واحد غلبان عايز يقسط مستعمل

**SEATLOVER** · 01-05-2008 05:58 PM

يا جماعة مفيش علاقة بين صغر العربية ...و المشوار
تانى ..
الماروتى عربية فوريرة و بتجرى و من انسب الحاجات فى البلد دى هى و الالتو طبعا اختها الكبيرة ..و مصاريفهم اقتصادية لحد كبير (الماروتى ) و بتستحمل و كل حاجة

**Hassan Khalil** · 01-05-2008 05:59 PM

اسعار الالتو وفقا لكونتاكت

ألتو 1.1 A/C C/L R/C 2008 55900
ألتو .8 F/O M/T 2008 48900أ
لتو .8 A/C M/T 2008 45900ألتو .8 M/T 2008 41900

**zalpany2000** · 01-05-2008 06:02 PM

بجد انا عاجز عن الشكر يا بشمهندس حسن
طيب هاسأل حضرتك علي حاجه كمان
العربية البرودو كيلسيا سعر المانيوال بتعاها 51 الف تقريبا
هي ولا الالتو ؟؟
كمان لو حضرتك عندك معلومة عن موضوع بنك ناصر ده لو مش شرط انه يكون عدي 6 سنوات علي الوظيفة

الف شكر علي المساعده لحضرتك و للبشمهندس عمرو

**Hassan Khalil** · 01-05-2008 06:06 PM

الفنيات و مين احسن او اوحش ..دي انا مش حاقدر اجاوبك عليها .. و يفيدك فيها كويس اوي زميلنا المهندس عمرو (seatlover)>> و باقي الاخوة الاعضاء .. بس انا شخصيا باسمع عن البرودوا سمع خير اوي :)
-------
موضوع الست سنوات معنديش عنه علم .. و اذا جاتلي اي معلومة حابلغ سيادتك فورا ..و ياريت تخطف رجلك لاقرب فرع ليك علشان تكون الصورة واضحة تماما لحضرتك .
تحياتي

**Neurovit** · 01-05-2008 06:11 PM

اولا ربنا يوفقك في اختيار العربية وعاوز افضل حل لاختيارك هو: .......الاستخارة
ثانيا: بالنسبة للماروتي : عربية فوق ممتازة كاستخدام شخصي ليك ول مشاويرك ..العربية دي موجوده زي الرز في دمياط وطول ما انت مزودتش حمولتها متقلقش من حاجه بس مش هاينفع تشغلها رايح جاي في قلب القاهرة بتكييف(موتور 800cc) ..<عاوز رفاهية متسالش عن السعر >
يعني عاوز ماروتي يبقى حمولة خفيفة ومتقلقش من حاجه ...
- عاوز عربية حمارة شغل وسعر ممتاز وتشيل العيلة كلها وتملى شنطةالعربية باي حمولة يبقى عليك وعلى ال لادا 2107 بتعمل حوالي 45 الف (مع المقدم اللي هاتدفعه هاتقسط الف جنية بالشهر)
بس هي عربية ناشفة ولو انت مسقتش عربيات قبل كده مش هاتفرق معاك ومش هاتحس بمعنى كلمة تقيلة وناشفة (لانها كانت اول عربيةاركبها في حياتي ولمده سنتين ومكنش سقت غيرها ولا ايدي لمست اي طارة غيرها :d ) واقتصادية جدافي قطع غيارها ومتوفرة للغاية (خاصة بالقاهرة ) وواسعه جدا واوسع من الشاهين بمراحل اللي ب 62 الف حاليا
**انا شايف مدام تقدر تقسط الف جنية بالشهر ابعد عن المستعمل لان بامكانتيك دي (زي حالاتي بالضبط ) تقسط زيرو لانك كده كده هاتفدع نفس المبلغ إجمالا على تصليح كل شوية في العربية المستعملة غير عطلتك وتاخيرك عن شغلك وشايل هم قطعة الغيار وميكانيكي وعفشجي..الخ الخ
واي سؤال تحت امرك (مدوب عربيتن استعمال :لادا 2105 ولادا سمارا مو 97 وباذن الله ناوي على زيرو )

**Neurovit** · 01-05-2008 06:13 PM

البردوا تاني عربية منتشرة بدمياطفي فئة العربيات الصغيرة
ولو تقدر تجيبها يبقى شغل التكييف وميهمكش
بتعمل 450 كم في الصفيحة

**SEATLOVER** · 01-05-2008 06:15 PM

يا بختك يا عم zalpany الحاج حسن خليل فاتح معاك على ال 180 و عمال يجبلك من الاخر
ربنا يبارك فيك يا حاج حسن

المشاركة الأصلية كتبت بواسطة zalpany2000

العربية البرودو كيلسيا سعر المانيوال بتعاها 51 الف تقريبا
هي ولا الالتو ؟؟
كمان لو حضرتك عندك معلومة عن موضوع بنك ناصر ده لو مش شرط انه يكون عدي 6 سنوات علي الوظيفة

بص يا سيدى الاتنين ذى الفل و حلوين جداً ..مع انى برضو مش عايزك تبعد الماروتى من اختياراتك
المهم البردوا عربية حلوة جداً بس انا شخصياً افضل الالتو لعوامل لها علاقة بالسوق و وجود توكيل واضح على ارض الواقع وإن كانت قطع غيارها اعلى من البردوا
ولما تبتدى مرحلة الدراسة لواحدة فيهم ممكن تاخد جولة فى قسم كل واحدة هاتعرف كتير عنهم

**Hassan Khalil** · 01-05-2008 06:56 PM

المشاركة الأصلية كتبت بواسطة SEATLOVER

يا بختك يا عم zalpany الحاج حسن خليل فاتح معاك على ال 180 و عمال يجبلك من الاخر
ربنا يبارك فيك يا حاج حسن

تسلم يا بشمهندس .. ده من ذوقك ..
و ربنا يوفق الاخ زلاباني لما فيه الخير .

**zalpany2000** · 01-05-2008 07:10 PM

الف شكرا يا استاذ حسن و لكل الاخوة اللي ردوا عليا

اللي وصلتلوا دلوقتي اني ممكن اقسط تبع بنك اسكندرية كمان من غير مقدم بفايدة 7.2 % يعني لو برودو او اي حاجه في سعرها يبقي قسطها 950 تقريبا من غير مقدم علي 7 سنين
بس فيه شرط المرتب يغطي ضعف تمن العربية
يعني اقبضلي بتاع 1900جنيه و يتحول المرتب عالبنك

وطبعا مرتب الحكومة ولا نص ده
لو حد عنده خبرة في الموضوع ده يقولي

محبتي وتقديري