بخصوص فلتر الاسبور

**MoStAfA-StabS** · 27-06-2011 01:32 PM

السلام عليكم

انا عندى فلتر اسبور و عايز اعرف بيتنضف ازاى .. و بيتحطله زيت ولا لا ؟!

و كل كام كيلومتر بيتنضف ؟؟ ....

تنضيفه سهل ولا اوديه عند اللى اشتريتو منه بينضفه ب 20 جنيه .....

شكرا جدا .....

**smsm_nabawy** · 27-06-2011 05:18 PM

أولاً مبروك عليك :)

ثانياً هوا شكله كده ؟؟
ولا السفنج ده ؟؟

عامةً لو شكله كده ،، هوا بيتنظف ،، مش بالمدة ،، بالوساخة بتاعته ،، بس أنا مثلاً بنظفه مرتين كل شهر ،، و بغسله مرة كل شهرين

بمعنى ،، أني بطلعه من العربية و أخده معايا البيت ،، و أشغل المكنسة الي بالكهربا ،، و أركب فيها الفرشة ،، مش المكنسة !!

"هي عندنا ممكن تشيل البوذ الي في اللآخر و تركب حسب داعي الأستعمال (تقريباً كل المكانس كده) "

المهم و أشغلها على أقصى قوة شفط ،، و أقعد أمشيها على الفلتر ،، بحيث تشفط كل التراب و كده !!

و ده بيكون بمعدل مرة كل أسبوعين ،، أو كل أسبوعين و حاجة

كل شهين ،، بطلعه و اغسله ،،

بحيث اني أجيب "طشط" و املاه مياه ،، و أحط فيها برسيل ،، و كام نقطة بريل !!
و أنقع الفلتر ،، و أقعد أنزله و أطلعه أكتر من مرة ،، و أجرب أسد بأيدي الزور بتاع الفلتر ،، و أنزله و اطلعه في المياه ،، بحيق أن المياه تدخل في المسام بتاع الفلتر ،، و تطلع !!

و بمسكه و انزله في الطشط ،، و أقعد ألقه في المياه ،، و أحركه يمين و شمال ،، علشان أظمن ان المياه تتغلغل جوا النسيج كويس و تشيل كل الأتربة

و بعد كده أسيبه منقوع 10 دقايق "مش بزود علشان بخاف النسيج بتاع الفلتر يتهرى !!

و بعد كده أشيله و أفرغ المياه دي ،، و طبعاً لون المياه بينزل أسوود !! :)))

بعد كده أشطف ال"طشط" و أملاه مياه نظيفه !! و أشطف الفلتر فيها ،، بنفس الطرق بتاعت تنظيفه "لاحظ ،، تجنب أنك تحط الفلتر مباشرة تحت الحنفية ،، علشان ضغط المياه الي نازله ممكن يقطعلك حتت في نسيج الفلتر ولا حاجة ،، و طالما في أحتمالية لكده ،،يبقى بلاها احسن !!

بشطفه أكتر من مرة ،، كل شوية أكب المياه الي شطفته فيها ، و أستخدم مياه جديدة !!

و بعد كده أمسكه ، و أقعد أنطره كوييسسسس أوي ،، علشان أفضي المياه منه ،، و بحطه في البلكونة ساعتين ولا حاجة في الشمس ،، و الهوا ،، و باخده معايا بعد مينشف و أحطه في العربية

في بعض الفلاتر "مثل ال K & N " دول بيكون ليهم كيت مخصوصة لتنظيفها شاملة زيت معين بيتحط على الفلتر ،، علشان يضمن عدم دخول أتربة للموتور

أنا الفلتر بتاعي سيموتا ،، مش بحط عليه حاجة ،، بس ناوي المرة الجاية ،، أدهنة زيت "باور" علشان يلقط الأتربة :)

يا رب أكون ساعدتك و مطولتش عليك :)

**smsm_nabawy** · 27-06-2011 06:19 PM

المشاركة الأصلية كتبت بواسطة mostafa-stabs

حبيبى حبيبى حبيبى ... دايما اللى بيرد عليا

عامل ايه يا باشا .. يارب تكون فى احسن حال

طولت عليه ايه بس ده انا اللى تعبتك ... لا 100% كده الله ينور

انا عندى الفلتر زى ده بس عليك غلاف زى الكربون يتفك عادى

بس سؤال الايريال مش غلط ؟؟ و زيت الباور ده اجيبه منين ؟؟؟ و ارشه بأزازه فيها بخاخ ؟!؟

شكرا يا باشا ... الله يخليك

و انت كمان حبيبي والله يا مصطفى :)

و انا تمام الحمد لله :)

والله هو بيبقى غلط لو طولت النقع فيه علشان بياكل النسيج بتاع الفلتر ،، علشان كده أنا مش بطول،، بس بينظف الفلتر 100 100 !! !

أما زيت الباور ده ن، الي هوا زيت الباور ستيرينج !! و قريت بعض المشاركات الي فيها ماس بيحطوا زيت باكم فرامل ،، أو بينصحوا بيه !!

عامةً أنت حتجيبه و تجيب فرشة معفنة ،، و تغمسها في الزيت و تدهن بيها الفلتر من بره !!

العفو و تحت أمرك ،، و عايزيزين نتقابل بقا !! :))

أنا ناوي أنظم مقابلة للأعضاء الي في أليكس !! بس ربنا يسهل !! :)

**smsm_nabawy** · 27-06-2011 06:20 PM

و متقولش تعبتك دي ،، مفيش تعب ولا حاجة !! :)

**MoStAfA-StabS** · 27-06-2011 06:59 PM

المشاركة الأصلية كتبت بواسطة caboo_1

حبيبى الاسكندرانية هنا ربنا يكرمو

المشاركة الأصلية كتبت بواسطة caboo_1

ازيكو يا رجالة
سؤال بقى ليكو هو صوته حلو فعلا ولا زى الديفل اللى جبلى صداع يعنى هيفع على الاوبل ولا ايه ظروفه
وعلى فكرة فعلا بينصحو بزيت الفرامل لانه اخف واسهل فى التنضيف
ولو جبته اجيبه هو بس ولا معاه التربيناتور كمان واجيبة نوعه نضيف ولا اجيف صينى واغيرة كل شهرين

بص يا باشا ... انا كنت زيك بالضبط فى الحوار ده كنت محتاااسس

بص الفلتر احسن من الديفل 100 مره الصوت مش صوداع فى القرص على الغيار بس

انا بقى مجبتوش علشان الصوت .... انا عندى بمعنى الكلمه السحب زاد بنسبة 50% .. العربيه فرقه تماما
لدرجة انى شلته و جربت و ركبته تامى و جربت .. فرق رهيييب!!!!

بص طبعا نوعه لازم تجيب نضيف علشان ميعديش التراب للمتور علشان المضروب لو جديد حيعدى تراب للمتور ...

لو تقدر تجيب ال k&n تبقى 100% ... لو غالى شويه جيب سيموتا بس ....
خد بالك سيموتا الاصلى مش المضروب ...... حتسألنى حعرف منين ....
بص يا سيدى معلومه من واحد شغال فى المجال
1-السيموتا الاصلى السيليكون اللى فيه اللى لازق الفلتر فى الحروف لونه اسود .... (( لازم يبقى اسود )) لو السلكون مش اسود يبقى مضروب
2- السيموتا الاصلى برده القعده بتاعته سوده مش سيلفرر ....

بس رقم 1 الاهم ... علشان فيه مضروب القعده بتاعته سودا

بالنسبة للبنزين الاستهلاك حيزيد لو بتشد و بتقرص ... لو مش بتشد حيوفر معاك
انا طبعا بشد بالمعقول بيستهلك زياده شويه بس بيدى اداء رائع ...

اى سؤال انا معاك قولى بس

**smsm_nabawy** · 27-06-2011 07:01 PM

المشاركة الأصلية كتبت بواسطة mostafa-stabs

ده تبقى مقابة 100% والله .... و نعملها فى car4 .. بس اخلص امتحنات :ka_che1[1]:

و أنا كماان ،، أن شاء الله حخلص يوم 2-7 !! و لو كده ياااا ريييييييت تتعمل في كارفووور !! :))) ياا رييييييت !!

تحت أمركم في أي وقت في الصيف ،، انا حكون صاايع و مواريش حاجة في أول 10 أيام من الأجازة !!

**smsm_nabawy** · 27-06-2011 07:07 PM

المشاركة الأصلية كتبت بواسطة caboo_1

حبيبى الاسكندرانية هنا ربنا يكرمو
ازيكو يا رجالة
سؤال بقى ليكو هو صوته حلو فعلا ولا زى الديفل اللى جبلى صداع يعنى هيفع على الاوبل ولا ايه ظروفه
وعلى فكرة فعلا بينصحو بزيت الفرامل لانه اخف واسهل فى التنضيف
ولو جبته اجيبه هو بس ولا معاه التربيناتور كمان واجيبة نوعه نضيف ولا اجيف صينى واغيرة كل شهرين

ربنا يخليهم لينا يا رب :))

اما لسؤالك !!

*لالالا ،، الصوت رووووووووووعة !!! خصوصاً في الجري !! ،، بجد ماشاء الله !!

*السحب بيفوووووق جاااامد !!

*و حينفع على عربيتك مفيش مشاكل :)

*مين التربيناتور ده ؟؟ :)))

*اما الي حتشتريه ،، فعى حسب فلوسك !!

أنا أنصحك لو عايز تجيب ،، جيب السيموتا ، و حط عليه زيت الفرامل ،، و غيره كل 9 ألى 12 شهر !!!

طبعاً بالتنظيف !! :)))

======================

سؤال بقا !! الديفيل بتاعك جابلك صداع ليه ؟؟ هو نوعه أيه ؟؟ الصيني ده الي بيتباع في عزبة سعد ؟؟ ولا ماركة ؟؟

-

-

-

الموضوع: بخصوص فلتر الاسبور

LinkBack

أدوات الموضوع

عرض

بخصوص فلتر الاسبور - انشر الموضوع فى :

-

-

-

-

-

-

المواضيع المتشابهه

هل فلتر الاسبور يوفر البنزين ام العكس

فلتر الهواء الاسبور للكربيراتير لية صوت ولا لا من الاخر؟؟!

استفسار بخصوص الشكمان الاسبور

مكان فلتر الهواء الاسبور صح ولا لا

فلتر الهواء الاسبور والدايو؟

الكلمات الدلالية لهذا الموضوع

المفضلات

المفضلات

ضوابط المشاركة