض اعملها دلوقتي لأن عربيتي بقالها 30 شهر معايا" ولا 60000 الف اللي العربية هتكون بقت معايا 3 سنين و هتكون اخر صيانة في الضمان ؟؟؟؟

انتوا حاسيين ان الموضوع اتكلكع شوية ولا ايه ؟؟
انا بعمل ده فقط علي سبيل المثال لعربيتي يعني لو كل واحد شاف عربيته هنلاقي الحكاوي مختلفة تماما ..

منتظر أرائكم و نفكر مع بعض ..

حضرتك لفت نظرنا طبعا لحاجة مهمة جدااا بالرغم من انى مش معايا سيارة حاليا لاكن استفدت من فكرة موضوع حضرتك جزاك الله خيرا على الشرح

اقتباس:

---

المشاركة الأصلية كتبت بواسطة peaceman

طيب احنا دلوقتي موصلناش لحاجه خالص و انا واخد الموضوع بخطوات سهلة و قليلة لكن ممكن نسرع الخطوات شوية و هوضع نفسي تحت الاختبار قدامكم و استني منكم تقييمكم اللي هيفدنا كلنا ان شاء الله و ياريت الخبراء يدخلوا و يساعدونا

عربيتي 2009 اوتوماتيك و دلوقتي دخلت في 30 شهر يعني سنتين و نص بالظبط و عاملة دلوقتي 26000 كيلومتر

و المفروض علي سبيل المثال البوجيهات تتغير كل 12 شهر و انا سواقتي جوا البلد كتيرة و كمان بدور العربية و ببطلها اكتر من 20 مرة في اليوم و ده طبعا بيأثر علي البوجيهات و عشان البوجيهات تتغير قدامي لسة 14000 كيلومتر يبقي كده امشي علي الكيلومتر ولا المعدل الزمني اي الشهور و طبعا احنا عارفيين مدي تأثير البوجيهات علي استهلاك البنزين

يا جماعه دي حاجه صغيرة علي سبيل المثال مش اكتر و برده الزيوت و السوائل ليها مدة معينة و لازم تتغير فانا شايف ان المعدل الزمني ده مهم جدا عن الكيلومترات

المهم

انا المفروض هعمل صيانة مثلا بعد 3 شهور
تفتكروا اعمل صيانة ايه الاهم ..
هل الـ 30000 ولا 40000 الف ولا 50000 "اللي المفروض اعملها دلوقتي لأن عربيتي بقالها 30 شهر معايا" ولا 60000 الف اللي العربية هتكون بقت معايا 3 سنين و هتكون اخر صيانة في الضمان ؟؟؟؟

انتوا حاسيين ان الموضوع اتكلكع شوية ولا ايه ؟؟
انا بعمل ده فقط علي سبيل المثال لعربيتي يعني لو كل واحد شاف عربيته هنلاقي الحكاوي مختلفة تماما ..

منتظر أرائكم و نفكر مع بعض ..

---

معاك حق وفي انتظار المزيد من الاراء والمساعدات لنصل لراي

اقتباس:

---

المشاركة الأصلية كتبت بواسطة mohamed.ramah

حضرتك لفت نظرنا طبعا لحاجة مهمة جدااا بالرغم من انى مش معايا سيارة حاليا لاكن استفدت من فكرة موضوع حضرتك جزاك الله خيرا على الشرح

---

اذيك يا محمد عامل ايه .. فينك يا جميل
شاكر مرورك الكريم و متابتعتك

السلام عليكم،

نيجى للأساسيات، الصيانة بتكون على الفترات او عدد الكيلومترات ايهما اقربّ، دة الاساس. طب القياس بيكون ازاى حسب البند، ناخد مثال البوجيهات لو عدت سنة بس لسة معدش عدد الكليومتر (زى Peaceman) وفاضل كتير فى الحالة دى الفيصل حالة البوجية ماشى ولا فية قصور فى الاداء وفى حالة انة شغال يبقى بتخلية لفترة اطول (لان عمرة بيتقاس بالكيلوميتر ومفيهوش اجزاء بتتلف مع الوقت). السيور الكلام يختلف لان الكاوتش لية عمر افتراضى (زمنى بالشهور او استخدام بالكيلوميتر) لازم بعدة يتغير وكذلك الزيوت.
كتيب الضمان بيذكر الصيانة فى الحالة العادية ودى مفروض تكون الاستخدام الامثل (متوسط 5000 كيلو كل 3 شهور) وبيذكر الاستخدام القاسى ودة احد بنودة استخدام السيارة فى مشاوير قصيرة متكررة وطبعاً الصيانة بتختلف من العادى إلى القاسى. وانا اعتقد ان احنا فى مصر لازم نطبق القاسى. أنا أن شاء الله رايح صيانة يوم السبت وهسأل على النقطة دى.
من وجهة نظرى أن أفضل فترة للصيانة انك تروح على الاقل 3 مرات فى السنة او كل 5000 كيلو (وفى الحالة دى حط زيت 5000 كيلو لانك هتغير فى كل مرة).
والسلام ختام

اقتباس:

---

المشاركة الأصلية كتبت بواسطة ahmed_rahem

السلام عليكم،

نيجى للأساسيات، الصيانة بتكون على الفترات او عدد الكيلومترات ايهما اقربّ، دة الاساس. طب القياس بيكون ازاى حسب البند، ناخد مثال البوجيهات لو عدت سنة بس لسة معدش عدد الكليومتر (زى peaceman) وفاضل كتير فى الحالة دى الفيصل حالة البوجية ماشى ولا فية قصور فى الاداء وفى حالة انة شغال يبقى بتخلية لفترة اطول (لان عمرة بيتقاس بالكيلوميتر ومفيهوش اجزاء بتتلف مع الوقت). السيور الكلام يختلف لان الكاوتش لية عمر افتراضى (زمنى بالشهور او استخدام بالكيلوميتر) لازم بعدة يتغير وكذلك الزيوت.
كتيب الضمان بيذكر الصيانة فى الحالة العادية ودى مفروض تكون الاستخدام الامثل (متوسط 5000 كيلو كل 3 شهور) وبيذكر الاستخدام القاسى ودة احد بنودة استخدام السيارة فى مشاوير قصيرة متكررة وطبعاً الصيانة بتختلف من العادى إلى القاسى. وانا اعتقد ان احنا فى مصر لازم نطبق القاسى. أنا أن شاء الله رايح صيانة يوم السبت وهسأل على النقطة دى.
من وجهة نظرى أن أفضل فترة للصيانة انك تروح على الاقل 3 مرات فى السنة او كل 5000 كيلو (وفى الحالة دى حط زيت 5000 كيلو لانك هتغير فى كل مرة).
والسلام ختام

---

شاكر ردك الكريم احمد باشا و منتظرين تقريرك بعد الصيانة ان شاء الله و مبروك الصيانة مقدما و عقبال صيانة الـ 100000 كيلو

الله ينور عليك يا بيشو

انا بقى اول حاجة بصيت عليها الموضوع ده واخدت بالى منه من قبل ما اشترى العربية ولحظتها كمان فى كتيب الضمان وما اسكتش اللى لما اطمنت ( لانى ملسوع قبل كده من توكيل نصاب نصب عليا فى نفس الشروط بتاعت ايهما اقرب واكل حقى )

عشان كده سالت خدمه العملاء و مراكز الخدمه عن الموضوع ده وكله اكد انها بالكيلوا مش بالمده و بالنسبة للزيت فقط يفضل تغيره حسب المده فى حاله عدم تحقيق الكيلومترات المطلوبه ( بحيث لا يتعدى مدة الستة اشهر فى السيارة ) غير كده كله بالكيلومترات

ودمتم بال

اقتباس:

---

المشاركة الأصلية كتبت بواسطة egypt0777

الله ينور عليك يا بيشو

انا بقى اول حاجة بصيت عليها الموضوع ده واخدت بالى منه من قبل ما اشترى العربية ولحظتها كمان فى كتيب الضمان وما اسكتش اللى لما اطمنت ( لانى ملسوع قبل كده من توكيل نصاب نصب عليا فى نفس الشروط بتاعت ايهما اقرب واكل حقى )

عشان كده سالت خدمه العملاء و مراكز الخدمه عن الموضوع ده وكله اكد انها بالكيلوا مش بالمده و بالنسبة للزيت فقط يفضل تغيره حسب المده فى حاله عدم تحقيق الكيلومترات المطلوبه ( بحيث لا يتعدى مدة الستة اشهر فى السيارة ) غير كده كله بالكيلومترات

ودمتم بال

---

معني كلامك كده :

انا عامل اخر صيانة هي الـ 20000 كيلو اخر شهر نوفمبر 2010 يبقي كان لازم اغير الزيت اخر مايو 2011 و طبعا انا حاطط زيت 10000 و العربية عامله دلوقتي 26000 كيلو يعني علمت بالزيت 6000 كيلو بس مع العلم ان اكتر سواقتي داخل المحافظة
يعني اغير الزيت و لا استني ولا ايه ... بص انا كنت حاطط اخر مرة زيت فيسكو و عايز اغير لشيل

انا بفكر اني اعمل صيانة الـ 30000 دلوقتي و بعد كده اغير الزيت في صيانة الخمسات بحيث لما اجي اعمل صيانة العشرات ابقي وفرت وت تغيير الزيت لأني بعمل صيانة العشرات في السبع المعادي انما الخمسات ممكن اعملها في مودرن عندي هنا و بردوا شايف ان صيانة الـ 30000 مش مشكلة لو عملتها في مودرن برده و لا ايه رايكوا

اقتباس:

---

المشاركة الأصلية كتبت بواسطة peaceman

شاكر ردك الكريم احمد باشا و منتظرين تقريرك بعد الصيانة ان شاء الله و مبروك الصيانة مقدما و عقبال صيانة الـ 100000 كيلو

---

السلام عليكم،

أولاً أسف على التأخير بس كان فية ظروف شغل. المهم عملت صيانة الالف واول حاجة سألت عليها موضوع الصيانة والفترة، المهندس الى رد عليا أكد انهم بيتعاملوا بالكيلو وليس بالفترة وفى وسط الكلام عن الزيت قال انة عمرة ستة شهور فقط (زيت 10 الف كيلو) وبالتالى لازم يتغير وتيجى صيانة، وكمان أن الضمان معمول أن فى نهاية فترة الثلاث سنوات هتكون مشيت على الاقل 100 الف كيلو.
أنا الكلام دة منطقى شوية وهو عموماً مش هيأثر عليا لانى هعمل الصيانة الدورية كل شهرين ثلاثة بالكتير.
الخلاصة تعمل صيانة على الاقل ثلاث مرات فى السنة (تمسك العصاية من النص) لو انت مش بتمشى كتير او كل خمسة آلاف لو بتمشى عادى.

والسلام ختام